ڈان کلیورلی

ڈونلڈ چارلس کلیورلی (پیدائش:23 دسمبر 1909ءاومارو، اوٹاگو)|وفات :16 فروری 2004ءساؤتھ پورٹ، کوئنز لینڈ،) نیوزی لینڈ کے ٹیسٹ کرکٹ کھلاڑی تھے^[1] کلیورلے نے نیوزی لینڈ کرکٹ ٹیم کے لیے 14 سال کے وقفے سے دو ٹیسٹ کھیلے لیکن کسی بھی میچ میں وکٹ لینے میں ناکام رہے^[2]

اوٹاگو کے اومارو میں پیدا ہوئے، وہ دائیں ہاتھ کے فاسٹ میڈیم باؤلر اور بائیں ہاتھ کے بلے باز تھے^[3] کلیورلی نے سنٹرل ڈسٹرکٹس کے لیے 1952-53ء میں آخری سیزن کھیلنے سے پہلے، 1930/31ء سے 1951/52ء تک، آکلینڈ کے لیے 21 سیزن میں مقامی اول درجہ کرکٹ کھیلی۔ انھوں نے فروری 1936ء میں ایم سی سی کی جانب سے پیاکو کے لیے اور دسمبر 1952ء میں ہاک کپ میں نیلسن کے خلاف تراناکی کے لیے بھی کھیلا^[4]

اس نے سب سے پہلے نیوزی لینڈ کے افتتاحی ٹیسٹ میچ میں جنوبی افریقہ کے خلاف فروری 1932ء میں کرائسٹ چرچ میں کھیلا۔ کلیورلی نے بغیر کسی کامیابی کے 22 اوورز کروائے اور بلے سے 10* اور 7 رنز بنائے اور نیوزی لینڈ کو اننگز اور 12 رنز سے شکست ہوئی^[5] انھوں نے مارچ 1946ء میں ویلنگٹن میں آسٹریلیا کے خلاف بدنام زمانہ واحد ٹیسٹ میں بھی کھیلا، جو آسٹریلیا کے خلاف نیوزی لینڈ کا پہلا ٹیسٹ تھا۔ بارش سے متاثرہ پچ پر پہلے بیٹنگ کا انتخاب کرتے ہوئے، نیوزی لینڈ کی ٹیم پہلی صبح دو گھنٹے کے اندر 42 رنز پر ڈھیر ہو گئی۔ پچ خشک ہونے پر آسٹریلیا نے رنز بنائے اور دن کا اختتام 149-3 پر ہوا، لیکن اگلی صبح گیلے وکٹ پر دوبارہ شروع ہونے کے بعد اس نے فوری وکٹیں گنوا دیں اور 199-8 پر اعلان کر دیا۔ یہ کافی سے زیادہ تھا اور نیوزی لینڈ مزید دو گھنٹے کے اندر 54 رنز پر ڈھیر ہو گیا، اسے اننگز اور 103 رنز سے شکست ہوئی^[6] کلیورلی نے بغیر کوئی وکٹ لیے 15 اوور پھینکے اور ہر اننگز میں ایک رن پر ناٹ آؤٹ بلے باز رہے۔ اس شکست کے بعد، جس نے فریقین کے درمیان معیار کے فرق کو نمایاں کیا، آسٹریلیا اور نیوزی لینڈ نے 1973ء تک ٹیسٹ کرکٹ میں ایک دوسرے کے خلاف نہیں کھیلا^[7]

2003ء میں ایم جے گوپالن کی موت پر کلیورلی سب سے عمر رسیدہ ٹیسٹ کرکٹ کھلاڑی بن گئے جبکہ کلیورلی کی جگہ ان کے ہم وطن ایرک ٹنڈل نے سب سے عمر رسیدہ ٹیسٹ کرکٹ کھلاڑی کا بھی اعزاز حاصل کیا جنھوں نے 1946ء میں آسٹریلیا کے خلاف ٹیسٹ میچ بھی کھیلا^[8]

کلیورلی کا انتقال 16 فروری 2004ء میں 94 سال 55 دن کی عمر میں کوئنز لینڈ کے ساؤتھ پورٹ میں ہوا۔

• کرکٹ
• ٹیسٹ کرکٹ
• نیوزی لینڈ قومی کرکٹ ٹیم
• نیوزی لینڈ کے ٹیسٹ کرکٹ کھلاڑیوں کی فہرست
• طویل العمرکرکٹ کھلاڑیوں کی عالمی فہرست