Club de Remo Mecos

Club de Remo Mecos
Sorrera	1980
Herria	O Grove, Pontevedra
Lehendakaria	Juan Ramón Outeda
Entrenatzailea	Francisco González
Patroia(k)	Ángela Fernandez Cambados Félix Duarte Otero
Kolorea(k)	urdina
Trainerua	Mequiña
Palmaresa	0 Kontxako Bandera 0 TKE Liga 0 Galiziako A Liga 2 Galiziako B Liga 0 Espainiako Txapelketa 2 Galiziako Txapelketa
2024: Kontxa	ez
2024	7.a (Galiziako A Liga)
Webgunea	www.facebook.com

Club de Remo Mecos Galiziako Pontevedrako probintzian kokaturik dagoen O Groveko arraun taldeetako bat da, TKE Ligan aritu den bakarra. Herriko beste taldea Amegrove Club de Remo da.

Elastiko zuria eta urdin argia. Trainerua, Mequiña, zuria da berez baina Donibaneko Arraunlariak taldeari hartutakoa ere erabili izan du eta hau arroxa da.

1978an traineru estropadak antolatu zituzten O`Grioveko Karmengo jaietan eta 1980. urtean herriko arraun zale batzuek Club de Remo Mecos sortu zuten^[1].

1995. urtean Kontxako Banderan parte hartzeko eskaria egin zuen. Antolatazaileek araudia eskutan ez zioten parte hartzen utzi eta jadanik Euskal Herrira etorriak zeudenez Erandioko Banderan parte hartu eta irabazi egin zuten, trainerutan Euskal Herrian estropada bat irabazi zuen lehen klub galiziarra izan zelarik^[2]. Honek jauzi kualitatibo bat eman zion klubari eta hurrengo urtetan emaitza onak lortzen hasi zen. Horrela, bi urte beranduago Espainiako txapelketan hirugarren izatera iritsi zen^[3]. 2000. urtean postua errepikatu eta 2002.an bigarren gelditu zen Astilleroren atzetik^[4]. Aipatu behar da 2000. urtean Galiziako txapelketa ere eskuratu zuela.^[5]

2003. urtea oso ona izan zen klubarentzat, izan ere sortu berria zen TKE Ligan bigarren postua eskuratu baitzuen^[6] eta Kontxako Banderan parte hartu baitzuen lehenengoz, hirugarren postua lortuz^[7]. Urte honetan Hondarribia eta Astilleroko banderak irabazi zituen ligan^[8]. Ordutik aurrera liga nagusian egon da 2007.an mailaz jeitsi zen arte^[9]. 2004an berriz irabazi zuen Galiziako txapelketa.^[10]

2012an Galiziako Traineruen Ligan bi maila eratu zituen eta Mecos-ek B Ligan egin behar izan zuen arraun^[11]. 2015ean jokaturiko bandera guztiak irabazi zituenez B Ligako txapelduna izan zen eta mailaz igo zen^[12]. Hurrengo urteetan hobetu egin du eta 2017, 2018 eta 2019an hirugarrena izan zen. Azken urteetan erdiko txandan egonkortu da.

• Txapelduna (0)
• Bigarrena (0)
• Hirugarrena (1): 2003.
• Sailkatua (1): 2003.

• Txapelduna (0)
• Bigarrena (1): 2003
• Hirugarrena (0)
• Irabazitako estropadak (2021 barne): 2
• Parte hartzeak (5): 2003, 2004, 2005, 2006, 2007
• Galiziako A Liga (0): hirugarrena 2017, 2018 eta 2019an.
• Galiziako B Liga (2): 2012, 2015.

• Txapelduna (0)
• Bigarrena (1): 2002.
• Hirugarrena (3): 1997, 2000 eta 2004.

• Txapelduna (2): 2000 eta 2004.
• Bigarrena (2): 1997 eta 2005.

• Teresa Herrera Bandera (2): 2002 eta 2009.
• Conde de Fenosa Bandera (1): 2002.
• El Corte Inglés Bandera (Vigo) (0): bigarrena 2000an.
• Asturiasko Printzearen Bandera (1): 2015.

• Erandioko Bandera (1): 1995.
• S.D.R. Castro Urdialesen Bandera (1): 2002.
• Hondarribiako Bandera (3): 2002, 2003, 2004.
• Astilleroko Bandera (1): 2003.

• Espainiako Trainerilla Txapelketa (2): 2002 eta 2003.
• Espainiako Trainerilla Txapelketa, jubenilak (4): 2003, 2008, 2014, 2015

• Espainiako Batel Txapelketa (3): 2000, 2001 eta 2002.

Dendoraldiak
TKE	5
LGT 1	15
LGT 2	3
2025 barne.

Urtea	Liga	Kontxa	Espainia
2003	TKE Liga, 2.a	3.a
2004	TKE Liga, 7.a		3.a
2005	TKE Liga, 8.a		6.a
2006	TKE Liga, 9.a		7.a
2007	TKE Liga, 11.a
2008	Galiziako Liga, 6.a
2009	Galiziako Liga, 4.a		8.a
2010	Galiziako Liga, 6.a
2011	Galiziako Liga, 7.a
2012	Galiziako B maila, 1.a
2013	Galiziako A maila, 8.a
2014	Galiziako B maila, 4.a
2015	Galiziako B maila, 1.a
2016	Galiziako A maila, 7.a
2017	Galiziako A maila, 3.a
2018	Galiziako A maila, 3.a
2019	Galiziako A maila, 3.a		7.a
2020	Galiziako A maila, 6.a
2021	Galiziako A maila, 4.a
2022	Galiziako A maila, 7.a
2023	Galiziako A maila, 8.a
2024	Galiziako A maila, 7.a

Club de Remo Mecos-Coruxo
Entrenatzailea	Iván Treinta González Jesús Vidal Silva
Patroia(k)	Laura Romero Estela Fieiro
Kolorea(k)	zuria, urdin iluna eta berdea
Trainerua	Mequiña
Palmaresa	0 Kontxako Bandera 0 Euskotren Liga 2 Galiziako Liga 1 Espainiako Txapelketa 2 Galiziako Txapelketa
2024: Kontxa	ez
2023: Liga	ez

Mecoseko traineruak 2009an egin zuen debuta Galiziako ligan eta bigarren postua eskuratu zuen Rias Baixasen atzetik. Txapeldunak agertu ez ziren bandera bat eskuratzea ere lortu zuen, Oleirosko Marcha das mulleres. Kontxako Banderarako sailkapen estropadan ere aritu zen baina 7. postuan gelditu zen. Tania Barreiros zen patroia eta Nautico de Vigo eta Bueu taldeetako arraunlariak ere bazituen tostetan. Hurrengo hiru urteetan ez zuen trainerurik uretaratu.

2013an ez zen traineru galiziarrik aritu emakumezkoen arraun denboraldian baina trainerillen arteko liga bat osatu zuten eta jokoan izan ziren bost estropadak irabaziz Mecosek liga nagusitasun osoz eskuratu zuen. Garaipen honekin animatuta Mecosek Kontxako Banderarako trainerua bultzatu eta Bandera jokatzeko sailkatu zen eta laugarren egin zuen^[13]. Traineruan Mecos eta Tirango bosna arraunlarik, Chapela eta Cabo de Cruzeko hirunak eta Amegroveko batek galiziako selekzioa osatu zuten.

2015ean trainerua osatzea lortu du eta Galiziako Ligan hartu zuen parte Club de Remo San Martiño izenarekin eta bigarren postuan gelditu zen. Kontxako sailkapenera etortzekoa zen baina lau arraunlarik ez zuten lanean baimenik lortu eta ezin izan zuen trainerua osatu.

2017an Espainiako batel eta trainerilla txapelketatan podiuma egin zuen CR Náutico de Riveirarekin elkartu eta trainerua uretaratu zuen berriz. Maila bikaina erakutsi zuen eta Ligako estropada guztiak irabaziz txapelduna izan zen^[14]. Kontxako Banderarako sailkatu zen berriz eta hirugarren postuan amaitu zuen, San Juan eta Hibaikaren atzetik^[15]. 2018ko denboraldirako Náutico de Riveirak bere traineru propioa atera zuen eta beraz Mecos ez zen uretan izan.

2019an berriz ere atera zuen trainerua, Coruxorekin batera. Samertolameuko arraunlari batzuk ere bazituen. Galiziako Ligan nagusi zen^[16] eta Espainiako txapelketa irabazi zuen^[17], baina ez zuen Kontxako Banderara sailkatzerik lortu.

• Txapelduna (0)
• Bigarrena (0)
• Hirugarrena (1): 2017.
• Laugarrena (1): 2013.

• Txapelduna (0)
• Galiziako Liga (2): 2017, 2019.
• Galiziako trainerilla liga (1): 2013.

• Espainiako Txapelketa:
  • Txapelduna (1): 2019.
• Galiziako Txapelketa:
  • Txapelduna (2): 2017, 2019.
  • Hirugarrena (1): 2015.

Dendoraldiak
Euskotren	0
LGT	4
2025 barne.

Urtea	Liga	Kontxa	Galiziako txap.	Espainiako txap.	Oharrak
2009	Galiziako Liga, 2.a				Mecos
2010-12	-
2013	-	4.a			Mecos
2014	-
2015	Galiziako Liga, 2.a		3.a		Mecos
2016	-
2017	Galiziako Liga, 1.a	3.a	1.a		Mecos-Riveira
2018	-
2019	Galiziako Liga, 1.a		1.a	Txapelduna	Mecos-Coruxo
2020	-

• Teresa Herrera Bandera (1): 2017.
• Marcha das mulleres (1): 2009.
• Oleirosko Bandera (2): 2017, 2019.
• O Groveko Bandera (1): 2017.
• Vilaxoango Bandera (1): 2017.
• Redondelako Bandera (2): 2017, 2019.
• Ferrolgo Bandera (1): 2017.
• Mera-Virxe do Carme (1): 2019.
• Boiroko Bandera (1): 2019.
• Vigoko Bandera (1): 2019.
• Fandicosta Bandera - Moaña (1): 2019.
• Reganosa Bandera (1): 2019.

• (Gaztelaniaz) Web orri ofiziala
• (Galizieraz) Liga Galega de Traiñeiras-en webguneko informazioa
• (Galizieraz) Liga Galega Feminina-ko informazioa