Лозкі (Буда-Кашалёўскі раён)

Вёска Лозкі Краіна Беларусь Вобласць Гомельская Раён Буда-Кашалёўскі Сельсавет Крыўскі Каардынаты 52°33′11″ пн. ш. 30°36′14″ у. д.HGЯO Першая згадка XIX стагоддзе Колькасць двароў 23 Насельніцтва 30 чалавек (2004) Часавы пояс UTC+3 Тэлефонны код +375 2336 Аўтамабільны код 3 СААТА 3205848029 Лозкі на карце Беларусі ±

Ло́зкі^[1] (трансліт.: Lozki, руск.: Лозки) — вёска ў Буда-Кашалёўскім раёне Гомельскай вобласці. Уваходзіць у склад Крыўскага сельсавета.

У 20 км на поўдзень ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 24 км ад Гомеля.

На заходняй ускраіне Канава Чырвоная (прыток ракі Уза).

Транспартныя сувязі па прасёлкавай, затым аўтамабільнай дарозе Жлобін — Гомель. Планіроўка складаецца з просталінейнай шыротнай вуліцы, да якой на ўсходзе далучаецца крывалінейная вуліца. Забудова двухбаковая, драўлянымі дамамі сядзібнага тыпу.

Па пісьмовых крыніцах вядомая з пачатку XIX стагоддзя як вёска ў Беліцкім, затым Гомельскім паветах Магілёўскай губерні. Па рэвізіі 1858 года ў валоданні памешчыка Клячкоўскага. У 1909 годзе ў Целяшоўскай воласці.

У 1926 годзе ў Уваравіцкім раёне Гомельскай акругі. У 1929 годзе арганізаваны калгас «Чырвоныя Лозкі», працавалі вятрак і гамарня. На франтах Вялікай Айчыннай вайны загінулі 28 жыхароў вёскі. У 1959 годзе ў складзе калгаса імя М. І. Калініна (цэнтр — вёска Івольск).

Да 1 снежня 2009 года вёска ўваходзіла ў склад Івольскага сельсавета^[2].

• 2004 год — 23 гаспадаркі, 30 жыхароў.

• 1834 год — 8 двароў.
• 1909 год — 30 жыхароў.
• 1926 год — 15 двароў, 100 жыхароў.
• 1959 год — 231 жыхар (паводле перапісу).
• 2004 год — 23 гаспадаркі, 30 жыхароў.

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

• На Вікісховішчы пакуль няма медыяфайлаў па тэме, але Вы можаце загрузіць іх