حضارة
لحضارة هيّ مصطلح كينطابق على أي مجتمع معقد لي عندو دولة، تراتبية إجتماعية (طبقات ديال لمجتمع)، تمدين، و سيستيم رمزي ديال التواصل لي كيتجاوز اللوغات د لإشارة و لمهضورة، يعني عندها سيستيم د لكتابة و فن مرسوم.[2][3][4][5][6]
لحضارات كيتميّزو ب وجود الزراعة، لفن د لمعمار، قلدة تحتانية، تطور طيكنولوجي، صولدي، ضرائب، قانون، و توزيع ديال التخصصات ف لخدمة.[5][6][7]
تاريخياً، لحضارة ف أغلب لحالات كاتّفهم بلي هيّ تقافة "متطورة بزاف"، مقارنةً معا تقافات "صغر" و "مامطورينش" ب نفس الدرجة.[8][9][9][10] ف هاد لمعنى لأعم، لحضارة هيّ الضد ديال لمجتمعات لمشتتة و لقبايلية، لي منهم مجتمعات الرحالا لبدويين، و لمجتمعات النيوليتية ولّا الصيادا لميخالا hunter-gatherers. شي مرات كيتم تمييز "لحضارة" حتى بين التقافات لي كاينين وسط منها. لحضارات كيكونو منظمين، و مكوّنين من تجمعات سكّانية كتيفة و مقسّمة ل طبقات إجتماعية هيراركية، ب طبقة عالية حاكمة، و ساكنة حضرية و قروية تابعة. هاد الساكنة كاتمارس مجموعة د النشاطات لإقتصادية بحال الزراعة، تامنجميت، التصنيع على مستويات صغيرة، و التجارة. لحضارات كيركّزو لقوة ف ليد د بنادم لي كيولي قادر يبسط السلطة ديالو على الطبيعة، و حتى على أفراد خرين ديال بنادم.[11]
ف اللوغات لؤروپية كلمة حضارة (ب النڭليزية civilization) جات من لكلمة اللاتينية civitas (كيوِيطاس) لي كاتعني "مدينة". على حساب مجتمع ناشيونال جيوڭرافيك، أبسط تعريف ديال لحضارة هي "مجتمع مكوّن من مدون".[12] لبون ديال أقدم لحضارات مرتابط ب لمراحل اللخرين ديال التورة النيوليتية ف غرب أسيا، لي وصلات ل لأوج ديالها ب لپروصي السريع ديال تورة التمدين، و تشكيل الدولة، لي كيمتّلو تطور سياسي مرتابط ب لبون ديال طبقات حاكمة.
- ^ "Chronology". Digital Egypt for Universities. University College London. 2000. مأرشيڤي من لأصل ف 16 March 2008.
- ^ Haviland، William؛ et al. (2013). Cultural Anthropology: The Human Challenge. Cengage Learning. ص. 250. ردمك 978-1-285-67530-5. مأرشيڤي من لأصل ف 13 July 2019. تطّالع عليه ب تاريخ 20 June 2015.
- ^ Fernández-Armesto، Felipe (2001). Civilizations: Culture, Ambition, and the Transformation of Nature. Simon & Schuster. ردمك 978-0-7432-1650-0. مأرشيڤي من لأصل ف 1 April 2021. تطّالع عليه ب تاريخ 20 June 2015.
- ^ Boyden، Stephen Vickers (2004). The Biology of Civilisation. UNSW Press. pp. 7–8. ردمك 978-0-86840-766-1. مأرشيڤي من لأصل ف 30 December 2016. تطّالع عليه ب تاريخ 20 June 2015.
- ^ a b Solms-Laubach، Franz (2007). Nietzsche and Early German and Austrian Sociology. Walter de Gruyter. pp. 115, 117, 212. ردمك 978-3-11-018109-8. مأرشيڤي من لأصل ف 30 December 2016. تطّالع عليه ب تاريخ 20 June 2015.
- ^ a b AbdelRahim، Layla (2015). Children's literature, domestication and social foundation: Narratives of civilization and wilderness. New York: Routledge. ص. 8. OCLC 897810261. ردمك 978-0-415-66110-2.
- ^ Morris، Ian (2013). The Measure of Civilization: How Social Development Decides the Fate of Nations. Princeton: Princeton University Press. ردمك 978-0-691-15568-5. مأرشيڤي من لأصل ف 29 May 2023. تطّالع عليه ب تاريخ 29 May 2023.
- ^ Adams, Robert McCormick (1966). The Evolution of Urban Society. Transaction Publishers. ص. 13. ردمك 978-0-202-36594-7. مأرشيڤي من لأصل ف 30 December 2016. تطّالع عليه ب تاريخ 20 June 2015.
- ^ a b Wright، Ronald (2004). A Short History anthropological. House of Anansi Press. ردمك 978-0-88784-706-6.
- ^ Bolesti، Maria (2013). Barbarism and Its Discontents. Stanford University Press. ردمك 978-0-8047-8537-2. مأرشيڤي من لأصل ف 21 November 2023. تطّالع عليه ب تاريخ 20 June 2015.
- ^ Mann، Michael (1986). The Sources of Social Power. 1. Cambridge University Press. pp. 34–41.
- ^ "Civilizations". National Geographic Education (ب نڭليزية). National Geographic Society. 20 May 2022. مأرشيڤي من لأصل ف 29 May 2023. تطّالع عليه ب تاريخ 29 May 2023.