Արման Կիրակոսյան

Վիքիպեդիայում կան հոդվածներ Կիրակոսյան ազգանունով այլ մարդկանց մասին։

Արման Կիրակոսյան
Կրթություն՝	Հայկական պետական մանկավարժական համալսարան
Գիտական աստիճան՝	պատմական գիտությունների դոկտոր
Մասնագիտություն՝	դիվանագետ, պատմաբան, քաղաքական գործիչ և համալսարանի դասախոս
Ծննդյան օր	սեպտեմբերի 10, 1956(1956-09-10)[1]
Ծննդավայր	Երևան, Հայկական ԽՍՀ, ԽՍՀՄ
Վախճանի օր	հուլիսի 6, 2019(2019-07-06)[1] (62 տարեկան)
Վախճանի վայր	Երևան, Հայաստան
Քաղաքացիություն	ԽՍՀՄ և  Հայաստան
Հայր	Ջոն Կիրակոսյան
Պարգևներ	և
Arman Kirakossian

Արման Ջոնի Կիրակոսյան (սեպտեմբերի 10, 1956(1956-09-10)^[1], Երևան, Հայկական ԽՍՀ, ԽՍՀՄ - հուլիսի 6, 2019(2019-07-06)^[1], Երևան, Հայաստան), հայ քաղաքական գործիչ, դիվանագետ, պատմաբան։ Պատմական գիտությունների դոկտոր (1999)։ Ունի արտակարգ և լիազոր դեսպանի աստիճան (1992)։

Ջոն Կիրակոսյանի որդին է։

Արման Կիրակոսյանը ծնվել է 1956 թվականին, Երևանում։ 1973 թվականին ընդունվել է Երևանի Խաչատուր Աբովյանի անվան պետական մանկավարժական ինստիտուտիի պատմա-աշխարհագրական ֆակուլտետի պատմության և հասարակագիտության բաժինը, որն ավարտելուց հետո՝ 1977 թվականին մի քանի ամիսների ընթացքում հայոց պատմություն և հասարակագիտություն է դասավանդել Էջմիածնի շրջանի Բաղրամյան գյուղի դպրոցում։ Նույն տարում ընդունվել է պետական մանկավարժական ինստիտուտի ընդհանուր պատմության ամբիոնի ասպիրանտուրան և 1980 թվականին ավարտել այն։ 1980-1986 թվականներին աշխատել է ՀԽՍՀ Գիտությունների ակադեմիայում (լաբորանտ, կրտսեր գիտաշխատող, ավագ գիտաշխատող – ՀՀ ԳԱԱ գիտական տեղեկատվական կենտրոնի «Հայագիտությունն արտերկրում» խմբի ղեկավար)։ 1986-1991 թվականներին տարբեր պաշտոններ է զբաղեցրել Հայաստանի կոմկուսի կենտկոմում (Գիտության և կրթական հաստատությունների բաժնի հրահանգիչ, գաղափարական բաժնի հրահանգիչ, գաղափարական բաժնի խորհրդատու), այնուհետև կրկին վերադարձել ՀՀ ԳԱԱ՝ որպես Սփյուռքի պատմության և մշակույթի բաժնի ղեկավար։

1992-1993 թվականներին եղել է Հայաստանի արտաքին գործերի նախարարի պաշտոնակատարը, որից հետո եղել է Հայաստանի արտակարգ և լիազոր դեսպանը Հունաստանում (1994-1999 թվականներ) և ԱՄՆ-ում (1999-2005 թվականներ)։

2005-2011 թվականներին եղել է Հայաստանի արտաքին գործերի նախարարի տեղակալ։

2011 թվականին նշանակվել է Ավստրիայում Հայաստանի արտակարգ և լիազոր դեսպան^[2] և, համատեղության կարգով, Եվրոպայի անվտանգության և համագործակցության կազմակերպությունում Հայաստանի առաքելության ղեկավար^[3]։ Նույն տարում, համատեղության կարգով, նշանակվել է Վիեննայում Միավորված ազգերի կազմակերպության գրասենյակում և այլ միջազգային կազմակերպություններում Հայաստանի մշտական ներկայացուցիչ^[4]։ 2012 թ. Հայաստանի Նախագահի հրամանագրով, համատեղության կարգով, նշանակվել է Հունգարիայում Հայաստանի արտակարգ և լիազոր դեսպան^[5]։

2018 թվականին նշանակվել է Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի արտակարգ և լիազոր դեսպան^[6]։

Արման Կիրակոսյանը 1999 թվականից պատմական գիտությունների դոկտոր էր, աշխատության թեման՝ «Բրիտանական դիվանագիտությունը և արևմտահայության խնդիրը XIX դարի 30-ական թթ. – 1914 թ.», որը լույս է տեսել նույն թվականին։ Գրքում վեր է հանվում անգիլական դիվանագիտության սկզբունքները և թուրքերի ջարդարարական քաղաքականությունը հայերի նկատմամբ։ Հիշյալ աշխատությունը անգլերեն լույս է տեսել Լոնդոնում 2004 թ. «Կոմիտաս» ինստիտուտի կողմից։ Բազմաթիվ գիտական աշխատությունների և հոդվածների հեղինակ էր։ Անգլերեն է հրատարակվել նրա կազմած «Հայկական ջարդերը 1894-96 թթ․» ժողովածուն, որն ընդգրկում է շուրջ 35 հոդված, հրատարակվել է 2004 թվականի փետրվարին՝ Դետրոյթի Վեյն նահանգային համալսարանի կողմից։ 2005 թվականին լույս է ընծայել «Ակնարկներ Հայկական հարցի և եղեռնի միջազգային ճանաչման պատմության» հոդվածների ժողովածուն։

• Մխիթար Գոշի մեդալ (2011)^[7]։
• «Հայրենիքին մատուցած ծառայությունների համար» 1-ին աստիճանի մեդալ (2017)
• Պատվո շքանշան (2019, հետմահու)^[8][9]

• Արման Կիրակոսյանը zarkfoundation.com կայքում
• Կենսագրությունը և «Բրիտանական դիվանագիտությունը և հայկական հարցը» գրքի էլեկտրոնային տարբերակը։

Վիքիպահեստն ունի նյութեր, որոնք վերաբերում են «Արման Կիրակոսյան» հոդվածին։

Բառարաններ և հանրագիտարաններ Արմենիապեդիա   Չափորոշչային վերահսկողություն ՀԳՀԳ: 10134 · BNF: 14602540v · GND: 1056133384 · ISNI: 000000008143971X · LCCN: n91100327 · NKC: jo2017967865 · NTA: 312826869 · NUKAT: n2018266065 · SUDOC: 098225065 · VIAF: 64256446 · WorldCat VIAF: 64256446

դ ք խ Հայաստանի արտաքին գործերի նախարարները Հայաստանի առաջին հանրապետություն 1918-1920 Ալեքսանդր Խատիսյան (1918) • Հովհաննես Քաջազնունի (1918) • Սիրական Տիգրանյան (1918-1919) • Ալեքսանդր Խատիսյան (1919-1920) • Համազասպ Օհանջանյան (1920) • Սիմոն Վրացյան (1920) Անդրկովկասյան ԽՍՖՀ կամ Հայկական ԽՍՀ Արտաքին գործերի ժողովրդական կոմիսարներ: Ալեքսանդր Բեկզադյան (1920 - 1921) • Ասքանազ Մռավյան (1921 - 1922) • Սահակ Կարապետյան (1944-1946) Արտաքին գործերի մինիստրներ: Սահակ Կարապետյան (1946-1947) • Գևորգ Հովհաննիսյան (1947 - 1954) • Անտոն Քոչինյան (1954 - 1958) • Բալաբեկ Մարտիրոսյան (1958 - 1972) • Կամո Ուդումյան (1972 - 1975) • Ջոն Կիրակոսյան (1975 - 1985) • Անատոլի Մկրտչյան (1985 - 1990) Հայաստան (Արտաքին գործերի նախարարներ) Աշոտ Եղիազարյան (ժ/պ) (1990-1991) • Րաֆֆի Հովհաննիսյան (1991 - 1992) • Արման Կիրակոսյան (ժ/պ) (1992 - 1993) • Վահան Փափազյան (դիվանագետ) (1993 - 1996) • Ալեքսանդր Արզումանյան (1996 - 1998) • Վարդան Օսկանյան (1998 - 2008) • Էդվարդ Նալբանդյան (2008-2018) • Զոհրաբ Մնացականյան (2018-2020) • Արա Այվազյան (2020-2021) • Արմեն Գրիգորյան (2021) • Արարատ Միրզոյան (2021-)

դ ք խ ԱՄՆ-ում Հայաստանի դեսպանները Հայաստան 1918-1920 Կարո Բաստրմաճյան Հայաստան Ալեքսանդր Արզումանյան (1992-1993) • Ռուբեն Շուգարյան (1993-1999) • Արման Կիրակոսյան (1999-2005) • Թաթուլ Մարգարյան (2005-2014) • Տիգրան Սարգսյան (2014-2016) • Գրիգոր Հովհաննիսյան (2016-2018) • Վարուժան Ներսեսյան (2018-2021) • Լիլիթ Մակունց (2021-ից)

դ ք խ Ավստրիայում Հայաստանի դեսպանները Հայաստան Արման Նավասարդյան (1993-1998) • Ջիվան Թաբիբյան (1998-2008) • Աշոտ Հովակիմյան (2008-2011) • Արման Կիրակոսյան (2011-2018) • Արմեն Պապիկյան (2018-ից)

դ ք խ Հունգարիայում Հայաստանի դեսպանները Հայաստան Արման Նավասարդյան (1993-1998) • Ջիվան Թաբիբյան (1998-2008) • Աշոտ Հովակիմյան (2008-2011) • Արման Կիրակոսյան (2012-ից) °2011 թ. օգոստոսի 31-ից Հայաստանի և Հունգարիայի միջև դիվանագիտական հարաբերությունները կասեցված են։

դ ք խ ԵԱՀԿ-ում Հայաստանի մշտական ներկայացուցիչները Հայաստան Արման Գառնիկի Նավասարդյան (1993-1998) • Ջիվան Թաբիբյան (1998-2008) • Աշոտ Հովակիմյան (2008-2011) • Արման Կիրակոսյան (2011-ից)