Tradisyon

*Traditions*, sarong 1895 na bronseng tympanum ni Olin Levi Warner nakalaag sa mayor na tata kan Thomas Jefferson Building sa Library of Congress in Washington, D.C.

An tradisyon o kinaugalian sarong sistema nin pagtubod, mga gawe-gawe o praktis sa banwaan o komunidad na napapasa-pasa sa sarong pagtiripon o komunidad nin mga tawo na an mga siring parati guminikan pa sa gaweng suanoy.^[1]^[2] Sarong kabtang diyan na bilang kultural na ekspresyon asin lumang ugali, an mga ehemplo kaini iyo an mga pyesta o mga pagbabado na nagsisimbolo nin propesyon (arog kan mga medalya ]] kan mga sa uniporme sa mga militar, alagad an ideya aplikable man sa gawe-gawe' sa laog kan grupo arog kan pagbibisa kan mga aki sa magurang. An kinaugalean pwedeng magdanay asin magtalubo sa lawig nin panahon, nin pirang ribong taon— an katagang tradisyon mansana gikan sa Latin na tradere literalmente pakahulogan na 'ilito, ipasa, i-entrega ngani masaray o mati'mos'. Manta na inaasumir na an sarong tradisyon pwedeng antigo na, dakul na tradisyon an minukna na may katuyohan, magin man politikal o kultural, sa pag'ayaw nin halipot na panahon.

An pagtaram na "susog sa tradisyon", o "sa kinaugalean", boot sabihon na anoman na impormasyon na masunod aram sana huli sa tradisyon na oral o sarabi-sabi, alagad dai suportado (y pwede ngani magsarungat pa) sa tunay na dokumentasyon, pisikal na ebidensya. An Tradisyon nagtutuyo mansanang kun anong lebel kan kalidad kan impormasyon. Halimbawa, pwedeng sarabi-sabi si Lapu-lapu iyo mismo an nakatigbas ki Magellan, pero igwang mga historyador na nagsasabi na imposibleng mangyari ta si Lapu-lapu gosgos naman kan nagkaigwang enkwentro an mga grupo ni Magellan asin kan mga taga-isla nin Maktan. Magin man totoo an tinaram o sinasabi dapit igdi, dai man nabawas an halaga kaini komo historya kultural asin literatura.^{[nangangaipo nin toltolan]}

An mga tradisyon mga toltol asin tunay na objeto nin pag'aadal sa manlaen-laen na lantad akademiko orog na sa social sciences arog kan folklore studies, antropolohiya, historya, pilosopiya asin arkeolohiya.

Toltolasn

↑ Thomas A. Green (1997). Folklore: an encyclopedia of beliefs, customs, tales, music,or art. ABC-CLIO. p. 800. ISBN 978-0-87436-986-1.
↑ Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na Shils2006-12

Sarong tamboan an artikulong ini. Makakatabang ka sa Bikol Wikipedia sa pagpoon kaining pahina.

Kteogrya:Pagka'uroyan sosyal

[Green1997-1] Thomas A. Green (1997). Folklore: an encyclopedia of beliefs, customs, tales, music,or art. ABC-CLIO. p. 800. ISBN 978-0-87436-986-1.

[Shils2006-12-2] Error sa pag-cite: Imbalidong <ref> tatak; mayong teksto na ipinagtao para sa reperensiya na pinagngaranan na Shils2006-12

[1]