新疆（維吾爾文：شینجاڭ）係中國西北一省。響中華人民共和國裏面，行政上叫新疆維吾爾自治區（維吾爾文：شینجاڭ ئۇيغۇر ئاپتونوم رايونی），簡稱新或疆，係省級嘅自治區，省城響烏魯木齊。齋計地嘅話，佢係全國最大面積嘅省。新疆係邊疆省份，國內同東接甘肅，東南接青海，南接西藏，國外東北接蒙古，北接俄國，西北接哈薩克，西接吉爾吉斯、塔吉克、阿富汗，西南接巴基斯坦同印度都爭梗嘅喀什米爾。
新疆全省都響內陸，有好多山同畀山脈間開嘅盤地，亦都有沙漠、草原同綠洲。歷史上有好多唔同種族住過，唐人叫呢度做西域，係絲綢之路所經嘅地方。
