Eskisto bituminoso

Eskisto bituminosoa^[1] edo arbel bituminosoa^[2] kerogenoa duen eskisto mota bat da. Ingelesez shale deritzo arroka mota honi, eta schist izenekotik (eskistoetatik) bereizten dute: shale arrokak sedimentariotzat hartuak dira, eta schist arrokak metamorfikotzat.

Gaur egun eskisto-petrolioa ekoizteko erabiltzen da gehien bat (ez nahastu arbelean modu naturalean dagoen petrolio gordinarekin). Hala ere, kerogenoa erauztea eta arbel-petrolioa sortzea petrolio konbentzionala erauztea baino garestiagoa da, bai ikuspuntu ekonomikotik zein ingurumenaren kalteen ikuspuntutik.