Victor Vasarely

Victor Vasarely
Irudi gehiago
Bizitza
Jaiotzako izen-deiturak	Vásárhelyi Győző
Jaiotza	Pécs, 1906ko apirilaren 9a
Herrialdea	Hungaria  (1906 -  1997)  Frantzia  (1961 -  1997)
Bizilekua	Frantzia
Lehen hizkuntza	hungariera
Heriotza	Parisko 16. barrutia eta Paris, 1997ko martxoaren 15a (90 urte)
Heriotza modua	berezko heriotza: minbizia
Familia
Seme-alabak	ikusi Jean-Pierre Yvaral (en)
Hezkuntza
Heziketa	Eötvös Loránd University (en) (1925 - : medikuntza
Hizkuntzak	frantsesa hungariera
Jarduerak
Jarduerak	margolaria, artista bisuala, eskultorea, diseinatzailea, artista grafikoa, grabatzailea eta ilustratzailea
Parte-hartzailea documenta (en) Documenta II (en) Documenta III (en) 4. documenta (en)
Lantokia(k)	Paris eta Budapest
Jasotako sariak	ikusi Goslarer Kaiserring  (1978) honorary citizen of Dorog  (1988)
Mugimendua	Pop Artea Op arta
Genero artistikoa	arte abstraktua Arte zinetikoa
pierrevasarely.com

Victor Vasarely (Pécs, Hungaria, 1906ko apirilaren 9a - Paris, Frantzia, 1997ko martxoaren 15a) margolaria izan zen. Jaiotzaz hungariarra, frantses hiritartasuna hartu zuen.

Budapesten egin zituen ikasketak. Op Art mugimenduko margolari nagusietako bat da. Budapesten hasi zen lanean, Bauhausko tradizioan. Vasarelyk arte abstraktuan jarri zuen arreta osoa, Mondrianen eta Maleaicen lanetan bereziki. Haren pinturan eta idazkietan argi ikusten da zenbaterainoko eragina izan zuten haien lanek. 1930ean, Hungariatik alde egin eta Parisa joan zen bizitzera. Hasieran publizitatean aritu zen, ikerketan eta bere lanean sakontzen jarraitzen zuen bitartean. 1940tik aurrera, bere estiloko ezaugarri nagusiak, forma geometrikoak eta koloreak elkarren eraginean, erabiltzen hasi zen. 1950-1960 urte-bitartean egin zituen lan garrantzitsuenak, kolore argiagoak eta indartsuagoak hartuta, ilusio optikoaren bitartez higiduraren sugestioa sortzeko ikuslearengan. Lan horien artean aipagarriak dira Sirius II, Ondho, eta Arny-C. 1959. urtean frantses herritartasuna hartu zuen, eta 1970ean Vasarely Fundazioa sortu zuen, berak diseinatutako etxe batean, Aix-en-Provencen.

Wikimedia Commonsen badira fitxategi gehiago, gai hau dutenak: Victor Vasarely