en e gichen
Brezhoneg
Etimologiezh
- Diwar an araogenn gevrennek e-kichen hag an anv-gwan perc'hennañ e.
Furm araogenn
| Gour | Furm |
| U1 | em c'hichen |
| U2 | ez kichen |
| U3g | en e gichen |
| U3b | en he c'hichen |
| L1 | en hor c'hichen |
| L2 | en ho kichen |
| L3 | en o c'hichen |
| D | er c'hichen |
en e gichen /ɛneˈɡiʃːɛn/
- Furm displeget an araogenn e-kichen en trede gour unan gourel
- Mat, hennezh, ar martolod yaouank-se, a yoa gant e drompilh, ha ne ehane da seniñ kaer a yoa tennañ, kaer o doa mont d'an douar, ar re a yoa en e gichen. — (Lan Inizan, Emgann Kergidu 1, Brest, 1877, eil emb. Al Liamm 1977, p. 220.)
- Hag em boa c’hoant da vezañ bet en e gichen. — (Lan Inizan, Emgann Kergidu 1, Brest, 1877, eil emb. Al Liamm 1977, p. 138.)
- E gleze a dennas hag a lakeas en e gichen war-hed e vrec'h. — (Erwan ar Moal, Pipi Gonto, Kemper, 1925, p. 5.)
- Ha bremañ p'emañ-hi dirazañ en e gichen, ne gav mui netra da zisklêriañ. — (Brogarour, Onenn, Gwengamp, 1936, p. 56.)
- En e waremm, gourvezet er foz dindan ar raden hir, Job a c'hortoze, gant e falz nevez c'houlazhet en e gichen. — (Jakez Riou, An Ti Satanazet, Skridoù Breizh, 1944, p. 71.)
- « N'a ket da zirenka Doue gant eun dra ken dister-all, » eme deir mouezig flour en e gichen. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 37.)
- Un deiz ma oa yen an amzer, e voe klevet koulskoude, eme ar re-mañ, o lavarout : « Fermez ça! », evit roiñ urzh d'un urcher da sarriñ ur prenestr a oa digor-bras en e gichen. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 244.)
- − Sellit 'ta ouzh ar gwennili o vont kuit, eme unan bennak en e gichen. — (Ronan Huon, Ar Gwennili-mor, Al Liamm niv. 77, Du-Kerzu 1959, p. 412.)
- [...] : Per, gant e gein troet d'ar siminal ; en e gichen, war an dorn dehou, Fant gozh, ha goude Tual Jegou, komis e ti an noter Ar Bourc'hiz ; [...] — (Jarl Priel, An Teirgwern Pembroke, Al Liamm, 1959, p. 16.)
- Em c'hichen, ez kichen, en e gichen...— (Jules Gros, Le trésor du breton parlé Première Partie, 1966, p. 203.)
- War se e savas e wareg, evel pa ne vije ket Filipa en e gichen, [...]. — (Evelyne Brissou-Pellen, troet gant Mark Kerrain, Ar pemp skoed a Vreizh, Al Liamm, 2006, p. 70.)
- E zornig a serras war al lizher en e gichen ha derc'hel a rae da gousket, [...]. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 22.)
Troioù-lavar
Troidigezhioù
- galleg : près de lui (fr)