Karéta api

Karéta api nyaéta sarana transportasi atawa kandaraan anu maké tanaga penggerak, boh nu maju sorangan (KRL atawa KRD) atawa dicantélkeun kana kandaraan lianna, anu rék atawa keur maju dina rél. Karéta api nyaéta alat transportasi masal anu umumna aya lokomotif (kandaraan nu maké tanaga penggerak sorangan) jeung rangkéan karéta (pikeun panumpang) atawa gerbong (pikeun barang) (dicantélkeun kana kandaraan lianna). Éta rangkéan atawa gerbong téh ukuranana rélatif gedé jeung lega nu antukna mampuh muat panumpang atawa barang kalawan loba. Alatan sipatna minangka angkutan massal nu éféktif, sababaraha nagara ngusahakeun sangkan manpaatna bisa maksimal minangka alat transportasi darat boh di jero kota, antarkota boh antarnagara.