Plaza Roja

El Kremlin y la Plaza Roja de Moscú
Patrimoniu de la Humanidá — UNESCO
	Plaza Roja (Moscú central)
Llugar	Rusia
Criterios	Cultural: i, ii, iv, vi
Referencia	545
Inscripción	1990 (XIV Sesión)
Área	Europa y América del Norte

Pa ver la denomada Plaza Roja d'Iquitos, Plaza José Abelardo Quiñones.

La Plaza Roja (en rusu Красная площадь, Krásnaya plóshchad’) ye la plaza más famosa de Moscú nel barriu comercial conocíu como Kitay-górod. Tien 330 metros de llargor y 70 metros d'anchu, sumando una superficie de 23.100 m². Dende 1990 la Plaza Roja foi incluyida, xunto col conxuntu del Kremlin, na llista de Patrimoniu de la Humanidá d'Unesco.^[1]

Delles xeneralidaes

Dixebra'l Kremlin, la fortaleza real onde anguaño mora'l presidente de Rusia, del barriu históricu comercial de Kitay-górod. D'ella parten les principales cais de Moscú en toes direiciones, enllargaes n'autopistes hasta fora de la ciudá. Por ello ye considerada la plaza como'l centru de la ciudá y de toa Rusia.

La zona onde ta asitiada la plaza taba orixinariamente poblada por edificios de madera, pero foi llimpiada por Iván III de Rusia, yá que yeren susceptibles d'amburar con facilidá. La nueva plaza sirvió como llugar pa los mercaos, más tarde pa ceremonies públiques y proclamaciones, inclusive pa coronar a los zares.

El nome de Plaza Roja nun provién del color de los lladriyos que la arrodien, nin tampoco ye referencia al color coloráu del comunismu. Más bien deriva de la pallabra rusa КраснаяError de cita: La etiqueta <ref> nun ye válida; les referencies ensin nome han tener conteníu (Krásnaya), que significa "colorada", pero nel antiguu rusu significaba "guapa", esto ye, la plaza guapa. La pallabra nun principiu usábase pa nomar la Catedral de San Basilio (del sieglu XVI), col sentíu de bonitu, y más tarde el nome recaló na plaza cercana. Créese que la plaza adquirió'l so actual nome, reemplazando l'antiguu, Пожар (Pozhar), nel sieglu XVII.

Na plaza atopen el patíbulu, el monumentu a Minin y a Pozharsky, amás del mundialmente famosu sepulcru (mausoléu) de Lenin. Na muralla del Kremlin tán soterraes grandes figures de la XRSS y relevantes militantes comunistes (como'l líder Josif Stalin, el cosmonauta Yuri Gagarin, el periodista y escritor d'Estaos Xuníos John Reed, dellos altos xefes militares, etc).

Historia recién

El 28 de mayu de 1987, l'entós nuevu xermanu-occidental Mathias Rust aterrizó'l so pequeñu avión Cessna en plena plaza. Tuvo que cumplir más de 400 díes de cárcel y esi fechu tamién derivó nel forzáu arrenunciu del mariscal Serguéi Sokolov, l'entós ministru de defensa soviéticu.

N'años recién na Plaza Roja celebráronse numberosos conciertos. Realizaron actuaciones grupo internacionales como Pink Floyd, la banda alemana Scorpions que celebró un recital cola orquesta presidencial de la Federación Rusa nel aniversariu de la capital rusa. O l'antiguu beatle Paul McCartney (nel so casu, incluyendo'l clásicu Back in the U.S.S.R. nel so repertoriu, que fai referencia esplícita a la sumida URSS).

En 2010 rodáronse dalgunes de les escenes de la película española La daga de Rasputín empobinada y protagonizada por Jesús Bonilla.^[2]