Proxecto Y

Proxecto Y
Tipo	Laboratorio
Data de fundación	1 de xaneiro de 1943
En	Condado de Los Alamos
País	Estados Unidos de América
35°52′31″N 106°17′32″O / 35.8753021, -106.2922496
[ editar datos en Wikidata ]

O Laboratorio de Los Álamos, coñecido co nome en código de Proxecto Y, foi un laboratorio segredo establecido polo Proxecto Manhattan e operado pola Universidade de California durante a segunda guerra mundial. A súa misión foi deseñar e construír as primeiras bombas nucleares. Robert Oppenheimer foi o seu primeiro director dende 1943 ata decembro de 1945, sucedido entón por Norris Bradbury. Para que os científicos puidesen desenvolver libremente o seu traballo ó mesmo tempo que se preservava a seguridade, o laboratorio localizouse unha parte remota de Novo México, ocupando edificios que anteriormente formaran parte da escola rural de Los Álamos.

Os traballos de desenvolvemento concentráronse inicialmente nunha arma de fisión de tipo balístico usando plutonio, denominada Thin Man. En abril de 1944 o laboratorio determinou que a taxa de fisión espontánea no plutonio reproducido nun reactor nuclear era demasiado alta por mor da presenza de plutonio-240 e provocaría unha predetonación, unha reacción nuclear en cadea antes de que o núcleo estivese ensamblado ó completo. Oppenheimer reorganizou entón o laboratorio e dirixiu un esforzo de traballo dirixido completamente a un deseño alternativo proposto por John von Neumann, unha arma nuclear de implosión denominada Fat Man. Tamén se desenvolveu unha variante do deseño balístico inicial coñecida como Little Boy utilizando uranio-235.

Os químicos do Laboratorio de Los Álamos desenvolveron métodos de purificación de uranio e plutonio, este último un metal que ata entón só existira en cantidades microscópicas. Os metalúrxicos do proxecto atoparon propiedades inesperadas neste elemento, mais foron capaces de modelalo en forma de esferas metálicas. O laboratorio construíu a "Caldeira de Auga", un reactor acuoso homoxéneo, o terceiro reactor nuclear da historia en estar operativo. Tamén se investigou o "Super", unha bomba de hidróxeno que utilizaría unha bomba de fisión para iniciar unha reacción de fusión nuclear no deuterio e tritio.

O deseño Fat Man probouse na proba Trinity en xullo de 1945. O persoal do Proxecto Y formou equipos de traballo e ensamblaxe para os bombardeos atómicos de Hiroshima e Nagasaki e participaron neles como artilleiros e observadores. Trala fin da guerra o laboratorio apoiou as probas nucleares da operación Crossroads no atol Bikini. Creouse unha nova División Z para controlar as probas, almacenaxe e ensamblaxe das bombas, que se concentraron na Base Sandia. O Laboratorio de Los Álamos converteuse no Laboratorio Nacional de Los Álamos no ano 1947.

Wikimedia Commons ten máis contidos multimedia na categoría:  Proxecto Y

• Bethe, Hans A. (1991). The Road from Los Alamos. Nova York: Simon & Schuster. ISBN 0-671-74012-1. OCLC 22661282. 
• Chambers, Marjorie Bell (1999). The Battle for Civil Rights, or, How Los Alamos Became a County. Los Alamos story. Los Alamos, New Mexico: Los Alamos Historical Society. ISBN 978-0-941232-23-4. OCLC 41185070. 
• Conant, Jennet (2005). 109 East Palace: Robert Oppenheimer and the Secret City of Los Alamos. Nova York: Simon & Schuster. ISBN 0-7432-5007-9. 
• Coster-Mullen, John (2012). Atom Bombs: The Top Secret Inside Story of Little Boy and Fat Man. Waukesha, Wisconsin: J. Coster-Mullen. OCLC 298514167. 
• Fine, Lenore; Remington, Jesse A. (1972). The Corps of Engineers: Construction in the United States (PDF). Washington, D.C.: United States Army Center of Military History. OCLC 834187. Arquivado dende o orixinal (PDF) o 01 de febreiro de 2017. Consultado o 12 de decembro de 2017. 
• Groves, Leslie (1962). Now it Can be Told: The Story of the Manhattan Project. Nova York: Harper & Row. ISBN 0-306-70738-1. OCLC 537684. 
• Hawkins, David (1961). Manhattan District history, Project Y, the Los Alamos Project – Volume I: Inception until August 1945 (PDF). Los Angeles: Tomash Publishers. ISBN 978-0-938228-08-0. LAMS-2532. 
• Hoddeson, Lillian; Henriksen, Paul W.; Meade, Roger A.; Westfall, Catherine L. (1993). Critical Assembly: A Technical History of Los Alamos During the Oppenheimer Years, 1943–1945. Nova York: Cambridge University Press. ISBN 0-521-44132-3. OCLC 26764320. 
• Szasz, Ferenc Morton (1992). British Scientists and the Manhattan Project: the Los Alamos Years. Nova York: St. Martin's Press. ISBN 978-0-312-06167-8. OCLC 23901666. 
• Truslow, Edith C. (1973). Manhattan District History – Nonscientific aspects of Los Alamos Project Y 1942 though 1946 (PDF). Los Alamos, New Mexico: Los Alamos National Laboratory. LA-5200. 

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.