Rosales

Rosales
Rosa silvestre
Clasificación científica
Reino: Plantae División: Magnoliophyta Clase: Magnoliopsida Subclase: Rosidae Orde: Rosales Perleb, 1826.
Familias
Rosaceae Adans., 1763, nom.cons. (familia das rosas) (ver texto para outras familias) Elaeagnaceae Rhamnaceae Ulmaceae Celtidaceae Moraceae Urticaceae Cecropiaceae Cannabaceae Barbeyaceae Dirachmaceae

A Orde Rosales é un taxon incluído na subclase Rosidae, clase Magnoliopsida, segundo Cronquist. Rosales é a orde superior á familia Rosaceae (rosáceas).

É unha das ordes máis importantes pola variedade e diversidade dos individuos que agrupa. Está composto por case 8.000 especies segundo APG II. Rosales está en constante revisión (como outros taxons) e as familias emparentadas cambian a miúdo de taxon en función dos criterios de categorización, facendo variar o número de especies incluídas nos grupos.

O grupo raíz de Rosales ten unha antigüidade aproximada de 89 a 88 millóns de anos, e a diverxencia do grupo capital comeza hai uns 76 millóns de anos. O taxón Rosales contén case un 2% de diversidade das "eudicotas".

O taxon Rosales caracterízase por:

• presenza de Dihidroflavonois
• cristais prismáticos en células radiadas (negativos en Berbeyaceae e Eleagnaceae)
• simbioses (infección intracelular da epiderme radicular) con Frankia, unha actinobacteria grampositiva. (A fixación de nitróxeno particularmente en Fabaceae involucra a alfa-proteobacterias gramnegativas, e a infección por Frankia é por pelos radicais)
• presenza de células mucilaxinosas
• marxes das follas serrados
• inflorescencia cimosa
• presenza de hipantio nectarífero
• estigma seco
• Cáliz e/ou hipantio persistente no froito

A seguinte lista mostra a categorización clásica de Cronquist (1981) que agrupa a 24 familias (primeira columna en letra grosa) dentro de Rosales. á beira de cada familia, a reagrupación filogenética (→ segunda columna) segundo APG-II cando corresponde.

1. Rosaceae, é a única familia que perdura na Orde Rosales (obviamente, a familia distintiva do taxón Rosales).
2. Alseuosmiaceae → orde Asterales
3. Anisophylleaceae → orde Cucurbitales
4. Brunelliaceae → orde Oxalidales
5. Bruniaceae → non situada, posible preto de Asterales?.
6. Byblidaceae → orde Lamiales
7. Cephalotaceae → orde Oxalidales
8. Chrysobalanaceae → orde Malpighiales
9. Columelliaceae → non situada, posible preto de Dipsacales?
10. Connaraceae → orde Oxalidales
11. Crassulaceae → orde Saxifragales
12. Crossosomataceae → familia distintiva da orde Crossosomatales
13. Cunoniaceae = Davidsoniaceae = Eucryphiaceae → orde Oxalidales
14. Dialypetalanthaceae → familia Rubiaceae, orde Gentianales
15. Greyiaceae → familia Melianthaceae, orde Geraniales
16. Grossulariaceae → orde Saxifragales
17. Hydrangeaceae → orde Cornales
18. Neuradaceae → orde Malvales
19. Pittosporaceae → orde Apiales
20. Rhabdodendraceae → orde Caryophyllales
21. Saxifragaceae → familia distintiva da orde Saxifragales
22. Surianaceae → orde Fabales

A seguinte lista mostra a "nova" clasificación filoxenética das familias dentro de Rosales segundo o APG-II (2003). A Orde Rosales "reclasificado" inclúe 9 familias, con 261 xéneros e aproximadamente 7725 especies.

1. Barbeyaceae Rendle
2. Cannabaceae Martynov
3. Dirachmaceae Hutchinson
4. Elaeagnaceae Jussieu
5. Moraceae Link
6. Rhamnaceae Jussieu
7. Rosaceae Jussieu
8. Ulmaceae Mirbel
9. Urticaceae Jussieu

Rosaceae é a familia cardinal do taxon, representa un 37% dos Rosales, con 95 xéneros e aproximadamente 2830 especies. Rosaceae e Urticaceae son as familias máis numerosas e representan máis do 70% das especies do taxón Rosales (logo Moraceae con 14% e Rhamnaceae con 12%).

Cladograma esquemático representando a relación filética das familias de roseiras:

• §: implica ramas con consistencia < 50% ou amplamente morfoloxía. Todas as outras ramas teñen unha consistencia > 80%.
• 9 familias, 261 xéneros, 7725 especies.

Outras ordes clasicamente relacionadas co taxón Rosales (Cronquist, 1981), agrupados baixo a Subclase Rosidae:

• Orde Rosales
• Orde Fabales
• Orde Proteales
• Orde Podostemales
• Orde Haloragales
• Orde Myrtales
• Orde Rhizophorales
• Orde Cornales
• Order Santalales
• Orde Rafflesiales
• Orde Celastrales
• Orde Euphorbiales
• Orde Rhamnales
• Orde Linales
• Orde Polygalales
• Orde Sapindales
• Orde Geraniales
• Orde Apiales

Outras ordes actualmente relacionadas co taxón Rosales (APG-II), reagrupados noutras categorías superordinadas:

NÚCLEO DE EUDICOTAS

• Outras ramas: Berberidopsidales; Dilleniales Caryophyllales; Santalales.
• RAMA de: Saxifragales [ Vitais ROSIDAS ]: Estípulas
  • Vitais ROSIDAS: Anteras articuladas
    • ROSIDAS
      • Taxones sen localización clara...
      • Crossosomatales
      • Geraniales
      • Myrtales
      • EUROSIDA I: sementes con escaso endosperma
        • Fabales Rosales [ Cucurbitales Fagales ]: Fixadores de Nitróxeno por asociacións radicais
        • Zygophyllales [ Celastrales Malpighiales Oxalidales ]
      • EUROSIDA II:
        • Huerteales { Brassicales [ Malvales Sapindales ] }
• RAMA de: ASTERIDAS...

O taxon Fabales é o máis próximo filoxenéticamente a Rosales, séguenlle Cucurbitales e Fagales (todos son Eurósidas tipo I).

• Sistema de Cronquist
• Sistema APG II

• "An update of the Angiosperm Phylogeny Group classification for the orders and families of flowering plants: APG II" [Unha actualización da clasificación da APG para as ordes e familias das plantas con flor: APG II.]. Botanical Journal of the Linnean Society (en inglés) 141 (4): 399–436. 2003-04. ISSN 0024-4074. doi:10.1046/j.1095-8339.2003.t01-1-00158.x.