آشا پوسلے

آشا پوسلے
معلومات شخصیت
پیدائش	سنہ 1927ء   پٹیالہ
وفات	25 مارچ 1998ء (70–71 سال)[1]  لاہور
شہریت	پاکستان برطانوی ہند
عملی زندگی
پیشہ	ادکارہ
اعزازات
نگار اعزاز
	IMDB پر صفحہ
درستی - ترمیم

آشا پوسلے (اصل نام: صابرہ بیگم) پاکستانی فلموں کی پہلی ہیروئن ہیں۔^[2][3] 1927ء میں برطانوی ہندوستان کے صوبے پنجاب (پٹیالہ) میں پیدا ہوئیں۔ ^{[4][5][6] [2]}

پاکستان کے ابتدائی دور کی فلموں کی ہیروئن تھیں لیکن زیادہ کامیاب نہ ہو سکیں۔ آشا پوسلے موسیقار عنایت علی ناتھ کی بیٹی تھی اور معروف فلمی پس پردہ گلوکارہ کوثر پروین کی بہن تھیں، ان کی ایک اور بہن رانی کرن تھیں۔ انھوں نے لاہور میں بننے والی پنجابی فلم گوانڈی (1944ء) میں بطور معاون اداکارہ کی حیثیت سے آغاز کیا ، اس کے بعد برطانوی ہندوستان میں فلمائی جانے والی ہندی فلم چمپا (1945ء) میں مرکزی کردار ادا کیا۔ معروف موسیقار غلام حیدر نے انھیں پیشہ ورانہ نام آشا پوسلی دیا تھا۔ 1947ء میں پاکستان کی آزادی کے بعد ، وہ اپنے اہل خانہ کے ساتھ نئے ملک پاکستان میں ہجرت کر گئیں۔ ^{[2][7] [8]}

تقسیم ہند کے بعد وہ پاکستان ہجرت کر گئیں جہاں انھیں پاکستان کی پہلی فلمی ہیرؤئن بننے کا اعزاز بھی حاصل ہوا۔ وہ 1948ء میں پاکستان کی پہلی ریلیز ہونے والی فلم "تیری یاد" کی ہیروئین تھیں جس کی ہدایتکاری کے فرائض داؤد چاند اور رام لعل نے انجام دیے۔ یہ فلم 7 اگست 1948ء کو لاہور کے پربت تھیٹر میں نمائش کے لیے پیش ہوئی، اس میں آشا پوسلے کے ساتھ ناصر خاں (دلیپ کمار کے بھائی) بھی شامل تھے جو تقسیم ہند کے بعد ممبئی میں ہی مقیم رہے۔ وہ مرکزی کرداروں میں کامیاب نہیں تھیں اور صرف فلموں میں پہلی ہیروئین کے طور پر نظر آئیں۔ اس فہرست میں پھرے (1949ء) ، شعلہ (1952ء) اور سدھیر کی پہلی پنجابی فلم بلبل (1955ء) شامل تھیں۔ انھیں ضمنی کرداروں میں شہرت ملی ، خاص طور پر پتن میں نذر (1955ء) کے ساتھ اور دلا بھٹی (1956ء) اور شیخ چلی (1958ء) میں آصف جاہ کے ساتھ مزاحیہ کرداروں میں۔ وہ سسئی (1954ء) ، عشقِ لیلیٰ اور انتظار اور گڈی گڈا (1956ء) وغیرہ جیسی فلموں میں ویمپ یا سائڈ ہیروئن تھیں۔ 1950 کی دہائی کے بعد ، وہ زیادہ تر معاون کردار میں نظر آئیں۔ ما ں کے آنسو (1963ء) ، مرزا جٹ (1967) ، مستانہ ماہی اور انصاف اور قانون (1971ء) وغیرہ کچھ دوسری مشہور فلمیں تھیں۔ تین دہائیوں پر مشتمل کیریئر کے دوران انھوں نے 129 کے قریب فلموں میں کام کیا۔ ^[9]

آشا پوسلے کو 1982ء میں ان کی تیس سالہ کارکردگی پر نگار ایوارڈ سے نوازا گیا۔

آشا پوسلے 26 مارچ 1998ء کو لاہور، پاکستان میں انتقال کر گئیں۔^{[2][10] [8]}