Gran Premio de Abu Zabi de 2022

Gran Premio de Abu Zabi de 2022

Tipo	Gran Premio de Abu Zabi
Deporte	Formula racing e Fórmula 1
Parte de	Campionato Mundial de Fórmula 1 de 2022
Distancia do evento	58
Participantes
Max Verstappen, Charles Leclerc, Sergio Pérez Mendoza, Carlos Sainz, George Russell, Lando Norris, Esteban Ocon, Lance Stroll, Daniel Ricciardo, Sebastian Vettel, Yuki Tsunoda, Guanyu Zhou, Alexander Albon, Pierre Gasly, Valtteri Bottas, Mick Schumacher, Kevin Magnussen, Lewis Hamilton, Nicholas Latifi e Fernando Alonso
Localización  e  Datas
Localización	Circuíto de Yas Marina 24°28′13″N 54°36′22″L / 24.470244, 54.606075
Lonxitude	5,554 km
País	Emiratos Árabes Unidos
Intervalo de tempo	18 de novembro de 2022 – 20 de novembro de 2022
Competición
Primeiro posto	Max Verstappen
Pole position	Max Verstappen
Volta máis rápida	Lando Norris

O Gran Premio de Abu Zabi de 2022 (oficialmente coñecido como Formula 1 Etihad Airways Abu Dhabi Grand Prix 2022) foi unha carreira de Fórmula Un que se disputou o 20 de novembro de 2022 no Circuíto de Yas Marina na Illa Yas, unha illa nos arredores de Abu Zabi nos Emiratos Árabes Unidos. A carreira foi a última rolda da tempada 2022, a décimo cuarta edición do Gran Premio de Abu Zabi e a décimo cuarta vez que a carreira se disputou como unha proba do Campionato Mundial desde a tempada inaugural en 1950.

Daniel Ricciardo de McLaren ten unha penalización de tres postos na grella por causar unha colisión con Kevin Magnussen na rolda anterior, o Gran Premio de São Paulo.^[1]

Pneus dispoñibles para Yas Marina

Pneus para pista seca			Pneus para chuvia
Duros (Tipo C3)	Medios (Tipo C4)	Brandos (Tipo C5)	Intermedios	Chuvia

Kevin Magnussen, despois de conseguir a súa primeira pole position na carreira anterior no Gran Premio de São Paulo, quedou eliminado no primeiro segmento e foi superado polo seu compañeirosaínte do equipo Haas Mick Schumacher por sexta vez de 22. Sebastian Vettel cría que foi obstaculizado polos pilotos de Red Bull Racing en tres ocasións distintas, por Sergio Pérez no primeiro segmento e dúas veces por Max Verstappen durante o segundo segmento. Aínda que Vettel argumentou que as infraccións lle custaran "unha décima" de segundo por volta, iso non lle impediu clasificarse noveno, igualando o seu mellor resultado da tempada.

Verstappen axudou ao intento de Pérez no segmento final dándolle rebufo durante toda a volta, xa que Red Bull Racing buscaba darlle a Pérez todas as oportunidades para rematar por diante de Charles Leclerc para o segundo posto no campionato. Foi Verstappen quen logrou a pole position, a sétima da tempada, con Pérez segundo clasificado para darlle a Red Bull Racing o seu primeiro dobrete na primeira fila desde o Gran Premio de México de 2018.^{[Cómpre referencia]} Os resultados da clasificación tamén significaron que o sete veces campión do mundo Lewis Hamilton non lograse unha pole position durante unha tempada por primeira vez na súa carreira na Fórmula Un desde que comezou en 2007, unha serie de récords.^[2]

Pos.	Nº	Piloto	Construtor	Tempo de cualificación			Grella
				Q1	Q2	Q3
1	1	Max Verstappen	Red Bull Racing-RBPT	1:24.754	1:24.622	1:23.824	1
2	11	Sergio Pérez	Red Bull Racing-RBPT	1:24.820	1:24.419	1:24.052	2
3	16	Charles Leclerc	Ferrari	1:25.211	1:24.517	1:24.092	3
4	55	Carlos Sainz	Ferrari	1:25.090	1:24.521	1:24.242	4
5	44	Lewis Hamilton	Mercedes	1:25.594	1:24.774	1:24.508	5
6	63	George Russell	Mercedes	1:25.545	1:24.940	1:24.511	6
7	4	Lando Norris	McLaren-Mercedes	1:25.387	1:24.903	1:24.769	7
8	31	Esteban Ocon	Alpine-Renault	1:25.735	1:25.007	1:24.830	8
9	5	Sebastian Vettel	Aston Martin Aramco-Mercedes	1:25.523	1:24.974	1:24.961	9
10	3	Daniel Ricciardo	McLaren-Mercedes	1:25.766	1:25.068	1:25.045	13[3]
11	14	Fernando Alonso	Alpine-Renault	1:25.782	1:25.096		10
12	22	Yuki Tsunoda	AlphaTauri-RBPT	1:25.630	1:25.219		11
13	47	Mick Schumacher	Haas-Ferrari	1:25.711	1:25.225		12
14	18	Lance Stroll	Aston Martin Aramco-Mercedes	1:25.741	1:25.359		14
15	24	China Guanyu Zhou	Alfa Romeo-Ferrari	1:25.594	1:25.408		15
16	20	Kevin Magnussen	Haas-Ferrari	1:25.834			16
17	10	Pierre Gasly	AlphaTauri-RBPT	1:25.859			17
18	77	Valtteri Bottas	Alfa Romeo-Ferrari	1:25.892			18
19	23	Alexander Albon	Williams-Mercedes	1:26.028			19
20	6	Nicholas Latifi	Williams-Mercedes	1:26.054			20
107% tempo: 1:30.687
Fonte:[4][5]

Lewis Hamilton adiantouse a Carlos Sainz na saída e mantívose na curva seis, cando Sainz intentou adiantar por dentro a Hamilton o que fixo que o pilto de Mercedes pasara por riba do bordo da chicana, permitíndolle manter a posición a pesar de ir momentaneamente polo aire. Na quinta volta, Hamilton recibiu instrucións para deixar pasar a Sainz, e aínda que seguirían loitando durante algunhas voltas, finalmente o Ferrari afastaríase.

O compañeiro de equipo de Hamilton, George Russell, recibiu unha penalización de cinco segundos por unha saída de boxes insegura, o que obrigou a Lando Norris a frear para evitar unha colisión. Isto deixou a Russell na sexta posición despois da súa segunda parada en boxes.

Na volta 28, Fernando Alonso retirouse da carreira cunha fuga de auga, arruinando o sistema de refrixeración do coche. Foi a súa quinta retirada por un erro técnico da tempada, e a súa sexta na xeral.

Na volta 39, Mick Schumacher e Nicholas Latifi chocaron na curva 5, cando Schumacher intentou pasar por dentro, trompeando ambos e facendo que Latifi tomase contacto coa barreira. Latifi veríase obrigado a retirarse da carreira debido ao dano resultante na suspensión, mentres que Schumacher recibiu unha penalización de cinco segundos.

A batalla de estratexia viu unha división entre a maioría dos equipos, con Max Verstappen, Charles Leclerc, Sebastian Vettel, Daniel Ricciardo, Valtteri Bottas, Kevin Magnussen e Hamilton todos empregando unha estratexia de parada única mentres que os seus compañeiros usaban unha de dúas paradas. Isto resultou nun excelente final de carreira do Gran Premio, xa que os coches máis rápidos intentaron atrapar e pasar aos máis lentos que priorizaran a posición da pista.

Na volta 45, a Hamilton quedoulle atascad a sétima marcha ao fallar a súa caixa de cambios. Isto obrigouno a retirarse, acabando con calquera oportunidade que Mercedes tiña de superar a Ferrari para o segundo posto no Campionato de Construtores. Tamén significaba que, por primeira vez nos 16 anos de carreira de Hamilton, pasou unha tempada enteira sen rexistrar nin unha vitoria de Gran Premio nin unha pole position.

Verstappen gañou o Gran Premio por unha cómoda marxe, a súa terceira vitoria consecutiva en Abu zabi e a décimo quinta da tempada, ampliando o seu récord. Leclerc aguantou a Pérez para quedar segundo, o que lle permitiu facer segundo no Campionato de Pilotos por tres puntos. Ricciardo (noveno) e Vettel (décimo) sumaron puntos na súa última carreira antes de saír da grella en 2023. Lance Stroll terminou oitavo, o que non foi suficiente para que Aston Martin acadara o sexto lugar no campionato, rematando empatado a puntos con Alfa Romeo, pero perdendo na conta atrás debido ao quinto posto de Bottas no Gran Premio da Emilia Romaña.

Despois da carreira, Verstappen, Leclerc e Pérez fixeron roscos na recta principal, chegando máis tarde Vettel para facer algúns el só. Outros pilotos, incluídos os que se despedían Ricciardo e Schumacher, utilizaron zonas de seguridade en varias partes da pista para facer os seus propios roscos.

Pos.	Nº	Piloto	Construtor	Voltas	Tempo/Retirada	Grella	Puntos
1	1	Max Verstappen	Red Bull Racing-RBPT	58	1:27:45.914	1	25
2	16	Charles Leclerc	Ferrari	58	+8.771	3	18
3	11	Sergio Pérez	Red Bull Racing-RBPT	58	+10.093	2	15
4	55	Carlos Sainz	Ferrari	58	+24.892	4	12
5	63	George Russell	Mercedes	58	+35.888	6	10
6	4	Lando Norris	McLaren-Mercedes	58	+56.234	7	9[6]
7	31	Esteban Ocon	Alpine-Renault	58	+57.240	8	6
8	18	Lance Stroll	Aston Martin Aramco-Mercedes	58	+1:16.931	14	4
9	3	Daniel Ricciardo	McLaren-Mercedes	58	+1:23.268	13	2
10	5	Sebastian Vettel	Aston Martin Aramco-Mercedes	58	+1:23.898	9	1
11	22	Yuki Tsunoda	AlphaTauri-RBPT	58	+1:29.371	11
12	24	Guanyu Zhou	Alfa Romeo-Ferrari	57	+1 volta	15
13	23	Alexander Albon	Williams-Mercedes	57	+1 volta	19
14	10	Pierre Gasly	AlphaTauri-RBPT	57	+1 volta	17
15	77	Valtteri Bottas	Alfa Romeo-Ferrari	57	+1 volta	18
16	47	Mick Schumacher	Haas-Ferrari	57	+1 volta	12
17	20	Kevin Magnussen	Haas-Ferrari	57	+1 volta	16
18[7]	44	Lewis Hamilton	Mercedes	55	Caixa de cambios	5
19[7]	6	Nicholas Latifi	Williams-Mercedes	55	Danos por colisión	20
Ret	14	Fernando Alonso	Alpine-Renault	27	Circuíto auga	10
Volta rápida: Lando Norris (1'28.391) – (volta 44)
Fonte::[5][8][9]

Notas

• ^1 – Inclúe un punto pola volta rápida.^[9]

Clasificación no campionato de pilotos Pos. Piloto Puntos 1 Max Verstappen 454 2 Charles Leclerc 308 3 Sergio Pérez 305 4 George Russell 275 1 5 Carlos Sainz 246 Fonte:[10]

Clasificación do campionato de construtores Pos. Construtor Puntos 1 Red Bull Racing-RBPT 759 2 Ferrari 554 3 Mercedes 515 4 Alpine-Renault 173 5 McLaren-Mercedes 159 Fonte:[10]

• Nota: Só están incluídos os cinco primeiros postos en ambos os grupos de clasificación.

Referencias

Wikimedia Commons ten máis contidos multimedia na categoría:  Gran Premio de Abu Zabi de 2022

A Galipedia ten un portal sobre: Fórmula 1