KV30
| KV30 | ||
| Grafkelder van 'n onbekende | ||
| ||
| Die plan van KV30. | ||
| Ligging | Vallei van die Konings | |
| Land |  Egipte
| |
| Ontdek | 1817? | |
| Uitgrawings deur | Giovanni Battista Belzoni? (1817) Universiteit van Basel (2010-'11) | |
| Versiering | Onversier | |
← Vorige KV29 Volgende →
KV31 | ||
KV30 is 'n grafkelder in die Vallei van die Konings by Thebe, naby die moderne stad Luxor in Egipte. Dit kom waarskynlik uit die middel van die 18de Dinastie en is gebruik vir 'n onbekende individu.
Dit is moontlik dat dit in 1817 deur Giovanni Battista Belzoni ontdek is namens die tweede graaf Belmore. Uitgrawings is in 2009-'10 deur die Universiteit van Basel gedoen.
Ligging en uitgrawings
[wysig | wysig bron]KV30 is in die syvallei geleë wat lei na KV34, die grafkelder van Toetmoses III, en ander uit dieselfde tyd soos KV32 en KV42. Dit is min of meer oorkant KV26.[1]
Die uitleg bestaan uit 'n skag van sewe meter en een groot kamer, wat deur vier kleintjies omring is. Dit is altesaam 23 meter lank.[1]
Die moderne geskiedenis van die grafkelder is onbekend. In die 1960's het Elizabeth Thomas voorgestel dit is een van twee waarin uitgrawings deur Giovanni Belzoni gedoen is vir lord Belmore.[1] In die 1960's het Thomas 'n kaart van die grafkelder opgestel en genoem dit bevat 'n enkele potskerf uit die 18de Dinastie.[2]
Die Universiteit van Basel het in 2009 uitgrawings gedoen. Die oop skag het moderne puin bo 'n ouer sandlaag bevat. Die grafkelder is vir 'n begrafnis gebruik, want binne die puin was fragmente van houtkiste, skerwe en 'n stuk gekleurde glas. Die enkele stuk erdware wat Thomas genoem het, was steeds daar. Die graf is skoongemaak en 'n deur is voor die ingang aangebring.[3] Dit is in 2016 deeglik gefotografeer.[4]
Verwysings
[wysig | wysig bron]- ↑ 1,0 1,1 1,2 Bickel, Paulin-Grothe & Sartori 2009, p. 1.
- ↑ Reeves & Wilkinson 1996, p. 109.
- ↑ Bickel, Paulin-Grothe & Sartori 2009, p. 2.
- ↑ Bickel & Paulin-Grothe 2016, p. 5.
Bronne
[wysig | wysig bron]- Bickel, Suzanne; Paulin-Grothe, Elina; Sartori, Nicolas (2009). "Preliminary Report on the Work Carried out During the Season 2009" (PDF). University of Basel. University of Basel Kings' Valley Project. Besoek op 22 April 2023.
- Bickel, Suzanne (2010). "Preliminary Report on the Work Carried out During the Season 2010" (PDF). University of Basel. University of Basel Kings' Valley Project. Besoek op 22 April 2023.
- Bickel, Suzanne; Paulin-Grothe, Elina (2016). "Report on work carried out during the field season 2015–2016" (PDF). University of Basel. University of Basel Kings' Valley Project. Besoek op 23 April 2023.
- Reeves, Nicholas; Wilkinson, Richard H. (1996). The Complete Valley of the Kings: Tombs and Treasures of Egypt's Greatest Pharaohs (2010-sagteband uitg.). Londen: Thames and Hudson. ISBN 978-0-500-28403-2. Besoek op 22 April 2023.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
