Estación de Ordes

Ordes
	Predio de viaxeiros, plataformas e vías.
Situación	Ordes
Liñas
Media distancia	MD

A estación de Ordes, tamén coñecida como Ordes-Fosado^[1]^[2]^[3] é unha estación de tren de Adif situada no lugar de Fosado, no concello de Ordes, provincia da Coruña. Ten servizos de media distancia operados por Renfe.

Situación ferroviaria

A estación atópase no punto quilométrico 401,323 da liña férrea que une Zamora e A Coruña a 238 metros de altitude,^[4], entre as estacións de Cerceda-Meirama e Santiago de Compostela. Atópase nunha variante do trazado orixinal froito das obras do eixe atlántico de alta velocidade entre A Coruña e Santiago de Compostela.

Historia

A estación foi inaugurada en 2003 substituíndo á antiga estación de Ordes-A Pontraga que se construíu en 1943 no trazado orixinal da liña Zamora-A Coruña entre Santiago de Compostela e A Coruña. Este novo recinto sitúase a máis de 6 quilómetros do casco urbano, o que dificulta o seu uso por parte da poboación.^[5]

Está formada por un moderno edificio construído a base de bloques de formigón e con amplas zonas acristaladas. Dispón de dúas plataformas laterais e de catro vías, dúas delas sen acceso a plataforma.

Servizos ferroviarios

Media distancia

Actualizado a 1 de xaneiro de 2018.


Liñas	Trens	Orixe/Destino	<>	Destino/Orixe
1	Rexional	A Coruña	<>	Santiago de Compostela Vigo-Guixar

Notas

↑ "Ordes pretende recuperar el tren tras el cierre de la estación de Pontagra". La Voz de Galicia (en castelán). 2010-03-26. Consultado o 2018-01-01.
↑ El Correo Gallego. "Nadie coge los 4 trenes que paran en Fosado-Ordes" (en castelán). Arquivado dende o orixinal o 01 de xaneiro de 2018. Consultado o 2018-01-01.
↑ "Proxecto de mellora fosa séptica estación de Fosado e outras" (PDF). Concello de Ordes. Consultado o 01-01-2018.
↑ Ordes (Est.) Euroferroviarios
↑ Fosado, a estación fantasma de Ordes El Correo Gallego

Véxase tamén

Ligazóns externas

Información de saídas e chegadas na web de Adif

[1] "Ordes pretende recuperar el tren tras el cierre de la estación de Pontagra". La Voz de Galicia (en castelán). 2010-03-26. Consultado o 2018-01-01.

[2] El Correo Gallego. "Nadie coge los 4 trenes que paran en Fosado-Ordes" (en castelán). Arquivado dende o orixinal o 01 de xaneiro de 2018. Consultado o 2018-01-01.

[3] "Proxecto de mellora fosa séptica estación de Fosado e outras" (PDF). Concello de Ordes. Consultado o 01-01-2018.

[4] Ordes (Est.) Euroferroviarios

[5] Fosado, a estación fantasma de Ordes El Correo Gallego

[1]