Vitruvius

Vitruvius (met volle naam Marcus Vitruvius Pollio, omstreeks 90 tot omstreeks 20 v.C.^[1]) was 'n Romeinse argitek, siviele en militêre ingenieur en argitektuurteoretikus in die 1ste eeu v.C. wat bekendheid verwerf het met sy afhandeling De architectura ("Oor argitektuur") wat uit tien boekdele bestaan en aan keiser Augustus opgedra is.

In De architectura, die enigste omvattende werk oor Romeinse boukuns wat uit die antieke tydperk oorgelewer is, gee Vitruvius nie net 'n historiese oorsig oor antieke Griekse en Romeinse argitektuur en ingenieurswese nie, maar deel ook sy persoonlike ervarings op dié gebiede met die leser en gee advies daaroor vir hom.