Nix (satelitea)

Nix (satelitea)

Aurkikuntza
Aurkitzailea	Alan Stern (en) eta Hubble espazio teleskopioa
Data	2005eko maiatzaren 15a
Kategoria	Plutonen sateliteak
Ezaugarri orbitalak
Zeren satelite	Pluton
Ardatzerdi handia	48.694 km
Eszentrikotasuna	0,0023
Orbita-periodoa	24,854943
Makurdura orbitala	0,133 °
Ezaugarri fisikoak
Erradioa	46,5 km
Dentsitatea	1,37 g/cm³
Albedoa	0,35
Tenperatura	33 K eta 55 K
Itxurazko magnitudea	23,38

Nix Plutonek eta Karontek osatzen duten sistema bitarraren satelite bat da. 2005ean izan zen aurkitua Hidra satelitearekin batera eta 2006an Hubble espazio teleskopioak bere existentzia baieztatu zuen. Hasieran 'S/2005 P 2' izena jarri zitzaion, 2006an Nazioarteko Astronomia Elkarteak orain duen izena jarri zion arte mantendu zen aipatutako izena. Ehun kilometro inguruko diametroa dauka.

Pluton eta bere sateliteekin gertatu den bezala, gorputz honek ere greziar mitologiako infernuko edo inframunduko jainkoen izena hartu du. Kasu honetan, Nix, iluntasunaren jainkosaren izena da.

Nixen izena, Hidra, Plutongo satelitearenarekin batera aukeratu zen. Bi izenen inizialak batzen baditugu, NH siglak lor ditzakegu, sigla hau New Horizons zundaren omenez ezarri zen, zunda hau 2006an Plutonera bidean abiatu zelako.

Gorputz honek +23,38ko magnitudea du, beraz, ezin da Lurretik behatu.

Nixek orban gorri bat duela konturatu dira zientzialariak, gorputz honekiko beraien interesa piztuz. New Horizons zundak 2015eko uztailaren 14an eginiko argazki batzuek oso ongi erakusten dute orban hau. Zunda honek eginiko argazki guztiak bikainak dira, Nixetik 165.000km-ra zegoen arren, 3 kilometroko zabalera eta 42 kilometroko luzeera duten ezugarri fisikoak erakusten dituen argazkiak ateratzea lortu du.

Nix izena greziar mitologiako iluntasunaren jainkosarena da. Jainko hau Karonen ama ere bada. 2006an ezarri zitzaion behin betiko izena. Hasiera batean Nyx izena jartzea proposatu zuten hainbat astronomoek, baina, ideia hau ez zen onartua izan beste gorputz batek antzeko izen bat duelako, zehazki, (3908) Nyx asteroideak.

• 
  New Horizons zundak 2015eko ekainaren 13an ateratako argazkia. Argazki honetan Nixen alde polarra ikus daiteke.
• 
  2015eko uztailaren 14ean New Horizons zundak atera zuen argazkia. Bertako koloreek hobekuntza bat jaso dute
• 
  New Horizonsek Nix-i txuri-beltzean ateratako argazkia.
• 
  Lehengo irudia, Ralph teleskopiaoak koloreztatuta.
• 
  New Horizonsek 2015eko abenduaren 18an Nixi atera zion argazkia.

• Hidra (satelitea)
• Pluton
• Plutongo geologia
• Transneptunotar objektuak

• Plutonen sateliteei iburuzko informazio gehiago
• Nixi buruzko informazio gehiago NASAren webgunean (Ingelesez)