Прыазёрная (Баранавіцкі раён)

Вёска Прыазёрная Краіна Беларусь Вобласць Брэсцкая Раён Баранавіцкі Сельсавет Навамышскі Каардынаты 53°06′48″ пн. ш. 25°55′37″ у. д.HGЯO Ранейшыя назвы Балабановічы, Балобанавічы Насельніцтва 394 чал. (1999) Часавы пояс UTC+3 Тэлефонны код +375 163 Паштовыя індэксы 225330 Аўтамабільны код 1 СААТА 1204860071 Прыазёрная на карце Беларусі ±

Прыазёрная^[1] (трансліт.: Pryaziornaja, руск.: Приозёрная; да 1969 года Балабановічы (Балобанавічы)) — вёска ў Баранавіцкім раёне Брэсцкай вобласці. Уваходзіць у склад Навамышскага сельсавета. Размешчана за 8 км на захад ад Баранавічаў, за 3 км ад чыгуначнай станцыі Бараўцы на лініі Баранавічы — Ваўкавыск.

Да вёскі далучаны хутар Гельда.

Вядома з канца XVI стагоддзя пад назвай Балабановічы (Балобанавічы).

З 1793 года ў складзе Расійскай імперыі.

У 1869 годзе тут адкрыта школа граматы.

На пачатак XX стагоддзя Ба��абановічы ў Навамышскай воласці Навагрудскага павета Мінскай губерні, 90 двароў, 780 жыхароў. Побач знаходзі��ся аднайменны маёнтак — 5 двароў, каля 40 жыхароў

З 1921 года ў складзе Польскай Рэспублікі, у Навамышскай гміне Баранавіцкага павета Навагрудскага ваяводства.

З 1939 года ў складзе БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне. З 12 кастрычніка 1940 года да 17 лістапада 1959 года цэнтр Балабанавіцкага сельсавета.

У Вялікую Айчынную вайну з канца чэрвеня 1941 года да 8 ліпеня 1944 года вёска акупіравана нямецка-фашысцкімі захопнікамі.

З 17 лістапада 1959 года па 22 сакавіка 1962 года ў складзе Палонкаўскага сельсавета^[2]. У 1969 годзе Балабановічы перайменаваны ў Прыазёрную.

• Рамонтна-механічныя майстэрні
• Ветэрынарны ўчастак
• Пачатковая школа
• Бібліятэка
• Клуб
• Фельчарска-акушэрскіі пункт
• Магазін
• Аддзяленне сувязі

• 49 дамоў, 327 жыхароў (1921)
• 564 жыхары (1939)
• 160 двароў, 405 жыхароў (1998)
• 156 гаспадарак, 427 жыхароў (2005)

• Брацкая магіла воінаў

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

• На Вікісховішчы пакуль няма медыяфайлаў па тэме, але Вы можаце загрузіць іх