Адрыяна Ліма

Адрыяна Франчэска Ліма
Дата нараджэння	12 чэрвеня 1981(1981-06-12)[1] (43 гады)
Месца нараджэння	Салвадор, штат Баія, Бразілія[1]
Рост	178 см[2]
Вага	50 кг
Грудзі	86 см[2]
Стан	61 см[2]
Сцёгны	89 см[2]
Колер валасоў	цёмна-карычневыя[2]
Вочы	блакітныя[2]
Памер абутку	39 (EU)[2]
Грамадзянства	Бразілія Сербія
Агенцтва	Nike
www.adrianalima.com

Адрыя́на Франчэска Лі́ма (парт.: Adriana Lima, нарадзілася 12 чэрвеня 1981, Салвадор) — бразільская супермадэль, найболей вядомая як адзін з анёлаў Victoria’s Secret. У сродках масавай інфармацыі Ліму часта завуць адной з самых прыгожых жанчын планеты.

Нарадзілася 12 чэрвеня 1981 года ў бразільскім горадзе Сальвадор. Яе бацька Нэльсан Торэс і маці Граца Ліма былі сацыяльнымі працаўнікамі. У ёй цячэ кроў французаў, партугальцаў, амерыканскіх індзейцаў і зусім крыху ад жыхароў Карыбскіх астравоў. У 13 гадоў яе заўважыў у гандлёвым цэнтры агент мадэльнага агенцтва і запрасіў на кастынг. З тых часоў яе кар’ера імкліва ідзе ўверх.

У 1996 годзе яна стала пераможцам бразільскага фіналу конкурсу мадэляў, якое праводзіла агенцтва Ford Models, а на міжнародным — заняла другое месца.

У 1998 годзе Адрыяна падпісала кантракт з Elite і пераехала ў Нью-Ёрк.

З 2001 года з’яўляецца адным з Victoria’s Secret Angels, падпісаўшы кантракт з гэтым вядомым брэндам адзежы і жаночай бялізны. За гэты час яна ўпрыгожыла сабой вокладкі такіх вядомых часопісаў, як GQ, Elle, Esquire і г.д. і прымала ўдзел ва ўсіх Victoria’s Secre Fashion Show — адным з самых вядомых модных паказаў свету.

Жыве ў Нью-Ёрку. У 2009—2016 гадах была замужам за баскетбалістам Марка Ярычам.

• На Вікісховішчы ёсць медыяфайлы па тэме Адрыяна Ліма
• Афіцыйны сайт Архівавана 7 ліпеня 2011.
• Адрыяна Ліма ў сацыяльнай сетцы X
• Адрыяна Ліма на сайце «Internet Movie Database» (англ.)
• Больш за 400 фатаграфій Адрыяны Лімы Архівавана 5 верасня 2008.