Anión

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.)

Un anión^[1][2] é un ión con carga eléctrica negativa. O seu nome provén de que nun campo eléctrico creado por ánodo e cátodo, achégase ó ánodo, polo positivo. Entre os anións máis habituais atópanse os formados cando un átomo dun elemento non metálico gaña un ou máis electróns.

Así, cando un átomo de cloro adquire un electrón dá lugar ao anión ou ión cloruro:

Cl + 1 e^- → Cl^-.

Cando un átomo de xofre adquire dous electróns dá lugar ao anión ou ión sulfuro:

S + 2 e^- → S^2-.

Cando un átomo de nitróxeno adquire tres electróns dá lugar ao anión ou ión nitruro:

N + 3 e^- → N^3-.

Outras veces o anión, especialmente se é poliatómico, fórmase pola rotura ou disociación dunha molécula.

Así, a disociación dunha molécula de cloruro de hidróxeno dá lugar ao ión cloruro, xunto cun protón ou ión H⁺.

HCl → Cl^- + H⁺

A disociación da molécula de ácido sulfúrico dá lugar ao ión sulfato, SO₄^2-, xunto con dous protóns:

H₂SO₄ → SO₄^2- + 2 H⁺

• Hidróxido
• Haloxenuros:
  • Fluoruro
  • Cloruro
  • Bromuro
  • Ioduro
• Formas básicas de oxoácidos:
  • Nitrato
  • Sulfato
  • Acetato
• O ADN é un anión, así como moitas proteínas.

• Polianión
• Radical anión
• Tensoactivo aniónico
• Deterxente aniónico