Васіль Емяльянавіч Самуцін

Васіль Емяльянавіч Самуцін
Васіль Емяльянавіч Самуцін
	люты 1949 — ліпень 1950
Папярэднік	Васіль Закурдаеў
Пераемнік	Мікалай Пакроўскі
Нараджэнне	28 чэрвеня 1906; Ваўчыны Перавоз, Гушчанская воласць[d], Уладзімірскі павет[d], Валынская губерня, Расійская імперыя;
Смерць	13 жніўня 1981 (75 гадоў)
Партыя	УКП(б) (з 1926)
Месца працы	Звязда; Чырвоная змена; Прыдняпроўская ніва[d]; СБ. Беларусь сегодня; Міністэрства лясной гаспадаркі БССР;
Бітвы	Вялікая Айчынная вайна;

Васі́ль Емялья́навіч Саму́цін (28 чэрвеня 1906 у вёсцы Ваўчыны Перавоз у Валынскай губерні — 13 жніўня 1981) — дзеяч КПЗБ, савецкі партыйны і дзяржаўны дзеяч, журналіст.

Біяграфія

З 1926 года — член УКП(б), у 1927—1928 і 1928—1929 гадах — адказны сакратар раённага камітэта камсамола Беларусі ў Бабруйскім раёне, у 1930—1931 гадах — рэдактар газеты «Чырвоная Змена».

У 1931—1933 гадах начальнік партыйнага аддзела газеты «Звязда», у 1933—1934 гадах сакратар рэдакцыі газеты «Камунар Магілёушчыны», з 1934 года — інструктар ЦК КПЗБ, потым да лютага 1935 года — сакратар акруговага камітэта КПЗБ ў Беластоку. У лютым 1935 года арыштаваны польскай паліцыяй, у верасні 1939 года вызвалены, з верасня 1939 да чэрвеня 1941 года — намеснік галоўнага рэдактара газеты «Знамя Свабоды», затым мабілізаваны ў Чырвоную Армію.

З ліпеня 1941 да красавіка 1942 года — інструктар палітычнага аддзела Заходняга фронту, з чэрвеня 1942 года — рэдактар падпольнай газеты «Віцебскі рабочы», з красавіка 1943 года — рэдактар Беластоцкай падпольнай газеты «Вольная Праца», з 23 ліпеня 1943 па ліпень 1944 года — сакратар падпольнага абкама Камуністычнай Партыі (бальшавікоў) Беларусі ў Беластоку. У 1944—1945 годзе — зноў рэдактар газеты «Звязда», у 1945—1946 гадах — рэдактар газеты «Советская Белоруссия», з 1946 года па люты 1949 года — 2-гі сакратар, а з лютага 1949 года па ліпень 1950 — 1-ы сакратар Баранавіцкага абласнога камітэта КП(б)Б.

З 18 лютага 1949 па 20 верасня 1952 года — кандыдат у члены ЦК КП(б)Б, з 1950 года — намеснік міністра лясной гаспадаркі Беларускай ССР, у 1953—1956 гады — рэдактар часопіса «Сельская гаспадарка Беларусі». Дэпутат Вярхоўнага Савета БССР у 1947—1951 гадах^[1].

Заслужаны дзеяч культуры БССР (1967).

Узнагароды

а таксама польскімі і савецкімі медалямі.

Зноскі

↑ БелЭн 2002.

Літаратура

Самуцін Васіль Емяльянавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 142. — 10 000 экз. — ISBN 985-11-0035-8. — ISBN 985-11-0238-5 (т. 14).
Василий Емельянович Самутин // Высшее партизанское командование Белоруссии. 1941—1944: справочник / Э. Г. Иоффе [и др.]; под общ. ред. д-ра ист. наук проф. Э. Г. Иоффе — Мінск: Беларусь, 2009.— 271 с. — ISBN 978-985-01-0836-4. — С. 95—96. (руск.)

Спасылкі

Даведнік па гісторыі Камуністычнай Партыі і СССР (рус.)

[FOOTNOTEБелЭн2002-1] БелЭн 2002.

[1]