Alan Lee

Atención: Este artigo ou sección semella conter investigacións orixinais. Mellóreo engadindo referencias que verifiquen as afirmacións contidas no artigo e engada referencias a pé de páxina. As afirmacións que constitúan unha fonte primaria non verificable deben eliminarse. Por favor, non quite esta mensaxe ata que o problema estea solucionado. (Desde xaneiro de 2018.)

Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2018.)

Alan Lee

Biografía
Nacemento	20 de agosto de 1947 (77 anos) Londres, Reino Unido
Educación	Ealing Art College (pt)
Actividade
Ocupación	pintor, actor, artista, psiquiatra, ilustrador, artista visual
Período de actividade	1978 - 1986
Premios
(2004)  Satellite Award for Best Art Direction and Production Design (en) , premiado polo traballo The Lord of the Rings: The Return of the King (2003)  Óscar ó mellor deseño de produción, premiado polo traballo The Lord of the Rings: The Return of the King (1998)  World Fantasy Award—Artist (en) (1993)  Kate Greenaway Medal (en) , premiado polo traballo Black Ships Before Troy (en)
Sinatura
Descrito pola fonte	Obálky knih,

Alan Lee, nado en Middlesex o 20 de agosto de 1947, é un ilustrador británico de libros e filmes, coñecido sobre todo polas súas ilustracións de diferentes edicións do Señor dos Aneis, en particular a edición do centenario da editorial HarperCollins.

Tamén ilustrou varios outros libros de fantasía como Fadas (Faeries) con Brian Froud. Gañou o premio Kate Greenaway Medal como mellor ilustrador en 1993 polo seu traballo en Black Ships Before Troy.

Lee estudou deseño e artes gráficas en Londres. Na década de 1970 casou con Marja Le Kruÿt, outra ilustradora. O estilo de Le é un clásico romántico predominando as súas obras en acuarelas Actualmente vive e traballa en Devon e os seus fillos Owen e Virginia tamén son artistas.

Lee e John Howe foron os artistas principais no deseño da triloxía de películas sobre O Señor dos Aneis dirixida por Peter Jackson. Deseñou varios dos escenarios principais incluíndo obxectos e armas para os actores. Tivo un breve cameo como un do nove nazgûl nunha escena do comezo da triloxía. É gañador do premio Óscar ao mellor deseño artístico por estas películas. En 2005 publicou o libro The Lord of the Rings Sketchbook, no que mostra parte do seu traballo para a triloxía en bosquexos e ilustracións a cor. Cando Jackson volveu á Terra Media para adaptar tamén O hobbit noutro tres películas, volveu contar con Lee no deseño artístico, formando equipo, unha vez máis, con John Howe como deseñador conceptual do mundo de Tolkien.

Ademais de traballar no deseño das películas de Peter Jackson, Le tamén colaborou noutras películas como Legend, Erik o Viquingo e a serie de televisión Merlín. A súa última colaboración importante até a data foi o deseño de produción da película King Kong, tamén de Peter Jackson, presentada en 2005.

Wikimedia Commons ten máis contidos multimedia na categoría:  Alan Lee

• Brian Froud