St Albans
| ||||
| Epónimo | Albano da Inglaterra (pt)   | |||
|---|---|---|---|---|
| Localización | ||||
| ||||
| Estado | Reino Unido | |||
| País | Inglaterra | |||
| Rexións | Leste de Inglaterra | |||
| Condado cerimonial | Hertfordshire | |||
| District with city status (en) | St Albans (en) | |||
| Capital de | ||||
| Poboación | ||||
| Poboación | 82.146 (2011) (4.538,45 hab./km²) | |||
| Xeografía | ||||
| Superficie | 18,1 km² | |||
| Comparte fronteira con | ||||
| Datos históricos | ||||
| Precedido por | ||||
| Identificador descritivo | ||||
| Fuso horario | ||||
| Prefixo telefónico | 01727 | |||
| Outro | ||||
| Irmandado con | ||||
| Sitio web | stalbans.gov.uk | |||
 | ||||
St Albans é a principal área urbana do distrito de St Albans, ao sur do condado de Hertfordshire (Inglaterra), a 35,5 km ao norte do centro de Londres.
Historia
[editar | editar a fonte]
O territorio actual de St Albans estaba na antigüidade ocupado polos britanos (brittones), dos que deriva o nome de Britannia que lle deron os romanos cando fundaron a súa provincia nas terras centromeridionais de illa. Pobos gaélicos precederon aos Catuvellauni ou Cassivellauni, que estableceron o seu oppidum en Prae Hill, é dicir, ao redor de 1.500 m ao oeste do centro da cidade actual.
Foi unha das principais cidades da Britania romana, na que se coñecía co nome de Verulamium. Despois da retirada romana e antes de pasar a chamarse St Albans, a cidade chamouse Verlamchester ou Wæclingacaester. Nas súas proximidades tiveron lugar dúas fundamentais batallas durante a guerra das dúas rosas (1455-1485), que enfrontou polo trono de Inglaterra á casa de Lancaster coa de York: a primeira e a segunda batalla de Santo Albano.
A cidade
[editar | editar a fonte]
A pesar da súa importancia histórica, St Albans é unha poboación relativamente suburbana. Moitas das súas vivendas foron construídas no século XX, no período entreguerras e durante a expansión da posguerra. Estímase que o 20 % da poboación viaxa a Londres para traballar, mentres que os negocios locais ocupan unhas 46.000 persoas, o 46 % das cales veñen doutras localidades.
A economía de St Albans baséase principalmente en oficinas, pequenas empresas, vendas polo miúdo e compañías turísticas, o 80 % das cales teñen menos de 10 empregados. Os alugueiros das vivendas son relativamente caros en comparación co resto de Inglaterra, debido principalmente a que está moi ben comunicada (especialmente por ferrocarril cara a Londres, aínda que tamén polas autoestradas M25 (circular de Londres) e M1.
St Albans é unha das localidades que se autoadxudican o título de teren máis pubs por metro cadrado (outras son Edimburgo, Norwich, Nottingham, Otley e Rochdale). Tamén presume de ter o pub máis antigo de Inglaterra, o Ye Olde Fighting Cocks.
A igrexa principal de St Albans, de estilo gótico e dedicada a santo Albano, data dos séculos XII a XIX. Inicialmente foi unha igrexa monacal e, desde 1877 é unha catedral.
Os principais xornais locais son o Herts Advertiser e o St Albans and Harpenden Review.
