Juan Smith

Juan Smith
Volle naam	Juanne Hugo Smith
Geboortedatum	30 Julie 1980 (44 jaar oud)
Geboorteplek	Bloemfontein (Suid-Afrika)
Lengte	1,96 m
Massa	112 kg
Skool	Hoërskool JBM Hertzog
Universiteit	Universiteit van die Vrystaat
Eggenote	Caroline (née Liebenberg)
Beroep	Professionele rugbyspeler
Rugbyloopbaan
Loopbaan as speler
Posisie(s)	Flank, agsteman
Springbokno.	746
Amateurspanne
Professionele / senior klubs
korrek soos op 19 Julie 2019.
Provinsiale- / Staatspanne
korrek soos op 23 Mei 2019.
Superrugby/Verenigde Rugbykampioenskap
korrek soos op 23 Mei 2019.
Nasionale span(ne)
korrek soos op 23 Mei 2019.

Juan Smith (* 30 Julie 1981 in Bloemfontein, Suid-Afrika) is ’n oud-Springbokrugbyspeler. Sy normale posisie is toekantflank. Hy het vir die Cheetahs in die internasionale Super 14-kompetisie en vir die Vrystaat Cheetahs in die Curriebeker gespeel. Hy was ook voorheen 'n kaptein van die Cheetahs.

Springbok loopbaan

Smith het sy internasionale debuut vir Suid-Afrika op 7 Junie 2003 gemaak toe hy ’n reserwe was in die 29-25 oorwinning oor Skotland in Kings Park in Durban, hy is ook gekies vir die Springbokke se tweede wedstryd teen Skotland die volgende week. Hy het daarna as agsteman gespeel tydens die 2003-Drienasiesreeks teen Australië en die All Blacks.

Hy is ingesluit in die Springbokke se 2003 Rugbywêreldbekerspan. Hy het daar in vier wedstryde gespeel en ’n drie gedruk teen Manu Samoa. Alhoewel hy in 2004 net een toets vir Suid-Afrika gespeel het – teen Wallis in die Millennium-stadion in Cardiff gedurende November, het hy die volgende jaar tien toetse vir die Springbokke gespeel.

Hy was ’n reserwe in wedstryde teen Uruguay en Frankryk, voor hy weer in die kernspan as flank gekies is vir die 2005 Drienasiesreeks. Die Vrystaat Cheetahs het tot die 2005 Curriebekereindstryd gevorder waar hulle die Blou Bulle geklop het om die kampioenskap te wen. Hy het daarna in die 20-16 nederlaag teen Frankryk op die Stade de France in Parys gespeel. Hy was ook deel van Suid-Afrika se wenspan tydens die Rugbywêreldbeker 2007.

Cheetah loopbaan

Die Cheetahs is tot die Super 14-toernooi toegelaat vanaf die 2006 seisoen. Smith was kaptein van die span wat verbasend goed gevaar het vir ’n nuwe span. Hulle het bo die ander nuwe span, Force, sowel as drie van die ander Super 14 spanne geëindig. Smith het in die 2006 middel-van-die-jaar-toetsoorwinning oor Skotland gespeel sowel as in die nederlaag teen Frankryk in Suid-Afrika. Hy is daarna ook vir die Springbokke se 2006 Drienasiesspan gekies.

In 2010 het Smith hom op die laaste nippertjie van die Cheetahs se Super 14-wedstryd teen die Reds onttrek nadat sy pa ernstig siek geword het.^[1] Die Cheetahs het daarna na Australasië vertrek maar sonder Smith. Hulle het teen die Waratahs verloor waarna Smith Australië toe gevlieg het. Kort voor die Cheetahs se wedstryd teen die Brumbies het Smith verneem dat sy pa oorlede is aan hartversaking nadat hy opgeneem is met slenkdalkoors.^[2] Smith het na Suid-Afrika teruggekeer om die begrafnis by te woon.

Besering

Op 25 Februarie 2011 het Smith sy haksening in ’n Superrugbywedstryd teen die Bulls in Bloemfontein beseer.^[3] Hy het daarna die Rugbywêreldbeker 2011-toernooi misgeloop.^[3]

Op 3 April 2012 het Smith in ’n eksklusiewe onderhoud met die koerant Volksblad gesê, dat hy besluit het om weens sy hakseningbesering vir ’n onbepaalde tydperk ’n ruskans te neem.^[3] Smith was uiters teleurgesteld dat sy besering hom so lank van die veld hou en ná vier operasies nie so spoedig herstel het soos wat hy aanvanklik gehoop het nie. “Die regte ding om nou te doen is om my besering genoegsame tyd te gun om 100% te herstel,” het hy gesê.^[3]

Op 11 Februarie 2013 kondig Smith sy amptelike uittrede uit rugby aan weens sy hakseningbesering.^[4] Vroeg in September 2013 is egter aangekondig dat Smith ’n eenjaarkontrak met die Franse klubspan Toulon onderteken het nadat hy ’n rits mediese toetse ondergaan het om onder andere sy fiksheid te toets.^[5]

Verwysings

↑ "Reds buit lakwerk uit" (html). beeld.com. Geargiveer vanaf die oorspronklike op 1 September 2011. Besoek op 11 April 2010.
↑ "Slenkdal eis al 7 mense; 104 gevalle is bevestig" (html). beeld.com. Besoek op 11 April 2010.^{[dooie skakel]}
↑ ^3,0 ^3,1 ^3,2 ^3,3 "Pletterslag vir Juan en Bokke". www.volksblad.com. Geargiveer vanaf die oorspronklike (html) op 7 April 2012. Besoek op 9 April 2012.
↑ Cronjé, Hendrik (12 Februarie 2013). "Juan klaar met rugby". Beeld. Geargiveer vanaf die oorspronklike (html) op 15 Februarie 2013. Besoek op 24 Februarie 2013.
↑ "Smith slaag toetse, pak tasse vir Toulon" (html). Sport24. 2 September 2013. Geargiveer vanaf die oorspronklike op 6 September 2013. Besoek op 2 September 2013.

Eksterne skakels

[1] "Reds buit lakwerk uit" (html). beeld.com. Geargiveer vanaf die oorspronklike op 1 September 2011. Besoek op 11 April 2010.

[2] "Slenkdal eis al 7 mense; 104 gevalle is bevestig" (html). beeld.com. Besoek op 11 April 2010.^{[dooie skakel]}

[Pletterslag-3] 3,0 ^3,1 ^3,2 ^3,3 "Pletterslag vir Juan en Bokke". www.volksblad.com. Geargiveer vanaf die oorspronklike (html) op 7 April 2012. Besoek op 9 April 2012.

[4] Cronjé, Hendrik (12 Februarie 2013). "Juan klaar met rugby". Beeld. Geargiveer vanaf die oorspronklike (html) op 15 Februarie 2013. Besoek op 24 Februarie 2013.

[5] "Smith slaag toetse, pak tasse vir Toulon" (html). Sport24. 2 September 2013. Geargiveer vanaf die oorspronklike op 6 September 2013. Besoek op 2 September 2013.

[1]