Ապարան համայնք

Ապարան
	Զինանշան
	;
Երկիր	Հայաստան
Մտնում է	Արագածոտնի մարզ
Վարչկենտրոն	Ապարան
Խոշորագույն քաղաք	Ապարան
Ամենաբարձր կետ	Արագած
ԲԾՄ	4090 մետր
Օրենսդրական մարմին	Ապարան համայնքի ավագանի
համայնքապետ	Կարեն Եղիազարյան
Հիմնական լեզու	հայերեն
Բնակչություն (2011)	21,112
Հիմնադրված է	2017 թ.
Ժամային գոտի	UTC+4
	aparan.am

Անվան այլ կիրառումների համար տե՛ս՝ Ապարան (այլ կիրառումներ)

Ապարան, համայնք Արագածոտնի մարզում։ Ներառում է Ապարան քաղաքը, Արագած, Երնջատափ, Կայք, Շենավան, Վարդենիս, Արայի, Թթուջուր, Հարթավան, Շողակն, Վարդենուտ, Ափնագյուղ և Սարալանջ գյուղերը։ Համայնքը ստեղծվել է 2017 թվականի հունիսի 9-ին Հայաստանի Ազգային ժողովում համայնքների խոշորացման օրինագծով^[1]^[2]։ Կենտրոնը Ապարան քաղաքն է։ Համայնքի տեղական ինքնակառավարման մարմինների առաջին ընտրությունները կայացել են 2017 թվականի նոյեմբերի 5-ին։

Աշխարհագրություն

Համայնքը գտնվում է Երևան-Սպիտակ ավտոմայրուղու վրա, Երևան քաղաքից հեռավորությունը կազմում է 42 կիլոմետր, իսկ մարզկենտրոնից 32 կիլոմետր դեպի հյուսիս։ Ապարան համայնքը գտնվում է Արագած լեռնազանգվածի արևելյան լանջին։ Ծովի մակարդակից բարձրությունը կազմում է 1880 մետր։ Կլիման բարեխառն լեռնային է։ Ձմեռները տևական են՝ ցուրտ, հաստատուն ձնածածկույթով։ Ամառները տաք են՝ համեմատաբար խոնավ։ Մթնոլորտային տարեկան տեղումների քանակը կազմում է 450-600 միլիմետր։ Բնական լանդշաֆտները սևահողային տափաստաններ են^[3]։

Բնակչություն և տնտեսություն

Ապարան համայնքը ստեղծվել է Ապարան, Արագած, Երնջատափ, Կայք, Շենավան, Վարդենիս, Արայի, Թթուջուր, Հարթավան, Շողակն, Վարդենուտ, Ափնագյուղ, Լուսագյուղ, Ձորագլուխ, Չքնաղ, Քուչակ, Եղիպատրուշ, Ծաղկաշեն, Նիգավան, Ջրամբար և Սարալանջ համայնքների միավորումից։ Համայնքի բնակչությունը կազմում է 21,112 մարդ՝ առ 2019 թվականի։

Տնտեսության մեջ կարևոր տեղ է զբաղեցնում արդյունաբերությունը։ Ապարանում կան մի շարք ձեռնարկություններ։ Այստեղ զարգացած է նաև սննդի արդյունաբերությունը, գործում է կաթնամթերքի վերամշակման և պանրի արտադրության գործարան։

Համայնքի հողերը հիմնականում օգտագործվում են որպես վարելահողեր, խոտհարքեր և արոտավայրեր։ Սեփականաշնորհված է համայնքի մակերեսի մոտ 35 տոկոսը։ Համայնքում նաև զբաղվում են հացահատիկային, կերային, բանջարաբոստանային կուլտուրաների մշակությամբ։ Կան նաև բազմամյա տնկարկներ, սակայն դրանք մեծ մակերես չեն զբաղեցնում։ Ապարանում զբաղվում են նաև անասնապահությամբ։ Զարգացած է կաթնամսատու ուղղությունը, հումքը վերամշակվում է տեղի պանրի գործարանում^[3]։

Կառավարում

Համաձայն Հայաստանի տեղական ինքնակառավարման օրենսգրքի՝ համայնքի բնակչությունը ընտրո��մ է ավագանի, որը նշանակում է համայնքի ղեկավարին՝ համայնքապետին։ Արագածոտնի մարզի Ապարան համայնքի ավագանին բաղկացած է 21 անդամներից, որոնցից 14-ը «Կարեն Եղիազարյան» դաշինքից, իսկ 7-ը՝ «Քաղաքացիական պայմանագիր» կուսակցությունից։ Համայնքի ղեկավարը «Կարեն Եղիազարյան» դաշինքի ղեկավար Կարեն Եղիազարյանն է^[4]^[5]։

Ծանոթագրություններ

Արտաքին հղումներ

[1] Հայաստանի 328 համայնքների միավորմամբ կձևավորվի 34 համայնք. ԱԺ-ն քննարկում է ծրագիրը

[2] Ազգային ժողովն ընդունեց համայնքների նոր խոշորացման մասին օրինագիծը

[:0-3] 3,0 ^3,1 «Արագածոտնի մարզպետի աշխատակազմ».

[4] «Ապարան համայնքի ավագանու անդամներ».

[5] «ՏԻՄ համամաստական ընտրություններ».

[1]