Mary Celeste
 Tekst üüb Öömrang
|
 Bil faan a Mary Celeste (Amazon, 1861) | ||||||||||||||
| ||||||||||||||
| ||||||||||||||
| ||||||||||||||
| ||||||||||||||
.svg){kind=small}
A Mary Celeste wiar en brigantiin, det as en tau-määster. A 4. Detsember 1872 wurd det skap üüb hualew wai tesken a Atsooren an Portugal ferläät üüb a Atlantik fünjen. Bit daalang witj näämen so rocht, huaram diar näämen muar uun buurd wiar.
Histoore
[Bewerke | Kweltekst bewerke]A Mary Celeste as 1861 uun Kanada baud wurden an hää tuiarst Amazon het. Hat wiar 99,3 ft lung an 198 t swaar an siild uun a iarst juaren muarsis auer a Atlantik. Hat as muarsis ferkääft wurden an het sant 1869 Mary Celeste.
Di 7. Nofember 1872 hää det skap 1.701 feed mä rian alkohol uun buurd nimen an wiar bestemet för Genua uun Itaalien.
Di 4. Detsember 1872 as hat faan det bark Dei Gratia tesken a Atsooren an Portugal fünjen wurden. A Mary Celeste drääw diar ambi, man diar wiar näämen uun buurd. En pomp wiar uunstaken, an ales wiar böös trochenööder, man det skap wiar hial, an at fracht wiar noch uun buurd. Di leetst logbukiindrach kaam faan naibi det eilun Santa Maria. Trii maan faan a Dei Gratia haa det skap do bürgen an tu Gibraltaar broocht.
Uun Gibraltaar jääw't en loong siaamtsferhanlang, man diar kaam ei föl bi ütj. Tuleetst füng a sialidj faan a Dei Gratia en bergeluan an do wiar det stak iarst ans tu aanj.
A Mary Celeste hää diarefter noch 12 juar üüb a Atlantik siild, an as 1885 bi Haiti üüb grünj saat wurden. Di eegner wul a ferseekerang bedreeg, man det kaam ütj. A auerresten lei diar wel daalang noch ambi.
Logbuk
[Bewerke | Kweltekst bewerke]Det logbuk wiar noch diar, üs det skap fünjen wurden as, an sodenang witj am uk, hoker diar uun buurd wiar.
| Nööm | Funktjuun | Natsioon | Ääler |
|---|---|---|---|
| Benjamin S. Briggs | Koptein | USA | 37 |
| Albert C. Richardson | 1. Ofsiar | USA | 28 |
| Andrew Gilling, eegentelk Andres Jensen Gylling | 2. Ofsiar | Denemark (* 30. September 1850 uun Kolby üüb Samsoe) | 22 |
| Edward W. Head | Steward an kook | USA | 23 |
| Volkert Lorenzen | Siamaan | Sjiisklun, Feer (St. Laurentii) | 29 |
| Arian Knudt Martens | Siamaan | Sjiisklun (* 13. September 1837 uun Sössaarep üüb Oomram) | 35 |
| Boy Lorenzen | Siamaan | Sjiisklun, Feer (St. Laurentii), bruder faan Volkert | 23 |
| Gottlieb Goudschaal | Siamaan | Sjiisklun, Westerende (Uastfresklun) | 23 |
| Nööm | Funktjuun | Ääler |
|---|---|---|
| Sarah Elizabeth Briggs (b. Cobb) | Kopteinswüf | 30 |
| Sophia Matilda Briggs | Doochter | 2 |
Bilen
[Bewerke | Kweltekst bewerke]-
List faan a maanskap -
Benjamin Briggs, koptein -
Albert C. Richardson, 1. ofsiar -
Sarah Elizabeth Briggs, kopteinswüf -
Sophia Matilda, doochter faan Benjamin an Sarah Briggs
Literatüür
[Bewerke | Kweltekst bewerke]- Paul Begg: Mary Celeste: The Greatest Mystery Of The Sea, Longman ISBN 0-582-78422-0 (ingelsk).
- Charles Edey Fay: The Story of the Mary Celeste, ISBN 0-486-25730-4 (ingelsk).
- Rupert Furneuaux: Das Geheimnis der Mary Celeste, Henry Goverts Verlag, Stuttgart, 1967, auersaat ütj at ingelsk What happened on the Mary Celeste, London, 1964 faan Walter Landgraf (sjiisk).
- John Harris: Auf letzter Fahrt, Knaur Sachbuch 3745, München 1984, ISBN 3-426-03745-9 (sjiisk).
- Brian Hicks: Ghost Ship: The Mysterious True Story of the Mary Celeste and her Missing Crew ISBN 0-345-46391-9 (ingelsk).
- Vero Roberti: Das Geheimnis der Mary Celeste (originool: Il mito del Mary Celeste, auersaat faan Hilde Bertsch), Stalling, Oldenburg / Hamborag 1974, ISBN 3-7979-1841-0 (sjiisk).
- Eigel Wiese: Das Geisterschiff. Die wahre Geschichte der Mary Celeste, Europa, Hamborag / Wien 2001, ISBN 3-203-75103-8 / ISBN 3-203-75101-1; uk üs skrääpbuk: Bastei Lübbe-TB 64195, Bergisch Gladbach 2003, ISBN 978-3-404-64195-6 (sjiisk).
Luke uk diar
[Bewerke | Kweltekst bewerke]
Wikimedia Commons hää bilen of filmer tu: Mary Celeste