Filipe III de España
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Filipe III de España[1][2][3][4][5] e II de Portugal, tamén coñecido como Filipe III de Habsburgo,[6] nado en Madrid o 14 de abril de 1578 e finado o 31 de marzo de 1621, foi rei de Castela, Aragón e Portugal.
Traxectoria
[editar | editar a fonte]Era fillo de Filipe II e Ana de Austria, sucedeu ao seu pai en 1598. Ao ano seguinte casou con Margarida de Austria coa que tivo oito fillos.
Durante o seu reinado, o sistema de goberno foi o mesmo que o dos primeiros Austrias, aínda que pronto se substituíu polo poder delegado nun valido, debido á insuficiente capacidade do monarca. Así, desde o comezo do seu reinado, o monarca puxo os asuntos de Estado en mans do seu valido Francisco de Gómez de Sandoval y Rojas, marqués de Denia e, máis tarde, duque de Lerma.
Entre 1601 e 1606 trasladou a corte a Valladolid. En 1609 asinouse a Tregua dos Doce Anos cos Países Baixos, que representaba o recoñecemento oficial da existencia dos Países Baixos como estado independente. Esta paz permitiu ao goberno enfrontarse co problema dos mouriscos, cuxa integración na sociedade española se fixo moi difícil tralas sublevacións das Alpuxarras, sendo ese mesmo ano, 1609, cando decidiu a súa expulsión por motivos relixiosos e de seguridade interior.
Pero este período de paz finalizou en 1618 ao comezar a guerra dos Trinta Anos, na que España apoiou ao emperador Fernando II de Austria en contra do elector do Palatinado, Federico V.
Tamén en 1618 e debido á deterioración da situación política e a crise económica, Filipe III viuse obrigado a substituír a Lerma polo seu fillo, o duque de Uceda, pero limitándoo nas súas funcións e, xa que logo, restándolle poder. O reinado de Filipe III supuxo o mantemento da hexemonía española no mundo, pero as súas dificultades económicas e a cesión do goberno a privados ou validos predicía xa o declive do Imperio.
Con Margarida de Austria, Filipe III tivo oito fillos:
- Ana María Mauricia (1601- 1666) raíña consorte de Francia, esposa de Lois XIII de Francia
- María (1603 - 1603)
- Filipe (1605 - 1665)
- María Ana (1606 - 1646) emperatriz consorte do Sacro Imperio, esposa de Fernando III de Habsburgo
- Carlos (1607 - 1632)
- Fernando (1609 - 1641)
- Margarida (1610 - 1610)
- Afonso (1611 - 1611)
Notas
[editar | editar a fonte]- ↑ Feros, Antonio. Kingship and Favouritism in the Spain of Philip III, 1598-1621. Cambridge: Cambridge University Press. (2006)
- ↑ Sánchez, Magdalena S.; Saint-Saëns, A. (eds). Spanish women in the golden age: images and realities. Greenwood Publishing Group. (1996)
- ↑ Rodriguez Franco, N. Memorias para la historia de don Felipe III, rey de España. 1723
- ↑ Menéndez Pidal, R. Historia de España: El siglo XVI : economía, sociedad, instituciones. Espasa-Calpe, 1989. ISBN 84-239-4800-5, 9788423948000.
- ↑ Allen, Paul C. Felipe III y la Pax Hispánica, 1598-1621 : el fracaso de la gran estrategia. Madrid : Alianza, D.L. 2001. ISBN 84-206-6772-2
- ↑ VVAA (2010). Cronología de los reyes españoles (en castelán). Linkgua. p. 17. ISBN 978-84-9816-763-4.
Véxase tamén
[editar | editar a fonte] |
Wikimedia Commons ten máis contidos multimedia na categoría: Filipe III de España  |
Outros artigos
[editar | editar a fonte]Filipe III de España Nacemento: 14 de abril 1578 Falecemento: 31 de marzo 1621
| ||
| Títulos Reais | ||
|---|---|---|
| Precedido por Filipe II das Españas e I de Portugal
|
Rei de Castela, Toledo, Galiza, León, Sevilla, Murcia, Córdoba, Xaén, Alxeciras, e Granada 1598–1621 |
Sucedido por Filipe IV das Españas e III de Portugal |
| Rei de Portugal e dos Algarves 1598–1621 | ||
| Rei de Aragon, Sicilia, Valencia, Mallorca, Nápoles, Conde de Barcelona 1598–1621 | ||
| Duque de Luxemburgo, Marques de Namur e Conde de Flandres, Conde de Hainaut, Holanda e Zeeland, Conde de Borgoña 1598–1621 | ||
| Outros títulos Nobiliarios | ||
| Precedido por Diego
|
Príncipe de Asturias 1582–1598 |
Sucedido por Filipe (futuro Filipe IV de España) |
| Príncipe de Xirona 1582–1598 | ||
| Príncipe de Portugal 1582–1598 |
Sucedido por Ana de Austria | |
| Títulos Honoríficos | ||
| Precedido por Filipe II das Españas e I de Portugal
|
Rei Católico das Españas 1582–1598 |
Sucedido por Filipe IV das Españas e III de Portugal |
| Casa de Borgoña (1139–1383) | _-_Lesser.png) | |
|---|---|---|
| Casa de Avis (1385–1580) | ||
| Casa de Habsburgo (1581–1640) | ||
| Casa de Braganza (1640–1910) | ||
| Control de autoridades |
|
|---|
