Աներղի

Աներղի, գյուղ Արևմտյան Հայաստանում, Սեբաստիայի վիլայեթի Շապին Գարահիսարի գավառում, Թիքման լեռան ստորոտին, Շապին Գարահիսար քաղաքից 3 կմ հեռավորության վրա։

Աներղիի բնակչության մեծ մասը զոհվել է Մեծ եղեռնի տարիներին, իսկ փրկվածները գաղթել են օտար երկրներ։

XX դարի սկզբին ուներ 60 (ըստ այլ աղբյուրների 46-200) տուն հայ բնակիչ։

Բնակիչները զբաղվում էին երկրագործությամբ, անասնապահությամբ, պտղաբուծությամբ, բանջարաբուծությամբ, ջորեպանությամբ և քարագործությամբ։ Բնակչության մոտ 25 տոկոսը պանդխտում էր։

Աներղի ուներ Ս. Աստվածածին անունով եկեղեցի, որը կառուցված էր 699 թվականին։

Եկեղեցուն կից մինչև 1915 թվականը գործում էր Վարվառյան վարժարանը^[1]։

• Սեբաստիայի նահանգի հայաբնակ բնակավայրեր

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 403)։