Vincenzo Rennella

Vincenzo Rennella

(2015)
Biografía
Nacemento	8 de outubro de 1988 (36 anos) Saint-Paul-de-Vence, Francia
Altura	188 cm
Peso	80 kg
Actividade
Ocupación	futbolista
Período de actividade	2007 -
Deporte	fútbol
Posición de xogo	Dianteiro
Número deportivo	24
Traxectoria   Equipo 2006–2007 Association Sportive de Cannes Football 1 (0) 2007–2008 FC Lugano 29 (7) 2008–2009 → cesión:  FC Lugano 22 (24) 2008–2013   Genoa CFC 0 (0) 2009–2011 → cesión:  Grasshopper Club Zürich 31 (9) 2011–2012 → cesión:  AC Cesena 15 (1) 2012–2013 → cesión:    Córdoba CF 33 (7) 2013–   Real Betis Balompié 2013–2014 → cesión:    CD Lugo 35 (13) 2014–2016   Real Betis Balompié 40 (7) 2016–2016 → cesión:    Real Valladolid 8 (1)

Vincenzo Renato Rennella, máis coñecido como Vincenzo Rennella ou Enzo Rennella, nado o 8 de outubro de 1988 en Saint-Paul-de-Vence, Alpes Marítimos (Provenza-Alpes-Costa Azul) é un futbolista profesional franco-italiano que xoga na posición de dianteiro no Miami FC.

Nado e criado en Francia, de pai italiano e nai francesa, comezou a xogar como xuvenil no AS Cannes, onde chegou debutar como profesional nun partido da terceira división do fútbol galo. En 2007 foi adquirido polo FC Lugano da Challenge League suíza, segunda categoría do fútbol helvético. No seu primeiro ano anota 7 goles, o que xunto coas súas boas actuacións espertan o interese do Genoa da Serie A italiana, que o contrata cedéndoo de novo ao Lugano. Nesa tempada consegue a marca de anotar 24 goles en 22 partidos, chegando a ter un rexistro de 16 goles nos 12 primeiros partidos de Liga, e sendo o máximo goleador da competición. En total no club suízo anotaría 31 goles en 51 partidos.

Ao ano seguinte da o salto de categoría, e o Genoa cédeo esta vez ao histórico Grasshopper da Super Liga suíza, onde estaría dúas tempadas, anotando 8 goles no seu segundo ano. Isto chama de novo a atención do fútbol italiano, polo que Rennella é cedido ao AC Cesena da máxima categoría do fútbol italiano. Debuta na competición o 30 de outubro de 2011 ante o Parma FC, anotando o seu primeiro e único gol o 22 de abril ante o Palermo.

Ao ano seguinte, o seu útlimo de contrato co Genoa, é cedido ao Córdoba da Segunda División española, onde anota 7 goles en 33, non chegando ao seu nivel habitual por mor do falecemento do seu pai durante a tempada. Porén, as súas boas actuación lévano a fichar por catro tempadas polo Real Betis, club da Primeira División, que o cede ao Club Deportivo Lugo. No conxunto galego, no seu primeiro partido como local no Anxo Carro, consegue anotar dous goles e dar unha asistencia ante o Real Jaén, racha que continuou anotando o gol da vitoria do Lugo ante o Real Zaragoza na Romareda e na seguinte xornada ante o Girona.

Club	Categoría		Ano	PX	Goles
AS Cannes	National	3ª	2006-2007	1	0
FC Lugano	Challenge League	2ª	2007-2008	29	7
FC Lugano	Challenge League	2ª	2008-2009	22	24
Grasshopper	Super League	1ª	2009-2010	11	1
Grasshopper	Super League	1ª	2010-2011	20	8
AC Cesena	Serie A	1ª	2011-2012	15	1
Córdoba CF	Liga Adelante	2ª	2012-2013	33	7
Lugo	Liga Adelante	2ª	2013-2014	35	13

• Perfil de Rennella en bdfutbol.com (en inglés)
• Perfil de Rennella en Transfermarkt (en inglés)