Nuanetsirivier

Nuanetsirivier
	Die Nuanetsirivier in die Zimbabwese laeveld Die Nuanetsirivier in die Zimbabwese laeveld
Stroomgebied	Zimbabwe en Mosambiek
Oorsprong	Insiza-distrik, Zimbabwe
Monding	Limpopo in Mosambiek
Oorsprong-hoogte	1195 m
Monding-hoogte	154 m
Stroomgebiedopp.	14 500 km²
	; Nuanetsirivier
Koördinate: 22°38′36″S 31°48′52″O / 22.64333°S 31.81444°O

Die Nuanetsirivier (Nuanetzirivier, Mwenezirivier) is 'n rivier in Zimbabwe en Mosambiek wat by die Limpoporivier aansluit.

Die rivier ontspring 70 km suidwes van Bulawayo, Insiza-distrik, in die provinsie Matabeleland-Suid. Daarna vloei dit noordoos van Rutenga deur die Manyuchidam. Van wes sluit die Mushawerivier aan en gaan dit deur die suide van die Gonarezhou Nasionale Park, verby die dorp Malipati en sluit dan 20 km oor die Mosambiekgrens by die dorp Chicualacuala by die Limpopo aan. Dit het 'n opvanggebied van nagenoeg 14 500 km².

Hierdie rivier vloei slegs in 'n goeie reënseisoen (November tot April), met die meeste afloop tussen Desember en Februarie aangeteken, behalwe waar dit deur damoperasies beheer word.^[1] Die rivier dra jaarliks 6.7% van die gemiddelde afloop in die Limpopobekken by, wat dit die derde grootste bydraer van water aan die Limpopo maak.^[2]

Uit die Manyuchidam en verskeie keerwalle word die suikerrietlande op die oewers besproei. Seekoeie is volop in die rivier. Krokodille is 'n gevaar vir mens en dier. In die vallei is daar baie voëls, veral reiers.

Verwysings

↑ Love, D., Uhlenbrook, S., Nyabeze, W., Owen, R.J.S., Twomlow, S., Savenije, H. , Woltering, L. and van der Zaag, P. 2005. Modelling of hydrological change for IWRM planning: case study of the Mzingwane River, Limpopo Basin, Zimbabwe. In: Abstract Volume, 6th WaterNet/WARFSA/GWP-SA Symposium, Ezulwini, Swaziland, November 2005, p 31.[1] Geargiveer 17 Junie 2018 op Wayback Machine
↑ Görgens, A.H.M. and Boroto, R.A. 1997. Limpopo River: flow balance anomalies, surprises and implications for integrated water resources management. In: Proceedings of the 8th South African National Hydrology Symposium, Pretoria, South Africa.

Hierdie artikel is ’n saadjie. Voel vry om Wikipedia te help deur dit uit te brei.

[1] Love, D., Uhlenbrook, S., Nyabeze, W., Owen, R.J.S., Twomlow, S., Savenije, H. , Woltering, L. and van der Zaag, P. 2005. Modelling of hydrological change for IWRM planning: case study of the Mzingwane River, Limpopo Basin, Zimbabwe. In: Abstract Volume, 6th WaterNet/WARFSA/GWP-SA Symposium, Ezulwini, Swaziland, November 2005, p 31.[1] Geargiveer 17 Junie 2018 op Wayback Machine

[2] Görgens, A.H.M. and Boroto, R.A. 1997. Limpopo River: flow balance anomalies, surprises and implications for integrated water resources management. In: Proceedings of the 8th South African National Hydrology Symposium, Pretoria, South Africa.

[1]