Nottingham

Nottingham

Localización
52°57′18″N 1°08′57″O / 52.955, -1.1492
Estado	Reino Unido
País	Inglaterra
Rexións	Midlands do Leste
Condado cerimonial	Nottinghamshire
Área	City of Nottingham (en)
Capital de	City of Nottingham (en) Nottinghamshire
Poboación
Poboación	289.301 (2011) (3.877,51 hab./km²)
Lingua oficial	lingua inglesa
Xeografía
Superficie	74,61 km²
Altitude	61 m
Comparte fronteira con	Arnold (en)
Creación	600
Organización política
Órgano lexislativo	Nottingham City Council (en) , (Escano: 55)
Membro de	Rede de cidades creativas (2015–)
Identificador descritivo
Código postal	NG
Fuso horario	Tempo Medio de Greenwich
Prefixo telefónico	0115
Código NUTS	UKF14
Outro
Irmandado con	Liubliana (1963–) Minsk (1966–) Karlsruhe (1969–) Harare (1981–) Gante (1985–) Ningbo (2004–) Timișoara (2009–)
Páxina web	nottinghamcity.gov.uk

Nottingham é unha cidade e un distrito de Inglaterra, capital do condado de Nottinghamshire, Reino Unido. É a cidade que crece con maior rapidez en Inglaterra e a segunda de todo o Reino Unido, só superada por Glasgow. A súa poboación en 2006 era de 286.400 habitantes. A conurbación, o Gran Nottingham, atinxía, no mesmo ano, 666.358 habitantes. A cidade ocupa o sétimo lugar de Inglaterra pola súa poboación.

O centro da cidade é a vella Market Square (Praza do Mercado), en torno a cal se encontran as principais rúas comerciais, por encima das cales áchase a Council House. O centro de Nottingham áchase sobre do río Leen e os seus confíns meridionais seguen o curso do río Trent, que flúe entre Stroke e Humber.

Fundada polos anglosaxóns, foi conquistada polos viquingos. No século IX era unha das cinco cidades fortificadas do Danelaw. Desde as súas orixes, parte do asentamento incluía cavernas artificiais escavadas en arenito. Neste período o asentamento tivo diversos nomes, como Tigguo Cobauc ("Cidade das grutas") e Snottingaham (do nome do xefe anglosaxón Snot). O S, desapareceu co tempo. No século XI foi construído un castelo sobre un afloramento de arenito no río Trent, arredor do cal, paulatinamente, se desenvolveu un burgo.Tornouse nun condado corporativo no ano 1449.

A guerra civil inglesa comezou en Nottingham en 1642, cando o rei Carlos I de Inglaterra alzou o seu estandarte sobre o castelo de Nottingham. O castelo antigo foi destruído polos partidadrios do Parlamento, vitoriosos no 1651. Unha vila-castelo foi reconstruída polo duque de Newcastle no mesmo sitio, mais foi arrasada no ano 1831 durante as revoltas do período da Reform Act.

No século XIX Nottingham fíxose famosa pola súa industria de encaixes, mais a súa importanza económica non durou demasiado, aínda que a actividade perdure no presente na cidade. Foi elevada ao status de cidade con ocasión das celebración do 75º aniversario do reinado raíña Vitoria en 1897.

Nottingham alberga dúa universidades: a Universidade de Nottingham (University of Nottingham) e a Universidade de Nottingham Trent (Nottingham Trent University) (antiga Politécnica de Trent ou Trent Polytechnic). Xuntas atenden uns 40.000 estudantes de curso completo. O hospital universitario, Nottingham University Hospital, é o maior hospital do Reino Unido. En outubro de 2007 a Unipol Student Homes abriu un despacho en Nottingham para axudar a estudantes das dúas universidades que estean a buscar hospedaxe.

• Minsk - Belarús

Wikimedia Commons ten máis contidos multimedia na categoría:  Nottingham

• Páxina oficial de Nottinghaml (en inglés)