Estocolmo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Estocolmo Stockholm
Localidat de Suecia
Anvista d'Estocolmo en a nuei.
Estau  • Provincia  • Condau	Suecia Södermanland Estocolmo
Superficie	188 km²
Población  • Total	975819 hab. (2021)
Codigo postal	100 00–200 00
Coordenadas	59°19’45’’N18° 4’ 6’’E
Estocolmo Estocolmo en Suecia
Estocolmo Estocolmo en Europa
Web oficial

Estocolmo (en sueco y oficialment Stockholm, [stɔkːɔlm] ▶ ⁽ⁱ⁾) ye una ciudat y un municipio d'a provincia de Södermanland, de Suecia, d'a que ye a suya capital amás d'estar a ciudat con mayor numero d'habitants d'o país. Popularment ta muitos Estocolmo comprén tot o suyo condau, o condau d'Estocolmo, con arredol de 2.000.000 habitants.

A ciudat ye situata a cantos d'a mar Baltica, y ye formata en parti por cuantas islas en o laco Mälar (por ixo ye clamata a vegatas a Venecia d'o norte). A suya población ye de 984 748, en una superficie de 188 km².^[1]

Dende 1988 a ciudat ye dividita en 18 districtos y ye un d'os209 municipios d'o país.

Fa parte d'a Organización d'as Ciudaz d'o Patrimonio d'a Humanidat.

A ciudat d'Estocolmo ye situata a l'este de Suecia, en a costa d'a mar Baltica. Encara que inicialment a ciudat d'Estocolmo fue establita en a isla de Gamla Stan, entre o laco Mälaren y a mar Baltica, dimpués a ciudat creixió ta lo norte (islas de Norrmalm y d'Östermalm) y ta lo sud (isla de Södermalm), dica estendillar-se hue por un total de 14 islas, fendo asinas de l'augua un elemento de muita impotancia en a vida d'a ciudat. Por ixo, a ciudat d'Estocolmo tien 53 puents, ta facilitar as comunicacions entre as islas que forman a ciudat.

Amás, arredol d'a ciudat bi ha un archipelago de milers de chicotas islas en o laco Mälaren, estando uno d'os lugars d'ocio d'os habitants d'a ciudat.

Estocolmo, encara que ye a o canto d'a mar, tien un clima de tipo clima continental, por estar en una latitut muit septentrional y por estar tamién luent de l'Oceano Atlantico, que poderba moderar as influencias climatolochicas continentals.

As estacions son muit marcatas, con hibiernos fridos y verans suaves u mesmo calorosos, en parti por os cambios en a durada d'o día entre o solsticio de verán (mas de 18 horas de luz solar) y o solsticio d'hibierno (con nomás 6 horas). Bi ha 1.800 horas de sol/anyada. Os records de temperatura rechistratos son de 38 °C de temperatura maxima y -32 °C de temperatura minima.

Estocolmo ye unida a lo esporte dende los inicios d'as competicions regladas y eventos internacionals polideportivos. Lo fredo mientres los muitos meses que i hai temperaturas baixas propicia que se practiquen esportes de interior como lo balonmano, atros esportes exteriors gosan tener aturadas hibernals, asinasmesmo la presencia de gran cantidat d'augua embalsada, que se chela facilment en l'hibierno, facilita la practica d'o patinache sobre chelo y atros esportes sobre chelo en o periodo hibernal. Los esportes mas populars per lo que fa a espectadors son lo fútbol y lo hockey sobre chelo.

Las tres entidaz esportivas mas importants con son lo AIK, lo Djurgårdens IF y lo Hammarby IF que son clubs poliesportivos, as suyas seccions de fútbol que gosan chugar tanto en a Allsvenskan, la primera división sueca de fútbol como competicions internacionals. Estes mesmos clubs tienen seccions con equipos de hockey sobre chelo, Bandy, basketbol, floorball y atros esportes individuals.

D'entre as suyas instalacions esportivas cal destacar o Estadio Olimpico d'Estocolmo y o Globen Arena, un estadio cubierto multifuncional que en o momento d'a suya inauguración yera l'edificio esferico mas gran d'o mundo y que ye utilizau prencipalment pa la practica d'esportes de chelo. Tamién destacan os estadios Nationalarenan, o Stockholmsarenan multifuncionals utilizaus prencipalment pa fútbol.

En l'anyo 1912 se celebroron os Chuegos Olimpicos d'ixe anyo conoixius como Chuegos d'Estocolmo 1912.

El 24 de mayo de 2017 en Estocolmo se chugó la final Liga Europea d'a UEFA 2016-17 en a cuala se disputoron la victoria el AFC Ajax y lo Manchester United qui aconsiguió lo trofeo dimpués de ganar por 2 gols a 0.

• Simone Giertz, youtuber.

• Bogotá (Colombia).

• Se veigan as imáchens de Commons sobre Estocolmo.
• Pachina web oficial municipal d'Estocolmo.