Mendebaldeko Kaukasia

Mendebaldeko Kaukasia
Mendebaldeko Kaukasia
Datu orokorrak
Mota	eremu natural eta mendikate
Azalera	298.903 ha
Geografia
Koordenatuak	43°34′N 40°40′E / 43.57°N 40.66°E
Mendikatea	Kaukaso Handia

Mendebaldeko Kaukasia, Kaukasiatik mendebaldera, Itsaso Beltzaren eta Elbrus mendiaren arteko eskualdea da. Errusiako Sotxi hiritik 50 kilometro iparraldera dago, eta Unescok Gizateriaren Ondare gisa barne hartzen du, Kaukaso mendien mendebaldeko muturrari eraginez.^[1] Oso habitata anitza du eremuaren tamaina txikirako, beheko lurretatik hasi eta glaziarrak dituzten gailurretaraino aldatzen dena.

Eremu horretan sartzen da Kaukasiako Biosferaren Natur Erreserba Nazionala (errusieraz: Кавказский государственный природный биосферный заповедник), Sobietar Batasuneko gobernuak 1924an Krasnodarren, Adigean eta Karatxai-Txerkesian babestutako 1. mailako eremu izendatu zuen parke nazionala.^[2] Horrela, Europako zuhaitzik altuenak diren nordmann izeiez (Abies nordmanniana), hagin arruntez (Taxus baccata) eta ezpel arruntez (Buxus sempervirens) osaturiko baso bakar bat kontserbatu nahi zuten. Espezieen ia herenak goi-mendikoak dira eta endemikotzat jotzen dira. Eskualdeak Sotxiko parke nazionala ere barne hartzen du (Unescok 2. kategoriakoa kalifikatzen du).

Mendebaldeko Kaukasia Kaukasoko bisontearen jatorrizko tokia da; isileko ehiztariek azken ale basatia 1927an harrapatu zuten. Hamarkada batzuk geroago berriz sartu zuten.

Anapa hiriaren eta Fisht mendiaren arteko eremuak mendi baxu eta ertainak ditu ezaugarri. Ekialderantz, Elbrus mendiraino, alpetar forma hartzen du, glaziar eta tontor altu ugarirekin.

Zentzu hertsienean, batez ere eskalada eta mendizaletasun literaturan, Mendebaldeko Kaukasia Fisht eta Elbrus mendien arteko eskualdea baino ez litzateke izango.

Eskalada eta turismorako mendi ezagunenak Dombai (Домбай), Arkhiz (Архыз) eta Uzunkol (Узункол) dira.^[3]

Gizateriaren Ondare

Kodea	Izena	Koordenatuak	Azaleta
900-001	Kavkazkijiko Natura Erreserba	43°57′30.0″N 40°16′00.0″E / 43.958333°N 40.266667°E / 43.958333; 40.266667	280.335 ha
900-002	Kavkazkijiko Natura Erreserbako babes-gunea	44°06′10.0″N 39°52′40.0″E / 44.102778°N 39.877778°E / 44.102778; 39.877778	6.000 ha
900-003	Bolxoi Thatxeko Parke Naturala	44°03′10.0″N 40°24′00.0″E / 44.052778°N 40.400000°E / 44.052778; 40.400000	3.700 ha
900-004	Buijniji Mendizerrako Monumentu Naturala	43°57′50.0″N 40°01′10.0″E / 43.963889°N 40.019444°E / 43.963889; 40.019444	1.480 ha
900-005	Tsitsa ibaiaren iturrien Monumentu Naturala	44°03′40.0″N 39°56′10.0″E / 44.061111°N 39.936111°E / 44.061111; 39.936111	1.913 ha
900-006	Pxetxa eta Pxetxaxtxa ibaien iturrien Monumentu Naturala	43°58′25.0″N 39°48′50.0″E / 43.973611°N 39.813889°E / 43.973611; 39.813889	5.776 ha