Vorlage:AdW

Klagemauer|Chlagemuur

D Chlagemuur (hebräisch הכותל המערבי ha'kotel ha'ma'arawi, wörtlig die westligi Muure, umgangssprochlig uf Hebräisch hüfig au eifach nume d Muure bzw. כותל Kotel) in der Altstadt vo Jerusalem isch e religiösen Ort vom Judentum. Si isch d Westmuure vom Plateau, wo druf dr zweit Tämpel gstanden isch. D Muure isch nit wie vili dängge, e Muure vom Tämpel sälber. Der erst Tämpel, wo noch dr Überliiferig under em Salomo baut worde isch, isch scho 586 vor dr Ziitwändi vo de Babylonier zerstört worde. Nochdäm d Perser Jerusalem bsetzt hai, isch an der gliiche Stell um 515 vor dr Ziitwändi e schlichtere, zweite Tämpel baut worde, wo um 20 vor dr Ziitwändi under em König Herodes em Grosse prachtvoll usbaut und vo de Römer 70 noch dr Ziitwändi im Jüdische Chrieg zerstört worden isch.

Woche 20; Bildbeschreibungseite; ImageMap-Hilfe

D Marie Jaëll (* 17. Augschte 1846 z Steinseltz as Marie Trautmann; † 4. Februar 1925 z Paris) isch e elsässischi Pianischti, Kumpenischti un Klavierpedagogi gsii.

D Marie Jaëll isch z Steinseltz (Département Bas-Rhin) uf d Wält chuu. Si het Klavier zerscht bim Franz Hamma z Stuegert studiert, voreb dr Henri Herz iri ussegweendlig Begabig uusgmacht un si ab 1857 z Paris privat unterrichtet het. 1862 het er si in sy Klavierklass am Consérvatoire de Paris ufgnuu, wu si nume vier Monet speter mit em Premier Prix de piano uuszaichnet woren isch. No irem erfolgryche Debüt 1855 het si ne baar Johr lang Kunzärt gee, zerscht in dr nechere Gegnig, im Elsass, z Siddytschland un in dr Schwyz.

Am 9. Augschte 1866 het si dr Pianischt Alfred Jaëll ghyrote, isch uf Paris zoge unhet mi ihm zäme Kunzärt in ganz Europa un Russland gee. D Marie Jaëll het schyns vor allem s Spiil mit vier Händ gärn ghaa; syt si vierzehni gsii isch, het s zue irem Repertoire un zu eire Kunzärt ghert. Mit irem Mann Alfred het si vyl Stuck us ire Zyt fir vier Händ transkribiert un gspiilt. (…de ganz Artikel lèse)

Früeneri Artikel vur Wuche: