Якушонкі

Вёска Якушонкі Краіна Беларусь Вобласць Віцебская Раён Гарадоцкі Сельсавет Віраўлянскі Каардынаты 55°36′52″ пн. ш. 29°53′33″ у. д.HGЯO Насельніцтва ▼3 чал. (2009) Часавы пояс UTC+3 Тэлефонны код +375 2139 Аўтамабільны код 2 СААТА 2218818111 Якушонкі на карце Беларусі ±

Якушо́нкі^[1] (трансліт.: Jakušonki, руск.: Якушёнки) — вёска ў Гарадоцкім раёне Віцебскай вобласці. Уваходзіць у склад Віраўлянскага сельсавета. За 36 км на паўночны захад ад Гарадка, 74 км ад Віцебска, 14 км ад чыгуначнай станцыі Бычыха на лініі Віцебск — Невель. Рэльеф раўнінны. На паўночным усходзе працякае рака Сутокі (прыток ракі Каменка). На поўдні і ўсходзе ляжыць лясны масіў. Транспартныя сувязі па мясцовай дарозе і далей па дарозе Віраўля — Гарадок.

У канцы 18 стагоддзя вёска ў Гарадоцкім павеце Полацкай, з 1802 года ў Віцебскай губерняў, у складзе Езярышчанскага староства. У 1785 годзе вёска з’яўлялася дзяржаўнай уласнасцю. У 1839 годзе ў фальварку Новая Віраўля маёнтка Езярышча, дзяржаўная ўласнасць. У 1847 годзе было 5 дзесяцін сядзібнай зямлі, 16 дзесяцін сенажаці. Адносілася да Віраўлянскага праваслаўнага прыхода. У канцы 19 — пачатку 20 стагоддзя ў Віраўлянскай воласці Гарадоцкага павета Віцебскай губерні. Належала Нова-Віраўлянскай сельскай грамадзе. У 1895 годзе адкрылі школу граматы (у 1897 годзе — 27 вучняў). У 1905 годзе 181 дзесяціна сельгасугоддзяў. З 15 лютага 1923 года ў Селішчанскай воласці Віцебскага павета, працавала школа 1-й ступені. У сакавіку 1924 года вернуты ў склад БССР. З 20 жніўня 1924 года ў Віраўлянскім сельсавеце Гарадоцкага раёна Віцебскай акругі (да 26 ліпеня 1930 года). З 12 лютага 1935 года ў Мехаўскім раёне. З 20 лютага 1938 года ў Віцебскай вобласці. У Другую сусветную вайну з фронту не вярнуліся 29 жыхароў. З 18 сакавіка 1958 года ў Езярышчанскім раёне. З 25 снежня 1962 года ў Гарадоцкім раёне. У 1999 годзе ў складзе калгаса «Віраўлянскі». У 2012 годзе ў складзе філіяла «Віраўлянскі» замежнага прыватнага сельскагаспадарчага вытворчага УП «Дзецкасельскі-Гарадок».

• 7 двароў, 84 рэвізскія душы (1785)
• 74 рэвізскія душы (1839)
• 9 двароў, 49 сялянскіх душ (1847)
• 11 двароў, 94 жыхары (1905)
• 18 двароў, 73 жыхары (1923)
• 15 двароў, 61 жыхар (1926)
• 74 жыхары (1959)
• 50 жыхароў (1970)
• 5 гаспадарак, 6 жыхароў (2002)
• 1 гаспадарка, 1 жыхар (2018)

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

• На Вікісховішчы пакуль няма медыяфайлаў па тэме, але Вы можаце загрузіць іх