Borislav Cvetković
Biografía | |||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | 30 de setembro de 1962 (62 anos) Karlovac, Croacia | ||||||||||||||||||||||||||||||||||||||||||||||||||||||||||||||
Residencia | Karlovac | ||||||||||||||||||||||||||||||||||||||||||||||||||||||||||||||
Altura | 180 cm | ||||||||||||||||||||||||||||||||||||||||||||||||||||||||||||||
Peso | 68 kg | ||||||||||||||||||||||||||||||||||||||||||||||||||||||||||||||
Actividade | |||||||||||||||||||||||||||||||||||||||||||||||||||||||||||||||
Ocupación | futbolista, adestrador de fútbol | ||||||||||||||||||||||||||||||||||||||||||||||||||||||||||||||
Nacionalidade deportiva | Iugoslavia | ||||||||||||||||||||||||||||||||||||||||||||||||||||||||||||||
Deporte | fútbol | ||||||||||||||||||||||||||||||||||||||||||||||||||||||||||||||
Posición de xogo | Dianteiro | ||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||
Participou en | |||||||||||||||||||||||||||||||||||||||||||||||||||||||||||||||
xuño de 1984 | Eurocopa de Fútbol Francia 1984 | ||||||||||||||||||||||||||||||||||||||||||||||||||||||||||||||
1984 | Xogos Olímpicos de 1984 |
Borislav Cvetković, nado en Karlovac o 30 de setembro de 1962, é un exfutbolista e exadestrador de fútbol serbio. Foi internacional coa selección iugoslava e medallista olímpico de bronce nos Ánxeles 1984.
Traxectoria
[editar | editar a fonte]Como futbolista
[editar | editar a fonte]Formouse futbolisticamente no Karlovac, pasando logo ao Dinamo Zagreb, co que debutou en 1980 na Primeira División de Iugoslavia. Xogou durante seis tempadas no club croata, gañando unha liga e unha Copa de Iugoslavia e debutando en competicións europeas, ao disputar a Copa de Europa e a Recopa de Europa.
En 1986 fichou polo Estrela Vermella. Na súa primeira tempada chegou ata os cuartos de final da da Copa e Europa, onde foi eliminado polo Real Madrid, e con 7 goles, foi o máximo goleador da competición. Ao ano seguinte gañou unha nova liga iugoslava.
En 1988 deixou o seu país e fichou polo Ascoli, da Serie A. Xogou durante tres anos no club das Marcas, disputando un total de 59 partidos na máxima categoría e marcando 13 goles.
Con todo, a súa carreira viuse truncada en 1991, cando sufriu unha grave lesión que o mantivo inactivo durante todo un ano. Despois pasou a xogar na Serie D, primeiro no Maceratese e despois na Casertana, para rematar definitivamente a súa carreira en 1995 nas filas do Borac Čačak.
Selección de Iugoslavia
[editar | editar a fonte]Foi internacional coa selección de Iugoslavia en 14 ocasións, marcando 2 goles. Disputou a Eurocopa de 1984 e participou nos Xogos Olímpicos de 1984, gañando a medalla de bronce. Ademais foi o máximo goleador do torneo olímpico, con 5 goles, empatado co seu compañeiro Stjepan Deverić e co francés Daniel Xuereb.
Adestrador
[editar | editar a fonte]Despois de retirarse dedicouse ao labor de adestrador., Comezou dirixindo os xuvenís do Obilić, collendo as rendas do primeiro equipo na tempada 2003/04. Máis tarde foi brevemente segundo adestrador de Dragomir Okuka no banco da selección sub-21 de Serbia e Montenegro e entre 2005 e 2006 foi axudante de Walter Zenga no Estrela Vermella de Belgrado.
En 2008 volveu ao Estrela Vermella como segundo adestrador de Zdeněk Zeman e na tempada 2009/10 dirixiu o filial do club na segunda división serbia.
Vida persoal
[editar | editar a fonte]Era irmán máis novo do tamén futbolista Zvjezdan Cvetković, co que coincidiu durante anos no Dinamo Zagreb.[1]
Palmarés
[editar | editar a fonte]- Dinamo Zagreb
- Primeira División de Iugoslavia (1): 1981/82.
- Copa de Iugoslavia (1): 1982/83.
- Estrela Vermella
- Primeira División de Iugoslavia (1): 1987/88.
Notas
[editar | editar a fonte]- ↑ "'STRAŠNO, NA MJESTU JE UMRO': / Šokirani brat iznenada preminule legende Dinama u suzama otkrio potresne detalje tragedije" (en croata). 27 de febreiro de 2017. Consultado o 21 de marzo de 2022.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en Transfermarkt (en inglés).
- Datos do adestrador en Transfermarkt (en inglés).
- Datos do xogador en BDFutbol (en castelán).
- Datos do xogador en worldfootball.net (en inglés).
- Datos do xogador no sitio web do Comité Olímpico Internacional (en inglés).
- Nados no condado de Karlovac
- Nados en 1962
- Serbios de Croacia
- Dianteiros de fútbol
- Futbolistas de Serbia
- Futbolistas de Croacia
- Xogadores do NK Dinamo Zagreb
- Xogadores do Estrela Vermella de Belgrado
- Xogadores do Ascoli Calcio 1898
- Xogadores da selección de fútbol de Iugoslavia
- Futbolistas olímpicos de Iugoslavia
- Futbolistas nos Xogos Olímpicos de 1984
- Medallistas olímpicos de bronce por Iugoslavia
- Medallistas nos Xogos Olímpicos de 1984
- Medallistas olímpicos en fútbol
- Adestradores de fútbol de Croacia
- Adestradores de fútbol de Serbia