Ourizo de mar

O ourizo de mar ou ourizo mariño é un animal mariño pertencente á clase Echinoidea dos equinodermos (do grego echinos, "espiñas", e derma, "pel"). Existen aproximadamente 940 especies que habitan todos os océanos, ata os 5000 metros de profundidade ^[1].

Recoñécense por teren un aspecto máis ou menos esférico e estaren recubertos de espiñas. A única parte que está exenta de espiñas é a boca, que está situada na parte inferior da esfera, a cal leva a rentes do chan.

Ten un esqueleto calcario, de calcio, moi duro e que queda descuberto cando o animal morre.

Como medio de locomoción emprega as espiñas, as cales son móbeis.

Tódolos equinodermos son dioicos: existen un macho e unha femia diferenciados. O macho posúe pugas longas, delgadas e agudas, mentres que a femia tenas curtas e romas.

1. ↑ "Animal Diversity Web - Echinoidea". University of Michigan Museum of Zoology. Consultado o 9 de marzo de 2013.