Kampioenetrofee 2025

Die artikel beskryf ’n sportgebeurtenis wat in die toekoms gaan plaasvind. Die inligting is moontlik spekulatief en kan vinnig verander soos data beskikbaar raak.

Kampioenetrofee 2025

Kenteken van die Kampioenetrofee 2025
Datums	19 Februarie – 9 Maart
Bestuurder	Internasionale Krieketraad (IKR)
Krieketformaat	Internasionale eendagkrieket (EDI)
Toernooiformaat	Groep- en uitklopfase
Gashere	Pakistan  Verenigde Arabiese Emirate
Deelnemers	8
Wedstryde gespeel	15
← 2017 2029 →

Die Kampioenetrofee 2025 (Engels: 2025 ICC Champions Trophy) sal van 19 Februarie tot 9 Maart 2025 in Pakistan en die Verenigde Arabiese Emirate beslis word.^[1] Dit sal die negende Kampioenetrofee in EDI-krieket wees wat deur die Internasionale Krieketraad (IKR) aangebied word en die eerste vir albei gashere. Die medegasheer Pakistan is ook die verdedigende kampioen, nadat hulle die vorige Kampioenetrofee 2017 gewen het. Die Kampioenetrofee 2025 sal agt jaar ná die vorige toernooi plaasvind, die langste pouse tussen twee internasionale kriekettoernooie ooit.

Die toernooi se formaat van 2009, 2013 en 2017 sal onveranderd bly en die agt beste nasionale spanne van die Krieketwêreldbeker 2023 sal aan die Kampioenetrofee 2025 deelneem. Die spanne sal in twee groepe van vier elk verdeel word, waarvan elke span een keer teen al die ander spanne van die groep speel. Die twee beste spanne van elke groep sal hierna vir die halfeindrondte kwalifiseer en die wenners mekaar in die eindstryd ontmoet.

In 2016 het die IKR aangekondig dat hulle met die Kampioenetrofee ná die 2017-toernooi weg sal doen. Die IKR se doelwit was om vir elk van die drie formate slegs een toernooi te hê.^[2] In November 2021 het die IKR egter aangekondig dat dié toernooi vanaf 2025 weer aangebied sal word.^[3] In dieselfde maand is die Kampioenetrofee 2025 deur die Internasionale Krieketraad aan Pakistan toegewys.^[4] Dit sal die eerste belangrike toernooi in Pakistan wees sedert die 2009-aanval op die Sri Lankaanse nasionale krieketspan, aangesien dit ná dié aanval van sy gasheerregte vir die Krieketwêreldbeker 2011 ontneem is.^[5][6] Die laaste vername toernooi in Pakistan was die Krieketwêreldbeker 1996, wat hulle saam met Indië en Sri Lanka aangebied het.^[7][8]

Die Indies-Pakistanse krieketmededinging is erg geraak deur die gespanne bilaterale verhouding tussen dié twee lande. In November 2023 het die Pakistanse Krieketraad vergader met die IKR se uitvoerende raad om ’n vergoeding te bespreek indien Indië weier om in Pakistan te speel.^[9][10] ’n Jaar later het die Raad vir Beheer van Krieket in Indië die IKR daaroor ingelig dat Indië vir die toernooi nie na Pakistan sou reis nie en veiligheidskwessies aangevoer.^[11] Pakistan het ’n skriftelike verduideliking geëis en aanvanklik die voorgestelde hibriede model verwerp.^[12]

Op 19 Desember 2024, ná ’n ooreenkoms tussen die Raad vir Beheer van Krieket in Indië en die Pakistanse Krieketraad het die Internasionale Krieketraad ’n hersiening uitgereik oor die toernooie wat deur Indië en Pakistan aangebied sal word, waarvolgens die Kampioenetrofee 2025 in Februarie en Maart 2025 in Pakistan en op ’n neutrale plek beslis sal word, waarna op die Verenigde Arabiese Emirate besluit is.^[13] Die IKR het bevestig dat Indië en Pakistan se wedstryde in mekaar se lande tussen 2024 en 2027 op neutrale plekke gehuisves sal word. Dit sal van toepassing wees tydens die Vrouekrieketwêreldbeker 2025 (in Indië) en die T20I-wêreldbeker 2026 (in Indië en Sri Lanka). Daar is ook aangekondig dat Pakistan die T20I-vrouewêreldbeker 2028 sal aanbied, waartydens Indië sy wedstryde ook op ’n neutrale plek sal speel.^[14]

Agt spanne sal aan die Kampioenetrofee 2025 kan deelneem.^[15]

Die beste sewe spanne van die Krieketwêreldbeker 2023 het saam met die gasheer Pakistan regstreeks gekwalifiseer.^[16] Hulle is Afghanistan, Australië, Bangladesj, Engeland, Indië, Nieu-Seeland en Suid-Afrika. Die voormalige kampioen Sri Lanka kon vir die eerste keer nie vir ’n Kampioenetrofee kwalifiseer nie, terwyl Afghanistan wél en vir die eerste keer daarin kon slaag.^[17]

Span	Kwalifiseringmetode	Verskynings by eindstryde	Laaste verskyning	Vorige beste prestasie
Pakistan	Gasheer	Negende	2017	Kampioen (2017)
Afghanistan	Regstreeks	Eerste	–	Debuut
Australië		Negende	2017	Kampioen (2006, 2009)
Bangladesj		Sesde	2017	9de plek (2000, 2006)
Engeland		Negende	2017	Naaswenner (2004, 2013)
Indië		Negende	2017	Kampioen (2002, 2013)
Nieu-Seeland		Negende	2017	Kampioen (2000)
Suid-Afrika		Negende	2017	Kampioen (1998)

In Desember 2022 het die Pakistanse Krieketraad toestemming ontvang van die Pakistanse regering vir die oprigting van ’n nuwe krieketstadion in Islamabad vir die toernooi.^[18] Op 28 April 2024 het die Pakistanse beheerliggaam egter drie bestaande stadions vir die toernooi voorgestel.^[19] Die meeste wedstryde sal Karatsji, Lahore en Rawalpindi aangebied word, terwyl Indië sy hele toernooi in Doebai in die Verenigde Arabiese Emirate sal speel.^[20][21]

Pakistan			Verenigde Arabiese Emirate
Karatsji	Lahore	Rawalpindi	Doebai
Nasionale stadion	Gaddafistadion	Rawalpindi-krieketstadion	Doebai Int’l Krieketstadion
24°53′46″N 67°4′53″O / 24.89611°N 67.08139°O / 24.89611; 67.08139 (Nasionale Stadion)	31°30′48″N 74°20′0″O / 31.51333°N 74.33333°O / 31.51333; 74.33333 (Gaddafistadion)	33°39′5.44″N 73°4′33.82″O / 33.6515111°N 73.0760611°O / 33.6515111; 73.0760611 (Rawalpindi-krieketstadion)	25°2′48″N 55°13′8″O / 25.04667°N 55.21889°O / 25.04667; 55.21889 (Doebai Internasionale Krieketstadion)
Kapasiteit: 34 238	Kapasiteit: 27 000	Kapasiteit: 15 000	Kapasiteit: 25 000
Karatsji Lahore Rawalpindi Kampioenetrofee 2025 (Pakistan)		Doebai Kampioenetrofee 2025 (Verenigde Arabiese Emirate)

Die Kampioenetrofee 2025 sal oor 18 dae tussen agt verskillende spanne oor 15 wedstryde beslis word. Dit sal op 19 Februar 2025 op die Nasionale stadion in Karatsji, Pakistan, met die openingswedstryd tussen die gasheer Pakistan en Nieu-Seeland begin. Die toernooi sal eindig in óf Doebai óf Lahore op 9 Maart met die eindstryd, waartydens die wenner die Kampioenetrofee sal inpalm. Dieselfde formaat is voorheen tydens die Kampioenetrofeë in 2009, 2013 en 2017 gebruik.

Die volgende tabel dui die Kampioenetrofee 2025 se daaglikse program aan. ’n Siaan blokkie dui op wedstryde tydens die groepfase, ’n groen blokkie die uitklopfase en ’n geel blokkie op die eindstryd.

Aantal daaglikse wedstryde tydens die toernooi Groepfase Februarie/Maart Wo 19 Do 20 Vr 21 Sa 22 So 23 Ma 24 Di 25 Wo 26 Do 27 Vr 28 Sa 1 So 2 Groep A 1 1 1 1 1 1 Groep B 1 1 1 1 1 1 Uitklopfase Maart Ma 3 Di 4 Wo 5 Do 6 Vr 7 Sa 8 So 9 Uitklopfase 1 1 1

Verklaring    Groepfase    Uitklopfase    Eindstryd

Groep A	Groep B
Bangladesj Indië Nieu-Seeland Pakistan	Afghanistan Australië Engeland Suid-Afrika

Die Kampioenetrofee 2025 sal deur agt nasionale krieketspanne beslis word. Vir die groepfase sal die agt deelnemende spanne in twee groepe van vier elk verdeel word; elke span sal een wedstryd teen elk van die ander spanne in dieselfde groep speel, dus sal elke span drie wedstryde in die groepfase speel. Twee punte sal vir ’n oorwinning toegeken word, een vir ’n gelykop of onbesliste wedstryd en geen punte vir ’n nederlaag: spanne wat met dieselfde aantal punte eindig, sal volgens lopietempo, dan boultempo en dan die uitslag van die direkte ontmoeting gerangskik word. Die twee beste spanne van albei groepe dring na die uitklopfase deur.

Van die begin van dié fase af sal die toernooi ’n uitklopformaat aanneem wat uit drie wedstryde bestaan: twee halfeindstryde en die eindstryd. Die twee beste spanne van elke groep sal na die uitklopfase deurdring. Die groepwenner van albei groepe sal teen die naaswenner van die ander groep in die halfeindstryde speel. Elke wedstryd in die uitklopstadium moet met ’n oorwinning vir een van die spanne eindig. As daar ná albei kolfbeurte ’n gelykopuitslag is, sal die wedstryd deur ’n superboulbeurt beslis word.

Die spanne sal in twee groepe van vier elk verdeel word, waarvan elke span een keer teen al die ander spanne van die groep speel. Die beste twee spanne van elke groep sal hierna vir die halfeindrondte kwalifiseer en die wenners sal mekaar in die eindstryd ontmoet.

Span	Wed	Wen	Ver	Onb	Pte	LT
Bangladesj	0	0	0	0	0	—
Indië	0	0	0	0	0	—
Nieu-Seeland	0	0	0	0	0	—
Pakistan	0	0	0	0	0	—

Span	Wed	Wen	Ver	Onb	Pte	LT
Afghanistan	0	0	0	0	0	—
Australië	0	0	0	0	0	—
Engeland	0	0	0	0	0	—
Suid-Afrika	0	0	0	0	0	—

	Halfeindrondte				Eindrondte
	4 Maart – Doebai
	Wenner Groep A
	Naaswenner Groep B				9 Maart – Lahore of Doebai
					Wenner Halfeindstryd 1
	5 Maart – Lahore			Wenner Halfeindstryd 2
	Wenner Groep B
	Naaswenner Groep A

Kampioenetrofeewenner 2025
Eindstrydwenner

• (en) Amptelike webwerf van die Kampioenetrofee 2025
• (en) Kampioenetrofee 2025 op ESPNcricinfo

	Kampioenetrofee
Bangladesj 1998 • Kenia 2000 • Sri Lanka 2002 • Engeland 2004 • Indië 2006 • Suid-Afrika 2009 • Engeland / Wallis 2013 • Engeland / Wallis 2017 • Pakistan 2025 • Indië 2029