Cochin

Cochin

കൊച്ചി (ml)
Localización
9°58′N 76°17′L / 9.97, 76.28
País	India
Estado da India	Kerala
Distrito da India	Ernakulam district (en)
Poboación
Poboación	677.381 (2011) (7.139,34 hab./km²)
Xeografía
Superficie	94,88 km²
Altitude	0 m
Identificador descritivo
Código postal	682
Fuso horario	UTC+05:30
Prefixo telefónico	0484
Outro
Irmandado con	Piatigorsk (pt) Fresno
Páxina web	cochinmunicipalcorporation.kerala.gov.in

Cochin, en portugués Cochim,^[1] en malayalam: കൊച്ചി, Kochi é a cidade máis grande do estado de Querala, na India cerca de 220 km ao norte da capital do estado, Tiruvanantapura. Formou parte do Estado Portugués da India entre 1503 e 1663. Hoxe pertence ao distrito de Ernakulam. É un dos principais portos na costa occidental do país. Tamén é a maior cidade da India que non ten máis da metade dos seus habitantes que profesan o hinduísmo.^[2]

Os xeógrafos, viaxeiros e comerciantes antigos referíanse ao asentamento nos seus escritos como Cochim, Cocym, Cochym, Cochin e Cochi.

A cidade de Cochin ten cerca de 600.000 habitantes, e a súa área metropolitana, mais de 1.500.000 habitantes, tornándoa a maior área urbana de Querala, a pesar de Tiruvanantapura ter, nos límites da cidade, mais habitantes que Cochin.

Como noutros centros urbanos da India, a lingua inglesa é falada, con distintos graos de soltura, por unha gran parte da poboación.

En 1102, Cochin converteuse na sede do Reino de Cochin, un principado con vínculos co Imperio Kulasekhara. Considerada como a "Raíña do Mar Arábigo", foi un importante centro de comercio de especias na costa dese mar desde o século XIV.

Ocupado por forzas portuguesas en 1503, pasou a ser un asentamento colonial europeo na India. Permaneceu a capital da India portuguesa até 1510, cando os portugueses elixiron Goa como a súa capital.

Máis tarde foi ocupada polos holandeses, os mysores e os británicos.

En 1947, cando a India obtivo a súa independencia do poder colonial británico, Cochin foi o primeiro principado en unirse voluntariamente á Unión India.^[3]

Cochin creceu como un centro para a industria do transporte, o comercio internacional, o turismo e as tecnoloxías da información e da comunicación. É a localización comercial máis importante de Querala^[4] e unha das metrópoles secundarias de máis rápido crecemento da India. Do mesmo xeito que outras grandes cidades dos países en desenvolvemento, Cochin segue loitando con problemas de urbanización como a conxestión do tráfico e o impacto ambiental da actividade humana.

Hoxe, a cidade mantén unha herdanza colonial de culturas e mestura tradición e modernidade.

Entre os moitos puntos históricos da cidade, relacionados co inicio do período colonial, destacan a Igrexa de San Francisco, onde foi enterrado Vasco da Gama (despois trasladado a Portugal), a Fortaleza de Cochin e a Sinagoga Paradesi, construída en 1568.

• Igrexa de S. Francisco (1503), construída polos portugueses coa tumba baleira de Vasco da Gama
• Museo Indo-portugués
• Basílica de Santa Cruz
• Santuario construído xunto á Basílica de Santa Cruz dedicada á Nosa Señora de Fátima
• Distrito da fortaleza de Cochin
• Sinagoga de Cochin (1568)
• Palacio de Mattancherry

Wikimedia Commons ten máis contidos multimedia na categoría:  Cochin

A Galipedia ten un portal sobre: India

• Estado da India
• Mysore
• Raj Británico

• Museo Indoportugués

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.