KV40
| KV40 | ||
| Die grafkelder van koninklikes van die 18de Dinastie | ||
| ||
| Die plan van KV34. | ||
| Ligging | Vallei van die Konings | |
| Land |  Egipte
| |
| Ontdek | 1899 | |
| Uitgrawings deur | Victor Loret (1899) Universiteit van Basel | |
| Versiering | Onversier | |
← Vorige KV39 Volgende →
KV41 | ||
KV40 in die Vallei van die Konings by Thebe, naby die moderne stad Luxor in Egipte, was waarskynlik die grafkelder van koninklikes van die 18de Dinastie, hoewel oorblyfsels ook gekry is uit die latere 22ste Dinastie. Uitgrawings is in 1899 deur Victor Loret gedoen, maar geen verslag is gepubliseer nie.[1]
Uitgrawings in 2014 het die oorblyfsels ontbloot van minstens 50 minder belangrike lede van die koninklike familie in verskeie kamers. Hoewel die grafkelder verskeie kere in antieke tye en aan die einde van die 19de eeu beroof is, het dit nog baie fragmente van begrafnistoerusting bevat, soos doodskiste en tekstiele.[2]
Uitgrawings van 2014
[wysig | wysig bron]Op 28 April 2014 het die Egiptiese minister van antiekhede die ontdekking deur 'n Switserse argeologiese span aangekondig van minstens 50 mummies in die middel van die begrafniskamer en in drie sykamers van KV40.[2][3] Egiptoloë het meer as 30 mense geïdentifiseer op grond van begrafnisflesse.
Die mummies in KV40 kom van beide die 18de en die 22ste Dinastie.[4] Die koninklike titels wat op baie van die flesse gekry is, dui aan die mummies is van familielede van Toetmoses IV en Amenhotep III, wat albei ook in die Vallei van die Konings begrawe is.[2]
Die ontleding van die Hiëratiese inskripsies is van tot dusver onbekende prinsesse, vier prinse en verskeie buitelandse vroue, meestal volwassenes.[2] Volgens laasgenoemde se name was hulle van die Nabye Ooste en Nubië.[4] 'n Paar mummies van kinders is ook ontdek.[2] Volgens die inskripsies is die prinse, prinsesse en koninklike kinders van dieselfde koningshuis.
Verwysings
[wysig | wysig bron]- ↑ "KV 40 (Unknown)". Theban Mapping Project. Besoek op 15 April 2021.
- ↑ 2,0 2,1 2,2 2,3 2,4 "Egyptologists identify tomb of royal children". HeritageDaily. 28 April 2014. Besoek op 1 Mei 2014.
- ↑ "50 mummies discovered in Kings Valley". Egyptian State Information Service. 29 April 2014. Besoek op 1 Mei 2014.
- ↑ 4,0 4,1 Susanne Bickel, Princesses, Robbers and Priests – The unknown side of the Kings' Valley, Presentation at a conference at the Museo Egizio in Turin, Italy, October 14 2017, Online; KV 64 discussed at 40:00 onwards
Nog leesstof
[wysig | wysig bron]- Bickel, Suzanne; Jenni, Hanna; Collombert, Philippe, reds. (2021). Räuber Priester – Königskinder : die Gräber KV 40 und KV 64 im Tal der Könige : die beschrifteten Objekte der 18. Dynastie und die Keramik (in Duits). Basel & Frankfurt: Librum. ISBN 978-3-906897-32-5. Besoek op 23 April 2023.
Skakels
[wysig | wysig bron]- Theban Mapping Project: KV40. Sluit planne van die grafkelder in.
Hierdie artikel is in sy geheel of gedeeltelik uit die Engelse Wikipedia vertaal.
