ستار وارثی

ستار وارثی
معلومات شخصیت
پیدائش	سنہ 1928ء   بریلی ،  اتر پردیش ،  برطانوی ہند
وفات	8 مارچ 1985ء (56–57 سال)  کراچی ،  پاکستان
مدفن	شاہ فیصل کالونی
شہریت	برطانوی ہند پاکستان
اولاد	رشید وارثی ،  رئیس وارثی
عملی زندگی
پیشہ	شاعر
پیشہ ورانہ زبان	اردو
باب ادب
درستی - ترمیم

ستار وارثی (پیدائش: 1928ء - وفات: 8 مارچ 1985ء) پاکستان سے تعلق رکھنے والے اردو زبان کے نعت گو شاعر تھے۔ وہ 1928ء کو بریلی، اتر پردیش میں پیدا ہوئے۔ ان کا اصل نام عبد الستار خان تھا جبکہ ستار وارثی ان کا قلمی نام ہے۔ ستار کے والد غفار شاہ وارثی کی بیعت وارث علی شاہ سے تھی۔ تقسیم ہند کے بعد پاکستان منتقل ہو گئے اور کراچی میں مستقل سکونت اختیار کی۔ ستار وارثی کا نعتیہ کلام کے مجموعے آئینہ رحمت (1979ء)، معطر معطر (ناشر: مدینہ پبلشنگ کمپنی کراچی، 1986ء)، عرفانِ وارث اور حرفِ معتبر (1994ء) شائع ہو چکے ہیں۔ جبکہ ایک مجموعہ خوشبوئے دوست (منتخب نعتیں اور عارفانہ کلام، 2003ء) حمید وارثی اور نصیر وارثی نے مرتب کیا ہے۔ ستار وارثی 8 مارچ 1985ء کو کراچی، پاکستان میں انتقال کر گئے۔ وہ شاہ فیصل کالونی کراچی کے کالونی گیٹ قبرستان میں مدفون ہیں۔^[1][2][3]اردو کے ممتاز شعرا رشید وارثی اور رئیس وارثی انھیں کے فرزند ہیں۔