Արարատ Միրզոյան

Վիքիպեդիայում կան հոդվածներ Միրզոյան ազգանունով այլ մարդկանց մասին։

Արարատ Միրզոյան
(13-րդ) Հայաստանի արտաքին գործերի նախարար
2021 թվականի օգոստոսի 19-ից
Վարչապետ	Նիկոլ Փաշինյան
Նախորդող	Արա Այվազյան, Արմեն Գրիգորյան (պաշտոնակատար)
ՀՀ ԱԺ 7-րդ գումարման ԱԺ նախագահ
2019 հունվարի 14 - 2021 օգոստոսի 2
Նախորդող	Արա Բաբլոյան
Հաջորդող	Ալեն Սիմոնյան
(2-րդ) ՀՀ I փոխվարչապետ
2018 մայիսի 11 - 2019 հունվարի 14
Վարչապետ	Նիկոլ Փաշինյան
Նախորդող	Կարեն Կարապետյան
ՀՀ ԱԺ 6-րդ գումարման պատգամավոր
2017 ապրիլի 2 - 2018 մայիսի 11
Ազգային ժողովի նախագահ	Արա Բաբլոյան
Կուսակցություն՝	«Ելք» դաշինք, Քաղաքացիական պայմանագիր և «Իմ քայլը» դաշինք
Կրթություն՝	ԵՊՀ պատմության ֆակուլտետ (2000), ՊԿԱ (2004) և Հայոց Ցեղասպանության թանգարան-ինստիտուտ (2005)
Գիտական աստիճան՝	պատմական գիտությունների թեկնածու
Մասնագիտություն՝	պատմաբան և քաղաքական գործիչ
Ծննդյան օր	նոյեմբերի 23, 1979(1979-11-23) (44 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Հայր	Սամվել Միրզոյան
Ararat Mirzoyan

Արարատ Սամվելի Միրզոյան (նոյեմբերի 23, 1979(1979-11-23), Երևան, Հայկական ԽՍՀ, ԽՍՀՄ), կուսակցական, պետական-քաղաքական գործիչ, Հայաստանի 6-րդ գումարման ընդդիմադիր պատգամավոր, Հայաստանի 7-րդ գումարման ազգային ժողովի նախագահ^[1]։ 2021 թվականի օգոստոսի 19-ից Հայաստանի արտաքին գործերի նախարար^[2]։

Արարատ Միրզոյանը ծնվել է 1979 թվականի նոյեմբերի 23-ին Երևան քաղաքում։

2000 թվականին ավարտել է ԵՊՀ պատմության ֆակուլտետի արվեստի բաժինը։

2002 թվականին ավարտել է ԵՊՀ պատմության ֆակուլտետի մագիստրատուրան՝ որպես պատմաբան։

2004 թվականին ավարտել է ՀՀ պետական կառավարման ակադեմիան՝ որպես պետական ծառայող, պետական կառավարման և տեղական ինքնակառավարման մասնագետ։

2005 թվականին ավարտել է ՀՀ ԳԱԱ ասպիրանտուրան՝ որպես պատմական գիտությունների թեկնածու^[3]։

2003-2005 թվականներին աշխատել է ՀՀ ԳԱԱ Հայոց ցեղասպանության թանգարան-ինստիտուտում՝ որպես կրտսեր գիտաշխատող։

2005-2007 թվականներին աշխատել է Հայաստանի ազգային արխիվում՝ որպես հասարակական-քաղաքական փաստաթղթերի բաժնի գլխավոր արխիվագետ։

2007-2010 թվականներին աշխատել է «Էյչ-Էս-Բի-ՍԻ Բանկ Հայաստան» ՓԲԸ-ում։

2011-2012 թվականներին որպես վերլուծաբան՝ աշխատել է «Ռեգնում» միջազգային լրատվական գործակալությունում։

2012-2013 թվականներին աշխատել է Ընտրական համակարգերի միջազգային հիմնադրամում (IFES)՝ որպես ընտրողների իրազեկման ծրագրի համակարգող։

2012 թվականի հոկտեմբերից 2013 թվականի փետրվարն ընկած ժամանակահատվածում դասավանդել է ԵՊՀ-ում։

2013-2015 թվականներին եղել է «Հայաստանի զարգացման նախաձեռնություններ» (IDEA) հիմնադրամի «Ավրորա մրցանակ և 100 կյանք» նախաձեռնության հետազոտական խմբի ղեկավարը։

2014-2017 թվականներին աշխատել է որպես Բազմակուսակցական ժողովրդավարության նիդեռլանդական ինստիտուտի (NIMD) քաղաքական կուսակցությունների և ռազմավարական պլանավորման փորձագետ^[4]։ Մասնակցել է նաև հակառուսական որոշ ակցիաների^[5]։

Արարատ Միրզոյանը «Քաղաքացիական պայմանագիր» կուսակցության հիմնադիր անդամ է։ 2016 թվականից հանդիսանում է «Քաղաքացիական պայմանագիր» կուսակցության վարչության անդամ։

2019 թվականի հունիսի 16-ին տեղի ունեցած «Քաղաքացիական պայմանագիր» կուսակցության 5-րդ համագումարի ժամանակ ընտրվել է ՔՊ վարչության անդամ^{[6][7][8][9][10][11]}։

2017 թվականի ապրիլի 2-ին «Ելք» կուսակցությունների դաշինքի թիվ 3 ընտրատարածքի տարածքային ընտրական ցուցակով ընտրվել է ՀՀ 6-րդ գումարման Ազգային ժողովի պատգամավոր։

2018 թվականին Նիկոլ Փաշինյանի առաջնորդությամբ մեկնարկեց «Իմ քայլը» նախաձեռնությունը, որը Գյումրիից դեպի Երևան քայլարշավ էր կազմակերպել ընդդեմ Սերժ Սարգսյանի վարչապետության^[12]։ Նախաձեռնությունը համագործակցում էր Սերժ Սարգսյանի իշխանության դեմ պայքարող այլ ուժերի հետ և լայն աջակցություն ստացավ բնակչության տարբեր հատվածների կողմից։ Նախաձեռնության առաջնորդներից էր նաև Արարատ Միրզոյանը։ Սկսված մասշտաբային անհնազանդության գործողությունների հետևանքով ապրիլի 23-ի կեսօրին Հայաստանի վարչապետ Սերժ Սարգսյանը հրաժարական տվեց իր պաշտոնից^[13]։

2018 թվականի մայիսի 11-ին նշանակվել է Հայաստանի առաջին փոխվարչապետ։

2018 թվականի դեկտեմբերի 9-ին կայացած արտահերթ խորհրդարանական ընտրություններում Երևան քաղաքի Մալաթիա-Սեբաստիա և Շենգավիթ վարչական շրջաններն ընդգրկող թիվ 3 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ստացել է 25 550 ձայն^[14][15]։

2019 թվականի հունվարի 10-ին ստացել է պատգամավորական մանդատը^[16][17]։

2019 թվականի հունվարի 14-ին տեղի ունեցած ՀՀ 7-րդ գումարման Ազգային ժողովի առաջին նիստի ժամանակ ընտրվել է ԱԺ նախագահ^[18][19]՝ 131 կողմ ձայնով^[20]։

2021 թվականի օգոստոսի 19-ին նշանակվել է Հայաստանի արտաքին գործերի նախարար։

2020 թվականին Վատիկանում Հայաստանի նախկին դեսպան Միքայել Մինասյանը իր տեսաուղերձում հայտնում է, որ Արարատ Միրզոյանը հանդիսանում է կրկնակի գործակալ։ Նրա պնդմամբ՝ 2005 թվականին Արարատ Միրզոյանը մեկնում է Ամերիկայի Միացյալ Նահանգներ և սկսում ուսումնասիրել Հայոց ցեղասպանության ճանաչման գործընթացը։ Մ․Մինասյանի հայտնելով՝ Ա․Միրզոյանը այդպիսով դառնում է Թուրքիայի գործակալ^[21]։

Մ․Մինասյանի խոսքով որոշ ժամանակ անց Արարատ Միրզոյանը հայտնվում է Հայաստանի ազգային անվտանգության ծառայության ուշադրության կենտրոնում, ինչից հետո նրան առաջարկում են դառնալ համագործակցել իրենց հետ, հակառակ դեպքում սպառնալով մեղադրանք առաջադրել պետական դավաճանության համար։ Մ․Մինասյանը նաև հրապարակել է 2007 թվականին գրված փաստաթուղթ, որը ներկայացվել է որպես Ա․Միրզոյանի գործակալ դառնալու պայմանագիր։ Այդ փաստաթղթում Ա․Միրզոյանը ստորագրել է Օմեգա բառը խորհրդանշող նշանով^[22]։

2016 թվականին պարգևատրվել է Հայաստանի պաշտպանության նախարարության պատվոգրով։

Ամուսնացած է Գոհար Աբաջյանի հետ, ունի երկու զավակ։

• Արարատ Միրզոյան
• «Ես պատրաստ եմ լծվել նոր մարտահրավերի հաղթահարմանը». Արարատ Միրզոյան
• Արարատ Միրզոյանն ընտրվեց ՀՀ ԱԺ նախագահ

դ ք խ Հայաստանի արտաքին գործերի նախարարները Հայաստանի առաջին հանրապետություն 1918-1920 Ալեքսանդր Խատիսյան (1918) • Հովհաննես Քաջազնունի (1918) • Սիրական Տիգրանյան (1918-1919) • Ալեքսանդր Խատիսյան (1919-1920) • Համազասպ Օհանջանյան (1920) • Սիմոն Վրացյան (1920) Անդրկովկասյան ԽՍՖՀ կամ Հայկական ԽՍՀ Արտաքին գործերի ժողովրդական կոմիսարներ: Ալեքսանդր Բեկզադյան (1920 - 1921) • Ասքանազ Մռավյան (1921 - 1922) • Սահակ Կարապետյան (1944-1946) Արտաքին գործերի մինիստրներ: Սահակ Կարապետյան (1946-1947) • Գևորգ Հովհաննիսյան (1947 - 1954) • Անտոն Քոչինյան (1954 - 1958) • Բալաբեկ Մարտիրոսյան (1958 - 1972) • Կամո Ուդումյան (1972 - 1975) • Ջոն Կիրակոսյան (1975 - 1985) • Անատոլի Մկրտչյան (1985 - 1990) Հայաստան (Արտաքին գործերի նախարարներ) Աշոտ Եղիազարյան (ժ/պ) (1990-1991) • Րաֆֆի Հովհաննիսյան (1991 - 1992) • Արման Կիրակոսյան (ժ/պ) (1992 - 1993) • Վահան Փափազյան (դիվանագետ) (1993 - 1996) • Ալեքսանդր Արզումանյան (1996 - 1998) • Վարդան Օսկանյան (1998 - 2008) • Էդվարդ Նալբանդյան (2008-2018) • Զոհրաբ Մնացականյան (2018-2020) • Արա Այվազյան (2020-2021) • Արմեն Գրիգորյան (2021) • Արարատ Միրզոյան (2021-)