Henrik Seppik

Henrik Seppik
Persona informo
Aliaj nomoj	Sepamaa • Henrik Allari • Henrik Sepamaa
Naskiĝo	1-an de januaro 1905 (1905-01-01) en Pärnu
Morto	4-an de februaro 1990 (1990-02-04) (85-jaraĝa)
Lingvoj	Esperanto
Ŝtataneco	Estonio
Okupo
Okupo	esperantisto (1920–) tradukisto verkisto vortaristo
v • d • r

Heinrich Richard "Henrik" SEPPIK, jen germane, estone Henrik Sepamaa kaj pseŭdonime Henrik Allari (naskiĝis la 9-an de februaro 1905 en Pärnu, mortis la 4-an de februaro 1990) estis pioniro de la estona Esperanto-movado, Esperanto-instruisto, -gramatikisto kaj -vortaristo.

Seppik okupiĝis pri turismo. Li esperantiĝis en 1920 kaj gvidis multajn kursojn en Tartuo, Talino, Pärnu kaj Peĉori inter 1924 kaj 1928. Dum pluraj jaroj li estis estrarano de Esperanto-societoj. Li estis lektoro de Esperanto en la Popola altlernejo en Pärnu ekde 1924 kaj en Tartuo ekde 1928, Cseh-metoda instruisto kaj propagandisto en reĝlando Svedio 1929-1931, en reĝlando Norvegio 1932, poste ĝis 1939 en reĝlando Danio kaj en Ĉeĥoslovakio. Seppik estis fondinto kaj prezidanto de la estona Esperanta Turista Komisiono (ETK), kiu interalie organizis turisman interŝanĝon kun Svedio. Li estis kunlaboranto de la Enciklopedio de Esperanto, kiu publikiĝis en 1934.

Seppik debutis internacie per traduko el Friedebert Tuglas, Kvin Noveloj (1924). En 1935 aperis lia Sistema Kurso de Esperanto, kaj en 1938 la fama kurslibro La tuta Esperanto, "gramatiko por progresintoj - gvidilo por kursestroj", kies 4-a eldono aperis en 1984. Dek jarojn (1947-1956) li pasigis en stalina koncentrejo; tamen eĉ poste li aktivis sub la kaŝnomo Sepamaa, interalie aperigante vortaron Esperantan-estonan kaj estonan-Esperantan (aperinta en 1957) kaj redaktante Esperanto-eldonaĵojn por estonaj eldonejoj.

• Högre Kurs i Esperanto (1936)
• Systematický kurs mezinárodniho jazyka esperanto (por la ĉeĥa adaptis Ladislav Krajc)
• Systematisk Kurs i Esperanto (Stockholm: Förlagsföreningen Esperanto, [1932])
• La Tuta Esperanto (gramatiko por progresintoj, gvidilo por kursestroj), 4-a eldono 1984
• Esperanto keele süstemaatiline kursus (1936)
• Väike esperanto-eesti ja eesti-esperanto sõnaraamat (1957)
• Vidu ankaŭ la kategorion Kategorio:Libroj de Henrik Seppik

Pri Systematisk kurs I Esperanto

„ Aro da alilandaj esperantaj instruistoj dum la lastaj jaroj agadis en Svedujo, sin tute dediĉante al instruado pri Esperanto, ili ĉiuj devas instrui rektmetode, sed en la detaloj la metodoj varias. Ĉar la jam ekzistantaj lernolibroj por svedoj estas verkitaj en sveda lingvo por uzo de svede parolanta instruisto ili malfacile estis uzataj en la rektmetodaj kursoj, kiujn gvidis la nesvedoj instruantoj. La verkintoj multe okupis sin pri rektmetoda] kursoj kaj verkis libron kun laŭtempa enhavo. La frazaro estas ordigita laŭgrade kaj la vortoj estas plej grandparte modernaj kaj la enhavo tre interesiga. Inter la ekzercoj troviĝas gramatikaj klarigoj en la sveda lingvo. La lernolibro faris grandan sukceson. La eldoninto sciigas ke dum tri monatoj vendiĝis 3000 ekzempleroj, bona pruvo ke ĝi plaĉas al la publiko kiu lernas Esperanton. ” — Belga esperantisto n198 (nov-dec 1932)

• Andresen, N. - Oras, A.: Mallonga konspekto pri la estona literaturo (En: Estona Antologio; p. 7 - 13)
• Fabeloj kaj folkloro (trad. Helmi Dresen kaj Hilda Dresen, Agnes Nii, Henriko Seppik, A. R. Saul, kaj Villem Vaher) - (En: Estona Antologio; p. 15 - 31)
• Ojalo, Jaan: Esperanto keele õpik (Toimetanud Henrik Sepamaa. - Tallinn: "Valgus", 1973, 134 p.)
• Tuglas, Friedebert: En la Fino de la Mondo (1924)
• Tuglas, Friedebert: Kvin Noveloj (1924)
• Tuglas, Friedebert: Popi kaj Huhuu (1924, novelo)
• lingve kontrolis En Fremda Urbo
• lingve kontrolis Kalevipoeg de Hilda Dresen

• Enciklopedio de Esperanto/S en sia originala formo en la Interreto
• Enciklopedio de Esperanto en elŝutebla versio (PDF).
• Libroj Arkivigite je 2016-03-05 per la retarkivo Wayback Machine de kaj pri Henrik Seppik en la Kolekto por Planlingvoj kaj Esperanto-Muzeo
• Artikoloj de kaj pri Henrik Seppik en Elektronika Bibliografio de Esperantaj Artikoloj (EBEA)
• La gramatiko "La tuta Esperanto" en html.
• Elŝutebla libro de "La tuta Esperanto", eldonita en 1937 (PDF 900 Ko)
• La grupo "La tuta Esperanto" en Fejsbuko