Ana Torrent

Ana Torrent

Biografía
Nacemento	(es) Ana Torrent Bertrán de Lis 12 de xullo de 1966 (58 anos) Madrid, España
Actividade
Ocupación	actriz de cinema
Período de actividade	1973 -

Ana Torrent Bertrán de Lis, nada en Madrid o 12 de xullo de 1966, é unha actriz española. Foi nomeada aos premios Goya á mellor actriz por Tesis de Alejandro Amenábar.

De nena, foi a actriz principal das películas Cría cuervos e El espíritu de la colmena.

Torrent debutou no cine aos 7 anos protagonizando a película El espíritu de la colmena, de Víctor Erice pola que obtivo o Fotogramas de Prata á mellor actriz do cine español. Víctor Erice lembra: «Os nenos tenden a mesturar a realidade e a ficción. Ana non entendía por que os actores se chamaban dunha maneira e cando empezabamos a rodar, tiñan outro nome. Decidín cambiar os nomes de todos os personaxes polo nome real dos intérpretes». Dous anos despois foi a actriz principal da película Cría cuervos.

Foi escollida polos cronistas de espectáculos de Nova York a Mellor Actriz do ano, galardón que obtivo protagonizando El nido con 13 anos, así como o Premio á Mellor Actriz no Festival Internacional de Cine de Montreal.

Cando acabou a escola, Torrent non tiña claro se seguiría no mundo do cine, con todo foi estudar interpretación con Cristina Rota e máis tarde con Uta Hagen en Nova York.

O seu maior logro e actuación é en Tesis, de Alejandro Amenábar, un grande éxito de recadación na que era Ángela, unha moza universitaria que elaboraba unha tese sobre as películas snuff. Obtivo un nomeamento ao Premio Goya á mellor interpretación feminina protagonista. Destacou tamén a súa interpretación como Catarina de Aragón na superproducción The Other Boleyn Girl.

• 1981 Festival de Montreal: Premio á mellor actriz por El nido, de Jaime de Armiñán.

Premios Goya

Fotogramas de Prata

Premios ACE (Nova York)

• Las criadas (2020), de Jean Genet
• Todas las noches de un día (2019), de Alberto Conejero
• Pingüinas (2015), de Fernando Arrabal
• Ricardo III (2015), de Shakespeare
• Fuegos (2013), de Marguerite Yourcenar
• Madame Bovary (2012), dirixida por Magüi Mira e con texto adaptado por Emilio Hernández. Teatro Bellas Artes
• La profesión de la señora Warren (1997), de George Bernard Shaw.
• El rufián en la escalera (1996), de Joe Orton.
• Las mocedades del Cid (1990), de Guillem de Castro.

• Anillos de Oro, serie de TV escrita por Ana Diosdado (1983), capítulo titulado 'A corazón abierto'.
• UCO, TVE 1, (2008; 2013)
• Carta a Eva, miniserie dirixida por Agustí Villaronga, TVE 1, (2013)
• Amar es para siempre, como Rosalía Feijóo Maza, Antena 3, (2016-2017; 2018)