مجلة ميكى
| ||||
|---|---|---|---|---|
| كوميكس | ||||
| البلد |  مصر بترخيص من ديزنى فى  امريكا
| |||
 | ||||
تعديل  |
||||
| ||||
|---|---|---|---|---|
| ||||
| معلومات شخصيه | ||||
تعديل مصدري - تعديل  | ||||
| ||||
|---|---|---|---|---|
 | ||||
| اللغه | مصرى | |||
| تعديل |
||||
مجلة ميكى Mickey magazine هيا مجله فيها حكايات مرسومه بتصدر كل اسبوع فى مصر بترخيص من شركة والت ديزنى فى امريكا
تاريخ
[تعديل]مجلة ميكى ابتدت فى مصر سنة 1959 بصدور اول عدد ليها من دار الهلال لحد 2003 و وقفت بعد مشاكل دار الهلال مع مؤسسة ديزنى, المجله رجعت تانى بعد ما اصدرتها دار نهضة مصر فى شهر يناير من سنة 2004. و رجعو الكتابه بالمصرى بعد سنين طويله بعد ما غيرو طريقة الكتابه فى المجله من مصرى ل عربى فى نص التمانينات, بس فى سنة 2004 رجعت المجله تانى تتكتب بالمصرى. فيه ناس كانت بتعترض علا كتابه المجلة بالعربى و تغيير الكتابه بالمصرى و قالو ان اللى عمل كده ما اهتمش بوجدان الطفل المصرى و نفسيته و لا بقيمة مجله للاطفال هدفها اسعاد الاطفال و تفتيح عقولهم و تنمية مواهبهم و قدراتهم الفكريه.
المجلة كانت بتتكتب بالمصرى اللى بيتعلمها الطفل المصرى قبل ما يروح المدرسه ، لحد نص التمانينات اللى بعدها اتحولت اللغة للعربى اللغه التانيه للطفل المصرى ، و بكده اتحرم اطفال مصر من قراية مجلة ميكى او سماع حد بيقراها لهم قبل ما يكبرو و يتعلموا عربى. الاعداد الاولانية كانت بتتميز بقصص فيها ميكى ماوس و بطوط مع شوية قصص بطولة سوبر بندق. القصص دى مع الوقت بدت تقل لحد ما اختفت و سوپر بندق بئا قليل اوى لما يظهر. المجلة ادت شخصيات ديزنى المشهوره اسامى مصريه زى ميمى و بندق و بطوط و زيزى و محظوظ و عم دهب و فركوك .
مصر كانت مزدهره بمجلات الاطفال ، بالاضافه لمجلة ميكى اللى اسعدت ملايين الاطفال فى مصر و فتحت عقولهم و ادتهم الامن النفسى و ربطتهم بثقافة العالم المتنور و المتقدم بعيد عن ثقافة القلق و التخلف المتحجره حضانة التعصب و التطرف و التابوهات ، كان فيه مجلات تانيه كتيره زى مجلة سندباد و مجلة سمير و مجلة كروان كلها بالمصرى الجميل اللى كان بيفهمها الطفل طوالى و بيسعد بيها.
شخصيات مجلة ميكى
[تعديل]- ميكى ماوس Mickey Mouse
- تيتى و فوفو Morty Ferdie ولاد اخت ميكى
- پلوتو Pluto كلب ميكى ماوس
- مينى ماوس Minnie Mouse صاحبة ميكى ماوس. اسمها ميمى فى مجلة ميكى
- بندق جوفى Goofy
- سوپربندق Super Goof. بندق جوفى بيتحول ل سوپربندق Super Goof لما ياكل سودانى مزروع فى جنبنة بيته
- عقده Gilbert Goof ابن اخو بندق
- اريزونا جوف Arizona Goof ابن عم بندق
- كوكا Clarabelle Cow
- ابوطويله Horace Horsecollar
- بطوط Donald Duck
- سوپر بطوط Duck Avenger . بطوط بيتحول ل سوپر بطوط
- سوسو و توتو و لولو Huey Dewey Louie ولاد اخت بطوط
- زيزى Daisy Duck
- فيفى و تيتى و ريرى April May June بنات اخت زيزى
- محظوظ Gladstone Gander
- فرفور Fethry
- الجده بطه Grandma Duck
- لوز Gus Goose مساعد الجده بطه
- عم دهب Scrooge McDuck
- سريعه Emily Quackfaster سكرتيرة عم دهب
- دهوبه Goldy عايزه تتجوز دهب
- فضه John Rockerduck منافس دهب
- ياقوت Flintheart Glomgold منافس دهب
- عبقرينو Gyro Gearloose
- عبقر Newton Gearloose ابن اخو عبقرينو
- فركوك Ludwig Von Drake
صور
[تعديل]
.jpg)
.jpg)
شوف كمان
[تعديل]- بطوط
- سوسو و توتو و لولو
- زيزى
- محظوظ
- الجده بطه
- دهب
- عبقرينو
- بندق جوفى
- ميكى ماوس
- مينى ماوس
- ديزنى لاند
- مجلات الأطفال فى مصر