Blankaj venezuelanoj

Blankaj venezuelanoj estas neoficiala termino por priskribi la Venezuelajn civitanojn de eŭropa origino. Laŭ la oficiala censo de 2011, 42.2% el la loĝantaro memidentigas sin kiel blankuloj.^[1] Almenaŭ 60,6% el venezuelanoj estas el eŭropa praularo.^[2]

La praularo de Blankaj venezuelanoj devenas ĉefe el Hispanoj. Aliaj eŭropaj popoloj kiuj kontribuis estas: italoj, portugaloj, germanoj, francoj kaj angloj.

Hispanoj setlis en Venezuelo dum la kolonia periodo. Plej el ili estis el Andaluzio, Galegio, Eŭskio kaj el Kanarioj. Ĝis la lastaj jaroj de la Dua Mondmilito, granda parto de eŭropaj enmigrantoj en Venezuelo venis el Kanarioj, kaj ties kultura efiko estis grava, kun rimarkinda influo al la disvolvigo de la hispana lingvo kun kanaria akĉento, ties kuirarto kaj kutimaro.

Komence de la produktado de nafto ekde la unuaj jardekoj de la 20a jarcento, civitanoj kaj entreprenoj el Usono, Unuiĝinta Reĝlando kaj Nederlando setlis en Venezuelo. Poste, meze de la jarcento, estis nova tajdo de origine enmigrantoj el Hispanio (ĉefe el Galegio, Andaluzio kaj Eŭskio), Italio (ĉefe el suda Italio kaj Veneto) kaj Portugalio (el Madejro) kaj novaj enmigrantoj el Germanio, Francio, Anglio, Kroatio, Nederlando, Mezoriento kaj aliaj eŭropaj landoj.

• Blankuloj
• Blankaj brazilanoj
• Blankaj kolombianoj
• Blankaj meksikanoj
• Blankaj peruanoj
• Latinamerikaj blankuloj
• Blankaj barbadanoj
• Blankaj novzelandanoj
• Kaldoŝoj