مدرسة المشاغبين

مدرسة المشاغبين
المؤلف	على سالم
مبني على	الى المعلم مع الحب
أول عرض	16 مايو 1973
بلد المنشأ	مصر
لغة العمل	اللغه المصريه الحديثه
السينما.كوم	1010107
تعديل

مدرسة المشاغبين دى مسرحيه مصريه مشهوره , و بتتكلم عن الاخلاق الوحشه و البوظان اللى بقا موجود ف المدارس ف مصر بعد حرب 67 و بعد الانفتاح الاقتصادى اللى السادات عمله بطريقه كوميديه . المسرحيه نجحت اوى و بتعتبر سبب الشهره الرئيسى لممثلين كبار زى عادل امام و سعيد صالح و يونس شلبى و احمد زكى ، كتبها الكاتب المسرحى على سالم.

1- عادل امام شخصية " بهجت الأباصيرى " : القائد بتاع الفصل و زعيم الشله ، مع إنه بيلاقى نفسه ف احيان كتيره (زعيم أونطه) ، عنده كاريزما و بيأثر تأثير جامد ع اللى معاه ف المدرسه ، أبوه من اغنى الناس ف اسكندريه صاحب سلسله أجزخانات معروفه ، و عاوزه يتخرج من المدرسه و يدخل كلية الصيدله و يمسك إدارة الأجزخانات بتاعة العيله ، بس بهجت مش نافع ف التعليم . اللى لعب الدور دا عادل امام .

2-سعيد صالح شخصية " مرسى الزناتى " : صاحب بهجت و دراعه اليمين ، بس نسوانجى و قليل الادب ، يعنى لا حيا يلجمه ولا أخلاق تردعه ، دايمن ينط علا مدرسة البنات اللى جنب مدرستهم و بيدى البنات دروس خصوصية زى ما بيقول. ابوه كمان زى ابو بهجت غنى و عنده املاك و عمارات و عربيات ، وعايزه يسيب المدرسه والتعليم و يساعده فى شغله بس مرسى مش راضى

3-يونس شلبى شخصية " منصور ابن الناظر " صحيح هوه ابن الناظر ، لكنه علاطول مع اصحابه و ف صف اصحابه اللى مجننين ابوه الناظر ، ماحدش بيفهم هو عايز يقول ايه ف اغلب الاوقات و علاطول زى ما بيقولو عليه ( مابيجمعش ) . اللى لعب الدور دا يونس شلبى .

4-احمد زكى شخصية "احمد" ولد مؤدب و متفوق و فقير بعكس كل زمايله اللى فاشلين واغنيا ، يتيم ابوه ميت و امه خياطه بتصرف علا تعليمه . شاعر و بيبيع شعره للى بيحبو عشان الفلوس بس مع كدا عنده مشكله فى مادة العربى عشان الكلام اللى فيه مكلكع و معقد ع الفاضى .عشان كدا بيسقط ف الامتبارات .

5-هادى الجيار شخصية "لطفى" , غاوى غنا و شاطر ف المزيكا و بيعزف جيتار .

6-حسن مصطفى شخصية "عبد المعطى" الناظر اللى بيعانى من الولاد اللى عنده ف المدرسه و مش عارف بيشتغل فيهم ايه و بيعانى من تصرفات ابنه العجيبه كمان.

7-سهير البابلى شخصية "الانسه عفت" مدرسه الفلسفه الجديده اللى بعتتها الوزاره للمدرسه بيعجب بيها الولاد كلهم و بيذاكرو و بيجتهدو و بينجحو مخصوص عشانها

8-عبدالله فرغلى شخصية "علام الملوانى". مدرس ساذج و بيتهزأ

9-نظيم شعراوى شخصية "مراد الاباصيرى" ابو بهجت الاباصيرى

مزيكة المسرحيه من تأليف سيد مكاوى، و كمان اُستخدمت مزيكة (Ritual Fire Dance) رقصة النار الشعائريه لمانويل دى فايا ف واحد من مشاهد المسرحيه، و هو مشهد محاصرة الطلبه لأبله عفت.

• السينما.كوم

https://elcinema.com/work/1010107/

السينما.كوم

• https://elcinema.com/work/1010107/

مدرسة المشاغبين فى المشاريع الشقيقه

---

لم يتم العثور على روابط لمواقع التواصل الاجتماعي.